شي جينپيڭ 73 - كەزەكتى دۇنيە جۇزىلىك دەنساۋلىق ساقتاۋ جينالىسى بەينە ەكران ءماجىلىسىنىڭ اشىلۋ سالتىندا ءسوز سويلەدى
2020.05.19 16:26 كەلۋ قاينارى : حالىق تورابى
جۇڭگونىڭ حالىقتى نەگىز ەتۋدە، تىرشىلىكتى الدىڭعى ورىنعا قويۋدا تاباندى بولاتىنىن، ادامزاتتىڭ تاعدىرلاس ورتاق تۇلعاسى تانىمىن باستان - اياق ۇستانىپ، ءارى ءوز ەلى حالقىنىڭ باس اماندىعىنا جانە دەنساۋلىعىنا جاۋاپتى بولاتىنىن، ءارى دۇنيە ءجۇزىنىڭ الەۋمەتتىك دەنساۋلىق ساقتاۋ ىستەرىندە جاۋاپكەرلىگىن ادا ەتەتىنىن دارىپتەدى
ىندەتتەن ساقتانۋ – تىزگىندەۋدى كۇشەيتۋ جونىندەگى ۇسىنىسىن ورتاعا قويدى، دۇنيە ءجۇزىنىڭ ىندەتكە قارسى اتتانۋ سەلبەستىگىن ىلگەرىلەتۋدەگى ءىس جۇزىندىك شارالاردى جاريالادى، ادامزاتتىڭ دەنساۋلىق ساقتاۋ، سالاماتتىق ورتاق تۇلعاسىن قۇرۋعا ۇندەدى
شينحۋا اگەنتتىگى، 5 - ايدىڭ 18 - كۇنى، بەيجيڭ. بەيجيڭ ۋاقىتى 5 - ايدىڭ 18 - كۇنى كەشتە مەملەكەت ءتوراعاسى شي جينپيڭ 73 – كەزەكتى دۇنيە جۇزىلىك دەنساۋلىق ساقتاۋ جينالىسى بەينە ەكران ءماجىلىسىنىڭ اشىلۋ سالتىندا «ىنتىماقتاسا سەلبەسىپ ىندەتتى جەڭىپ، ادامزاتتىڭ دەنساۋلىق ساقتاۋ، سالاماتتىق ورتاق تۇلعاسىن بىرگە قۇرايىق» دەگەن تاقىرىپتاعى ارناۋ ءسوزىن جاريالادى. شي جينپيڭ مىنالاردى دارىپتەدى: دۇنيە جۇزىلىك ەكىنشى سوعىس اياقتاعاننان بەرگى وسى رەتكى ەڭ اۋىر الەۋمەتتىك دەنساۋلىق ساقتاۋ تۇتقيىل وقيعاسىنا قاراتا ءار ەل حالقى ەرلىكپەن العا باسىپ، ءوزارا قارايلاسپ، ءبىر جاعادان باس، ءبىر جەڭنەن قول شىعاردى. جۇڭگو حالىقتى نەگىز ەتۋدە، تىرشىلىكتى الدىڭعى ورىنعا قويۋدا تاباندى بولىپ، باستان - اياق اشىق، جاريالى بولۋ، جاۋاپكەرلىك ارقالاۋ پوزيتسياسىن، ادامزاتتىڭ تاعدىرلاس ورتاق تۇلعاسىن قۇرۋ تانىمىن ۇستانىپ، ءارى ءوز ەلى حالقىنىڭ باس اماندىعىنا جانە دەنساۋلىعىنا جاۋاپتى بولدى، ءارى دۇنيە ءجۇزىنىڭ الەۋمەتتىك دەنساۋلىق ساقتاۋ ىستەرىندە جاۋاپكەرلىگىن ادا ەتتى. شي جينپيڭ بىلاي دەپ اتاپ كورسەتتى: قازىر ىندەت ءالى ورشۋدە، ساقتانۋ - تىزگىندەۋ جاعىنان ءالى دە قۇلشىنۋعا تۋرا كەلەدى، ىندەتتەن ساقتانۋدى بار كۇشپەن جاقسى ىستەپ، دۇنيە جۇزىلىك دەنساۋلىق ساقتاۋ ۇيىمىنىڭ باسشىلىق رولىن ساۋلەلەندىرىپ، افريكا ەلدەرىنە قولداۋ كورسەتۋ تەبىنىن ارتتىرىپ، دۇنيە ءجۇزىنىڭ الەۋمەتتىك دەنساۋلىق ساقتاۋدى جونگە سالۋىن كۇشەيتىپ، ەكونوميكالىق، قوعامدىق دامۋدى قالپىنا كەلتىرىپ، حالىقارالىق سەلبەستىكتى نىعيتۋ كەرەك. شي جينپيڭ جۇڭگونىڭ دۇنيە ءجۇزىنىڭ ىندەتكە قارسى اتتانۋ سەلبەستىگىن ىلگەرىلەتۋ جاعىنداعى 5 ۇلكەن شاراسىن جاريالادى، ءار ەلدى قول ۇستاسا وتىرىپ، ادامزاتتىڭ دەنساۋلىق ساقتاۋ، سالاماتتىق ورتاق تۇلعاسىن بىرگە قۇرۋعا ۇندەدى.
شي جينپيڭ ارناۋ سوزىندە مىنالاردى دارىپتەدى: ادامزاتتىڭ جاڭا تيپتى ايدارشا ۆيرۋس وكپە قابىنۋىنا قارسى اتتانۋىنىڭ شەشۋشى ساتىندە وسى رەتكى دۇنيە جۇزىلىك دەنساۋلىق ساقتاۋ جينالىسىن وتكىزۋ توتەنشە ماڭىزدى مانگە يە. جاڭا تيپتى ايدارشا ۆيرۋس وكپە قابىنۋ ىندەتى توسىننان پايدا بولدى، قازىر 210 نەشە مەملەكەت پەن رايوندى شارپىپ، 7 ميللياردتان استام حالىققا ىقپال جاساپ وتىر، 300 مىڭنان استام ادامنىڭ قاستەرلى ءومىرىن قيىپ اكەتتى. باقىتقا قارسى قازا بولعاندارعا ازا بىلدىرەمىن، ولاردىڭ وتباسىسىنداعىلاردان حال سۇرايمىن. شي جينپيڭ بىلاي دەپ اتاپ كورسەتتى: ادامزاتتىڭ وركەنيەت تاريحى ءبىر جاعىنان اۋرۋ – سىرقاۋمەن، اپاتپەن كۇرەسۋ تاريحى سانالادى. ۆيرۋستا مەملەكەت شەكاراسى بولمايدى، ىندەت ناسىلگە بولىنبەيدى. سۇراپىل كەلگەن ىندەت الدىندا ءار ەل حالقى ەرلىكپەن العا باسىپ، ءوزارا قارايلاسپ، ءبىر جاعادان باس، ءبىر جەڭنەن قول شىعارىپ، ادامدار اراسىنداعى ۇلى سۇيىسپەنشىلىكتى ايگىلەدى. ىندەتپەن كۇرەسۋدىڭ اسا مىعىم كۇش - قۋاتىن شوعىرلاندىردى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
