ج ك پ ورتالىق كوميتەتى ساياسي بيۋروسىنىڭ تۇراقتى كوميتەتى ءماجىلىس اشتى
تاسقىننان ساقتانۋ، اپاتتان قۇتقارۋ قىزمەتىن اقىلداستى، ورنالاستىردى
تاسقىننان ساقتانۋ، اپاتتان قۇتقارۋ قىزمەتىن اقىلداستى، ورنالاستىردى
2020.07.20 21:36 كەلۋ قاينارى : حالىق تورابى
شينحۋا اگەنتتىگى، 7 - ايدىڭ 17 - كۇنى، بەيجيڭ. ج ك پ ورتالىق كوميتەتى ساياسي بيۋروسىنىڭ تۇراقتى كوميتەتى 7 - ايدىڭ 17 - كۇنى ءماجىلىس اشىپ، تاسقىننان ساقتانۋ، اپاتتان قۇتقارۋ قىزمەتىن اقىلداستى، ورنالاستىردى. ج ك پ ورتالىق كوميتەتىنىڭ باس شۋجيى شي جينپيڭ ءماجىلىستى باسقاردى ءارى ماڭىزدى ءسوز سويلەدى.
شي جينپيڭ بىلاي دەپ اتاپ كورسەتتى: 6 - ايدان بەرى پارتيا ورتالىق كوميتەتىنىڭ پارمەندى باسشىلىعىندا ءار دارەجەلى پارتكوم مەن ۇكىمەت شۇعىل قيمىلداپ، شارالاردى كۇشەيتتى، مەملەكەتتىك تاسقىننان ساقتانۋ، قۋاڭشىلىققا قارسى اتتانۋ باس قولباسشىلىق شتابى، قاتىستى تاراۋلار مەن ورىندار مىندەتىن اتقارىپ، جاۋاپكەرلىكتەرىن ادا ەتىپ، تىعىز سايكەستى، حالىق ازاتتىق ارمياسى مەن قارۋلى ساقشى اسكەري بولىمدەرى شەشۋشى ساتتە ەكپىندى قوسىندىق رولدارىن ساۋلەلەندىردى، قالىڭ كادر - جۇرتشىلىق ىنتىماقتاسا، قايراتتانا شايقاس جاسادى، تاسقىننان ساقتانۋ، اپاتتان قۇتقارۋ جۇيەسى ماڭىزدى رول اتقاردى، تاسقىننان ساقتانۋ، اپاتتان قۇتقارۋ قىزمەتى ءتارتىپتى، پارمەندى ىلگەرىلەپ، بەلسەندى ناتيجەگە قول جەتكىزدى.
شي جينپيڭ بىلاي دەپ دارىپتەدى: تاسقىننان ساقتانۋ، اپاتتان قۇتقارۋ حالىقتىڭ ءومىرىنىڭ، مال - مۇلكىنىڭ حاۋىپسىزدىگىنە سايادى، استىق حاۋىپسىزدىگىنە، ەكونوميكالىق حاۋىپسىزدىككە، قوعامدىق حاۋىپسىزدىككە، مەملەكەت حاۋىپسىزدىگىنە سايادى. بيىل − جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتەتىن، كەدەيلىكتەن ارىلتۋدان قامال الۋدىڭ شەشۋشى شايقاسىن جۇرگىزەتىن جىل ءارى «13 – بەسجىلدىق» جوبا اياقتالاتىن جىل، تاسقىننان ساقتانۋ، اپاتتان قۇتقارۋ قىزمەتىن ويداعىداي ىستەۋ ايرىقشا ماڭىزدى. قاتىستى وڭىرلەر، تاراۋلار جانە ورىندار باستان - اياق حالىقتىڭ ءومىرىنىڭ، مال - مۇلكىنىڭ حاۋىپسىزدىگىن ءبىرىنشى ورىنعا قويىپ، اناعۇرلىم پارمەندى شارالار قولدانىپ، تاسقىننان ساقتانۋ، اپاتتان قۇتقارۋ قىزمەتتەرىن شىنايى ويداعىداي ىستەۋى كەرەك.
