ليۋ جيانميڭ ۋاكىل: اۋىل – قىستاقپەن تىلەكتەس بولىپ، گۇلدەندىرۋگە كۇش قوسايىق
حالىق گازەتىنىڭ ءتىلشىسى گۋ چۇن
2020.05.18 16:18 كەلۋ قاينارى : حالىق تورابى
مەملەكەتتىك ەكى ءماجىلىس تاياپ كەلەدى. مەملەكەتتىك حالىق قۇرىلتايى ۋاكىلى، جىجياڭ ولكەسى شاۋشيڭ قالاسى كىچياۋ رايونى ليجۋ قالاشىعى تاڭدي قىستاعى پارتيا باس ياچەيكاسىنىڭ شۋجيى ليۋ جيانميڭ ءوزىنىڭ ۇسىنىسىن ەڭ سوڭعى رەت رەتتەۋدە. ول بيىل [قىستاق كادرلەرى قوسىن قۇرىلىسىن كۇشەيتۋ» قاتارلى تاقىرىپتارعا قاتىستى 4 ۇسىنىس دايىنداعان.
«بۇل 4 ۇسىنىس تۇگەلدەي نەگىزگى ساتىعا قاتىستى، ءبارى دە مەنىڭ كۇندەلىكتى كورگەن – بىلگەنىمنەن، تەكسەرىپ – زەرتتەۋىنەن قورىتىندىلانعان»، — دەيدى ليۋ جيانميڭ، قىستاقتا حالىق قۇرىلتايى ۋاكىلدەرى مەن جۇرتشىلىقتىڭ بايلانىس جاساۋ بەكەتى قۇرىلعان، جىل بويى جۇرتشىلىقتىڭ پىكىرى مەن تالاپ – تىلەكتەرىن قابىلدايدى، «وسىلاردىڭ اراسىنان ەڭ شۇعىل، ەڭ ماڭىزدى مازمۇنداردى ماجىلىسكە الىپ بارىپ، قىستاقتىڭ كوركەيىپ – گۇلدەنۋىنە كۇش قوسامىز، بۇل مەنىڭ مەملەكەتتىك حالىق قۇرىلتايى ۋاكىلى رەتىندەگى جاۋاپكەرشىلىگىم»، — دەدى.
تاڭدي قىستاعى كەزىندە كوپكە بەيتانىس شەتكەرى، شالعاي تاۋلى وڭىردەگى شاعىن قىستاق، ليۋ جيانميڭ قىستاق كادرى بولىپ تاعايىندالعان سوڭ، ەڭ الدىمەن قورشاعان ورتانى جونگە سالۋدان باستاپ ىسكە كىرىستى، سونان كەيىن، قىستاق تۇرعىندارىن گۇل مەن اعاشتى ساتۋدان كورىنىستى «ساتۋعا» بۇرىلىس جاساۋعا جەتەلەدى. قىستاقتىڭ ەكونوميكاسىن كۇرت ارتتىرۋدان سىرت، اۋىل – قىستاق وركەنيەت قۇرىلىسىن مىقتى ۇستاپ، جىل سايىن «جاقسى قايىن اتا، جاقسى قايىن ەنە»، «جاقسى كەلىن»، «جاقسى كورشى» قاتارلىلاردى باعالاۋ ىستەرىن ورىستەتىپ، داڭق تىزىمدىگىنە جازىپ وتىردى.
بىلتىر تاۋى جاسىل، سۋى ءمولدىر، حالقى قاراپايىم تاڭدي قىستاعى 100 مىڭنان استام ساياحاتشى قابىلداپ، قىستاقتىڭ كوللەكتيۆ مال – مۇلكى بارعان سايىن مولايدى، قىستاق تۇرعىندارىنىڭ كىسى باسىنا تيەتىن كىرىسى 85 مىڭ يۋاننان استى. شاعىن قىستاق «مەملەكەت دارەجەلى كورىكتى دە وتىرىقتانۋعا ۇيلەسىمدى ۇلگى قىستاق»، «مەملەكەتتىك ەكولوگيالىق وركەنيەتتى قىستاق»، «مەملەكەتتىك اۋىل – قىستاقتى كوركەيتۋدەگى ۇلگى قىستاق» سياقتى كوپتەگەن داڭقتارعا يە بولدى.
قىستاقتىڭ دامۋى وتە تەز بولعاندىقتان، دارىندىلارعا بولعان قاجەتسىنۋ بارعان سايىن كوكەي تەستى بولا ءتۇستى. «قازىر قىستاق كادرلارىنا دەگەن تالاپ بارعان سايىن جوعارىلادى»، — دەيدى ليۋ جيانميڭ. قازىر قىستاق دارەجەلى ۇيىمداردا قىزمەتكەر از، جۇمىس كوپ، جاۋاپكەرشىلىك اۋىر، باعالاۋ مەن جاۋاپكەرشىلىگىن قۋزاستىرۋ كوپ، ەكونوميكالىق جاقتان شابىتتاندىرۋ از. قىستاق كادرلارى قوسىنىندا جاس قۇرىلىمى قارتتانۋ، ماعلۇمات قۇرىلىمى تومەن بولۋ قاتارلى ماسەلەلەر ورىن تەۋىپ، ينفورماتسيالانعان ءداۋىردىڭ قادامىنا ىلەسە الماي، ۇزدىك جاس دارىندىلاردى ەنگىزە الماي، كەلگەندەرىن تۇراقتاتا الماي وتىر.
ليۋ جيانميڭ مىناداي ۇندەۋ تاستادى: كادرلار قوسىنى قۇرىلىسىنا ءمان بەرىپ، ۇكىمەت قىزمەتكەرىن، ءىس ورىن شتاتى بار قىزمەتكەرلەردى ۇزدىك قىستاق كادرلارى اراسىنان سارالاپ شىعۋ ءتۇزىمىن ورناتىپ جانە ونى كەمەلدەندىرىپ، ۇزدىك قىستاق كادرلارىنىڭ قىزمەتىن ءوسىرۋ ارناسىن كەڭەيتىپ، ولكە دارەجەلىدەن جوعارى داڭققا يە بولعان قىستاق كادرلارىن داڭق جاعىنان شابىتتاندىرۋ؛ قىستاق كادرلارىن تاربيەلەۋ – باۋلۋدى كۇشەيتىپ، رايون، قالاشىق سىندى ەكى دارەجەلى قاتىستى تاراۋلارعا ءمانساپقا ءىلۋ ارقىلى تاربيەلەپ، جوعارى ساپالى، كاسىپتىك قىستاق كادرلارى قوسىنىن قۇرىپ شىعۋ كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
