- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
قاراپايىم قازاق ەگىنشى لۋشانعا 10 مىڭ يۋان جىلۋ اتادى
2013.05.03 16:36 كەلۋ قاينارى : حالىق تورابى
ىرىسكەلدى ساعات ۇلى حابارلايدى. سىچۋان ولكەسىنىڭ يا-ان قالاسى لۋشان اۋدانىندا 7.0 بال جەر سىلكىنگەننەن كەيىن، تەكەس اۋدانىنداعى ءار سالا، ءار كاسىپتەگى ءار ۇلت حالقى جابىلا اتتانىسقا كەلىپ، اپاتقا ۇشىراعان بۇقاراعا جىلۋ اتاپ، مەيىر باعىشتادى. وسى قاتاردا تەكەس اۋدانى قاراتوعاي اۋىلىنىڭ ەگىنشىسى مالىك ايىپقان ۇلى 29-ءساۋىر كۇنى اۋىلدىق حالىق ىستەر بولىمىنە كەلىپ، 10 مىڭ يۋان جىلۋ اتاپ، اپاتقا ۇشىراعان بۇقاراعا كومەك قولىن سوزىپ، ولاردىڭ ءوندىرىس-تۇرمسىن تەز ارادا قالپىنا كەلتىرۋىنە تىلەكتەستىك ءبىلدىردى.
مالىك ايىپقان ۇلى تەكەس اۋدانى قارتوعاي اۋىلىنىڭ قاراپايىم ەگىنشىسى بولىپ، ول تاياۋ جىلداردان بەرى پارتيا مەن ۇكىمەتتىڭ ابزال ساياساتىنىڭ قولداپ قۋاتتاۋىندا وتباسى باعىمشىلىق فەرماسىن قۇرىپ اۋقاتتانعان. قازىر ونىڭ باعىمشىلىق فەرماسىندا 80 باستان ارتىق سيىر بار، جىلدىق كىرىسى 200 مىڭ يۋاننان اسادى. اۋىل اراسىندا قولى قىسقا كەدەي-كەپشىكتەرگە قورمال بولىپ، اق كوڭىل، ەلجاندى جۇرەگىمەن حالىقتىڭ قۇرمەتىنە بولەنىپ كەلگەن مالىك ايىپقان ۇلى ءتۇرلى اقپارات قۇرالدارىنان وسى رەتكى سىچۋان ولكەسىنىڭ يا-ان قالاسىندا تۋىلعان جەر سىلكىنىسىنىڭ جاعدايىن ۇعىپ، اپات بولعان جەردەگى حالىقتىڭ اشىنىشتى حالىن كورگەننەن كەيىن، ءارى-ءسارى بولماستان 10 مىڭ يۋان اقشانى اۋىلدىق حالىق ىستەر كەڭسەسىنە تاپسىرىپ بەرىپ، ابزال ازاماتتىعىن جانە ءبىر قىرىنان تانىتتى. مالىك ايىپقان ۇلى تىلشىگە: پارتيانىڭ ابزال ساياساتىنىڭ شۇعىلاسىندا قوي ۇستىنە بوز تورعاي جۇمىرتقالاعان بەيبىت زامان ورنادى. شارۋاشىلىعىمىز شالقىپ، ۇلى جۇڭحۋا توپىراعىنداعى 56 ۇلت ەتەنە ىنتىماقتاسىپ، باي-باياشاتتى تۇرمىس كەشىرىپ جاتىرمىز. ءبىر جاق قيىنشىلىققا ۇشىراسا، كوپ بولىپ كومەكتەسۋ جۇڭحۋا ۇلتتارىنىڭ اسىل ءداستۇرى، سوندىقتان، سىچۋان ولكەسى يا-ان قالاسىنداعى اپاتقا ۇشىراعان حالىققا قول ءۇشىن بەرۋ مەنىڭ بورىشىم،-دەدى.
ءتىلشىنىڭ تەكەس اۋداندىق حالىق ىستەرى مەكەمەسىنەن ۇعىسۋىنشا، وسى رەت مالىكتىڭ اتاعان جىلۋ سوماسى تۇتاس اۋدان بويىنشا جەكەلەر اتاعان جىلۋ سوماسىنىڭ ىشىندە ەڭ جوعارى بولىپ، 29-ساۋىرگە دەيىن تەكەس اۋدانىنداعى ءار ۇلت حالقى اپاتقا ۇشىراعان بۇقاراعا جالپى 265 مىڭ يۋان جىلۋ اتاعان.
تەكەس اۋداندىق راديو-تەلەۆيزيا ستانسياسىنان
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
