مەملەكەتتىك ەكى ءماجىلىس كەزىندە بەيجيڭدە «تومەندە باياۋ ۇشاتىن شاعىن» ۇشۋ اپپاراتتارىنىڭ ۇشۋىنا تيىم سالىنادى
2020.05.15 16:53 كەلۋ قاينارى : حالىق تورابى
شينحۋا اگەنتتىگى، 5 - ايدىڭ 13 - كۇنى، بەيجيڭ (ءتىلشى لۋ چاڭ). ءتىلشىنىڭ 5 - ايدىڭ 13 - كۇنى بەيجيڭ قالالىق قوعام حاۋىپسىزدىگى مەكەمەسىنىڭ اماندىق باسقارۋ باس اترەتىنەن ۇعىسۋىنشا، قاتىستى بەلگىلەمەلەرگە نەگىزدەلىپ، 2020 – جىلى 5 - ايدىڭ 20 – كۇنى ساعات نولدەن 5 - ايدىڭ 28 – كۇنى ساعات 24 كە دەيىن بەيجيڭ قالاسىنىڭ اكىمشىلىك وڭىرىندە، بيىكتىگى جەر بەتىنەن شەكسىز بيىكتىككە دەيىن ۋاقىتتىق كەڭىستىك شەكتەۋ رايونى بەلگىلەنەدى، وسى رايونداردا ورىنداردىڭ، ۇيىمداردىڭ جانە جەكەلەردىڭ بارلىق دەنە تاربيە، كوڭىل اشۋ، جارناما سيپاتىنداعى ۇشۋ قيمىلدارىنا جانە شار قويا بەرۋ قيمىلدارىنا، باسقا دا سيپاتتاعى ۇشۋ قيمىلدارىنا تيىم سالىنادى. ارميانىڭ، حالىقتىق اۆياتسيانىڭ اۋە ىستەرىن باسقارۋ تاراۋلارىنىڭ بەكىتۋىنەن وتكەننەن كەيىن عانا اتقارۋعا بولادى.
«تومەندە باياۋ ۇشاتىن شاعىن» ۇشۋ اپپاراتتارى دەگەنىمىز ۇشۋ بيىكتىگى مىڭ مەتردەن تومەن، ۇشۋ جىلدامدىعى ساعاتىنا 200 كيلومەتردەن تومەن، رادار قايتارۋ كولەمى 2 شارشى مەتردەن كىشى اۋە قاتىناس جابدىقتارىن مەڭزەيدى. باستىسى جەڭىل تۇرپاتتى جانە ەرەكشە جەڭىل تۇرپاتتى ۇشاق (جەڭىل تۇرپاتتى جانە ەرەكشە جەڭىل تۇرپاتتى تىك ۇشارلار قامتىلادى)، پلانەر، ءۇش بۇرىش ءپىشىندى ۇشاق، قوزعالتقىش ءۇش بۇرىش ءپىشىندى ۇشاق، ادام الىپ ۇشاتىن شار (جىلى اۋا شارى)، ۇشقىش كەمە، پاراشوت، قوزعالتقىش پاراشوت، درون (ۇشقىشسىز ۇشۋ اپپاراتى)، اۆياتسيا مودەلى، شوفەرسىز ەركىن شار، بايلاما اۋا شارى سىندى 12 ءتۇردى قامتيدى.
بۇدان سىرت، 2014 - جىلى شىعارىلعان «بەيجيڭ رايونىندا تىلەك شىراعىن وندىرۋگە، ساتۋعا تيىم سالۋ جونىندەگى ۇقتىرۋ» بويىنشا، بەيجيڭ قالاسىنىڭ اكىمشىلىك وڭىرىندە تىلەك شىراعىن وندىرۋگە، ساتۋعا، ۇشىرۋعا تيىم سالىنادى. تىلەك شىراعىن زاڭسىز وندىرەتىن، ساتاتىن، ۇشىراتىن ورىندار مەن جەكەلەرگە قاراتا قاتىستى تاراۋلاردىڭ زاڭ بويىنشا تەكسەرىپ ءبىر جاقتى ەتۋىنە بولادى، زاردابى اۋىر بولىپ قىلمىسقا تولسا، زاڭ بويىنشا قىلمىستىق ىستەر جاۋاپكەرلىگى قۋزالادى.
5 – ايدىڭ 9 - كۇنى بەيجيڭ ساقشى جاعى شيچىڭ رايونى تاۋرانتيڭ حۇڭتۋديان وڭتۇستىك رايونىنداعى بەيلي دەگەن جەردىڭ ماڭىندا بىرەۋدىڭ دروندى (ۇشقىشسىز ۇشۋ اپپاراتى) بەلگىلەمەگە قايشى ۇشىرعانىن بايقاعان. تەكسەرۋ ارقىلى دروننىڭ جۇرگىزۋشىسى ليۋ XX تىڭ سول كۇنى درون ارقىلى اۋەدەن سۋرەت تارتقانى انىقتالعان، بۇل رەتكى درون ۇشىرۋ بەكىتۋدەن وتكىزىلمەگەن، بەلگىلەمەگە قايشى اۋەدەن سۋرەتكە الۋعا جاتادى، ونىڭ ۇستىنە ءىس تۋىلعان رايون استانانىڭ اۋە كەڭىستىگىندەگى شەكتەلگەن رايونعا جاتادى. شيچىڭ قوعام حاۋىپسىزدىگى بولىمشە مەكەمەسى زاڭ بويىنشا ليۋ XX كە اماندىق ساقتاۋ تۇرعىسىنان 5 كۇن توقتاتىپ قويۋ جازاسىن بەردى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