شي جينپيڭ بىلاي دەپ اتاپ كورسەتتى: قازىر بۇكىل ەل تاسقىننىڭ قاۋىرت كەزەڭىنە ءوتىپ، چاڭجياڭ وزەنى الابىنىڭ ورتاڭعى، جوعارعى اعار وڭىرىندە جاۋىن - شاشىن كوبەيدى، حۋاڭحى وزەنىنىڭ ورتاڭعى، جوعارعى اعارىندا، حايحى وزەنى، سۇڭحۋا وزەنى، حۋايحى وزەنى الاپتارىندا ءبىرشاما اۋىر تاسقىن جاعدايى تۋىلۋى مۇمكىن، ءسوز جوق، وڭتۇستىك، سولتۇستىك تاراپتاعى داريا - وزەندەردىڭ تاسقىننان امان ءوتۋىن ءبىر تۇتاس جوسپارلاپ ويداعىداي يگەرىپ، ۇيىمدىق باسشىلىقتى جانە جاۋاپكەرلىكتى تياناقتاندىرۋدى كۇشەيتىپ، الدىن الۋدى، ساقتانۋدى شۇعىل جاعدايعا توتەپ بەرۋ بويىنشا ءبىر جاقتى ەتۋمەن بىرلەستىرۋدە تاباندى بولىپ، ءبىر تۇتاس جوسپارلاپ سايكەستىرۋدى كۇشەيتىپ، سايكەسۋدى، سەلبەسۋدى نىعايتىپ، تاسقىننان ساقتانۋ، اپاتتان قۇتقارۋ شارالارىن ناقتى، ەگجەي - تەگجەيلى يگەرۋ كەرەك. قاتىستى وڭىرلەردىڭ بارلىعى دايىندىق جوبا دايىنداۋدى، قوسىن دايىندىعىن، زاتتىق ماتەريالدار دايىندىعىن، تاسقىن سۋىن جيناۋ - ىركۋ اۋماقتارىن ىسكە قوسۋ دايىندىعىن ويداعىداي ىستەپ، ىستەتىلمەسە دە دايىنداپ قويۋى، ىستەتەتىن كەزدە دايىندىقسىز قۇر الاقان وتىرماۋى كەرەك.ءماجىلىس مىنالاردى دارىپتەدى: پارتيا ورتالىق كوميتەتى بيىلعى تاسقىننان ساقتانۋ، اپاتتان قۇتقارۋ قىزمەتىنە ايرىقشا ءمان بەرىپ وتىر، 5 - ايدىڭ 19 - كۇنى باس شۋجي شي جينپيڭ ورتالىق كوميتەت ساياسي بيۋروسى تۇراقتى كوميتەتىنىڭ ءماجىلىسىن باسقارىپ اشىپ، قاتىستى قىزمەتتەردى اقىلداسقان كەزدە قاتىستى جاقتاردان بيىلعى تاسقىن مەزگىلىندەگى چاڭجياڭ وزەنىنىڭ ورتاڭعى، تومەنگى اعارىنداعى تاسقىن جاعدايىنا ايرىقشا ءمان بەرىپ، تاسقىننان ساقتانۋ قىزمەت جاۋاپكەرلىگىن ناقتىلاندىرىپ، ىندەتتىڭ ىقپالىن جەڭىپ، سۋ يگىلىگى ينجەنەريالارىن جوندەۋدى جەدەل يگەرىپ، زاتتىق ماتەريالدار دايىندىعىن كۇشەيتىپ، قاتەردەن اراشالاۋ بويىنشا باۋلۋ جانە جاتتىعۋ ۇيىمداستىرىپ، ورىستەتىپ، حالىقتىڭ ءومىرىنىڭ، مال - مۇلكىنىڭ حاۋىپسىزدىگىن بار كۇشپەن قامتاماسىز ەتۋ كەرەكتىگىن تالاپ ەتتى. باس شۋجي شي جينپيڭ تاعى كوپ رەت ماڭىزدى نۇسقاۋ بەرىپ، بەكىتۋ جازىپ، وڭىرلەردەن جانە قاتىستى تاراۋلاردان حالىقتى بارىنەن جوعارى قويۋدا، ءومىردى بارىنەن جوعارى قويۋدا تاباندى بولۋدى، ىندەتتەن ساقتانۋ - تىزگىندەۋ جانە تاسقىننان ساقتانۋ، اپاتتان قۇتقارۋ قىزمەتىن ءبىر تۇتاس جوسپارلاپ ويداعىداي ىستەۋدى تالاپ ەتتى؛ ءار دارەجەلى پارتكوم مەن ۇكىمەتتەن جاۋاپكەرلىكتى ناقتىلاندىرىپ، باتىلدىقپەن جاۋاپكەرلىك ارقالاپ، اناعۇرلىم پارمەندى، اناعۇرلىم ءونىمدى شارالار قولدانىپ، بار كۇشپەن قاتەردەن اراشالاپ، قۇتقارىپ، ەڭ زور قۇلشىنىس جاساپ حالىقتىڭ ءومىرىنىڭ، مال - مۇلكىنىڭ حاۋىپسىزدىگىن قامتاماسىز ەتۋدى تالاپ ەتتى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
