- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
بيىل رايونىمىز 340 ميلليون يۋان قارجى جۇمساپ، قارتتاردى كۇتىمدەۋ ورنىن قۇرادى
2013.06.04 08:48 كەلۋ قاينارى : ءتاڭىرتاۋ تورابى
ءتىلشىنىڭ اۆتونوميالى رايوندىق حالىق ىستەرى مەڭگەرمەسىنەن ۇعىسۋىنشا، بيىل رايونىمىز 340 ميلليون يۋان قارجى جۇمساپ، ءبىر قىدىرۋ قارتتاردى كۇتىمدەۋ ورنىن قۇرىپ، تۇتاس رايونىمىزدا قارتتاردى كۇتىمدەۋ بويىنشا قوعامدىق قىزمەت وتەۋدەگى تىرەكتى رول اتقاراتىن توراپ جۇيەسىن قالىپتاستىرادى ەكەن.
ۇعىسۋعا قاراعاندا، 2011 - جىلدىڭ سوڭىندا بۇكىل شينجياڭدا 60 جاستان اسقان قارتتاردىڭ سانى 2 ميلليون 404 مىڭ 800 ادامعا جەتىپ، شينجياڭنىڭ جالپى حالىق سانىنىڭ %10.93ىن يەلەگەن، شينجياڭ قارتتار سانى كوبەيۋگە بەت العان قوعامعا اياق باستى، سونداي - اق قارتتاردىڭ سانى جىلىنا %4.36 تىك قارقىنمەن كوبەيۋدە. قوعامنىڭ بۇل ساتىسىنىڭ ەرەكشەلىگى قارتتاردىڭ سانى تەز كوبەيەدى، جاسى ەگدەلەگەندەر مەن دەربەس تۇرمىس كەشىرۋ قۋاتىنان ايرىلعان قارتتاردىڭ سانى زور كولەمدە ارتادى، وتباسىنىڭ قۇلازۋ جاعدايى بارعان سايىن اۋىرلايدى، قارتتار ۇقساماعان دارەجەدەگى كۇتىمدەۋدى قاجەت ەتەدى. الايدا شينجياڭنىڭ قارتتاردى كۇتىمدەۋ بويىنشا قوعامدىق قىزمەت وتەۋ جۇيەسىنىڭ قۇرىلىسى جاي باستالعان، نەگىزى ءالسىز، ءىشىنارا وڭىرلەر مەن ءىرى، ورتاشا قالالاردا قارتتاردى كۇتىمدەۋ جاعىنداعى قىزمەت وتەۋ تاپشى بولۋ ماسەلەسى ءبىرشاما كورنەكتى.
وسى ماسەلەنى شەشۋ ءۇشىن، اۆتونوميالى رايون ءۇرتىس 3 جىل «قارتتاردى كۇتىمدەۋ، قارتتاردى قادىرلەۋ قىزمەت وتەۋ ينجەنەرياسىن» حالىق تۇرمىسى ينجەنەرياسىنداعى ءتۇيىندى قۇرىلىس قاتارىنا ەنگىزدى. اۆتونوميالى رايوندىق حالىق ىستەر مەڭگەرمەسى پارتگرۋپپاسىنىڭ شۋجيى مو جۋاننىڭ تانىستىرۋىنشا، بيىل اۆتونوميالى رايون ورتالىققا شوعىرلانعان يگىلىك لاتارياسى الەۋمەتتىك يگىلىك قورىنىڭ 240 ميلليون يۋان قارجىسىنان پايدالانىپ، قوعامدىق يگىلىك قىزمەت وتەۋ ورتالىعى جانە قارتتاردى كۇتىمدەۋ ورتالىعىنان 93 ورىندى قۇرۋ نىساناسىنا قارجىلاي كومەك بەرۋدى، سونىمەن بىرگە اۆتونوميالى رايون دارەجەلى الەۋمەتتىك يگىلىك قورىنان 100 ميلليون يۋان قارجى اجىراتىپ، قارتتاردى كۇتىمدەۋ ورنىنان 65 ورىن سالۋ نىساناسىنا قارجىلاي كومەك بەرۋدى جوسپارلادى.
مۇنان سىرت، رايونىمىزداعى ءارقايسى اۋدان (قالالار) رايونىمىزعا باعىتتامالى كومەكتەسەتىن 19 ولكە، قالا جانە اۆتونوميالى رايون دارەجەلى ۇكىمەتتەردىڭ جۇمسالىمىنان تولىق پايدالانىپ، قوعامدىق يگىلىك ورىندارىنىڭ شارت - جاعدايىن جاقسارتىپ، قارتتاردى ۇزاق ۋاقىت كۇتىمدەۋگە بولاتىن قاپسىز جابدىقتالعان، فۋنكتسياسى كەمەلدى، قىزمەت وتەۋى ولشەمدى توراپ قالىپتاستىرادى.
ۇعىسۋعا قاراعاندا، جاقىنعى جىلداردان بەرى رايونىمىز قارتتاردى كۇتىمدەۋ جاعىنداعى قۇرىلعى قۇرىلىسىنا جۇمسالىمدى ۇزدىكسىز ارتتىرىپ، جيىنى 2 ميلليارد 150 ميلليون يۋان قارجى جۇمساعان، جاڭادان سالعان جانە كەڭەيتىپ سالعان ءار تۇردەگى قارتتاردى كۇتىمدەۋ قۇرىلىمدارىنىڭ سانى 370تەن اسقان، قازىر بۇكىل رايونىمىزداعى قارتتاردى كۇتىمگە الاتىن ءار ءتۇرلى قوعامدىق قىزمەت وتەۋ قۇرىلىمدارىنداعى توسەك ورىن 25 مىڭ 890عا جەتىپ، 2006 - جىلداعىدان 20 مىڭ 500 توسەك ورىن كوبەيگەن، سان جاعىنان 5 ەسەگە جۋىق ارتقان. «12 - بەسجىلدىق» مەزگىلىندە، اۆتونوميالى رايون جانە 10 ميلليارد 680 ميلليون يۋان قارجى جۇمساپ، ءوز ۇيىندە كۇتىمدەلۋدى نەگىز، الەۋمەتتىك اۋماقتىڭ قىزمەت وتەۋىن سۇيەنىش، قۇرىلىمدا كۇتىمگە الىنۋدى تىرەك ەتكەن، قارجى جاعىنان قامتاماسىز ەتۋ مەن قىزمەت وتەۋى ءوزارا ۇشتاسقان؛ اقىسىز قىزمەت وتەۋ، ارزان باعادا قىزمەت وتەۋ، قىزمەت وتەۋ تۇرىنە قاراي اقى الۋ ءوزارا ۇشتاستىرىلعان، ۇكىمەت باستاماشىلىق ەتكەن، تاراۋلار ءوزارا سايكەسكەن، قوعام ات سالىسقان، جۇرتشىلىق ءوزارا كومەكتەسەتىن قارتتاردى كۇتىمگە الۋ بويىنشا قوعامدىق قىزمەت وتەۋ جۇيەسىن قۇرۋعا قۇلشىنادى. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
