- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تاۋ قالادا جىر تويى
2013.05.17 11:12 كەلۋ قاينارى : ءتاڭىرتاۋ تورابى
شينجياڭ التاي 3-كەزەكتى ۇلتتىق سالت-سانا مادەنيەت-ساياحات فەستيۆالى جانە قالالىق 14-كەزەكتى اقىندار ايتىسى 15-مامىر تۇستەن بۇرىن تاۋ قالاسى التايدىڭ كوكسۋ دەگەن جەرىندە شىمىلدىعىن اشتى. اشىلۋ سالتىندا قالالىق پارتكومنىڭ تۇراقتى مۇشەسى، ۇگىت ءبولىمنىڭ باستىعى سەرىك ءابدىعاني ۇلى بۇل رەتكى قيمىل التايدىڭ وزىنە ءتان ءوڭىرلىك ەرەكشەلىگىن تانىتۋدا، قازاقتىڭ سالت-ساناسىن جالعاستىرۋ مەن دامىتۋدا، التاي ساياحاتىن اشۋدا ماڭىزدى رول اتقاراتىندىعىن اتاپ ءوتتى. قالالىق پارتكومنىڭ ورىنباسار شۋجيى، قالا باستىعى مۇرات شاكەي ۇلىنىڭ كەزەكتى ۇلتتىق سالت-سانا مادەنيەت-ساياحات فەستيۆالى جانە قالالىق اقىندار ايتىسىنىڭ باستالعانىن جاريالاسىمەن اجەلەر اق تىلەكتەرىنىڭ جارشىسى بولعان اق شاشۋلارىن اسپانداتا شاشىپ، مەرەكەنىڭ مەرەيىن اسىردى.
التاي قالاسىنا قاراستى جەتى اۋىل، ءتورت قالاشىق، ەكى فەرمادان كەلگەن اقىندار مەن ونەرپازدار جىر دوداسىنا ءتۇسىپ، كوكسۋ اسپانىن ءان مەن كۇيگە بولەپ، ءبيشى قىزدار مىڭ بۇرالا بيگە باسىپ، ۇلت مۇراسىن ارداقتايتىن ۇلاستاي بەس جاستاعى بالادان تارتىپ تارتىمدى ونەرلەرىن كورسەتىپ، ەل ءىشى ونەردىڭ كەنىشى ەكەنىن ايگىلەپ جاتتى. جينالعان حالىقتىڭ، ەگىنشى-مالشى قاۋىمنىڭ ايتىسقا دەگەن ىقىلاسى بارىنەن دە بولەك بولدى. حالىقتىڭ دۇرىلدەتە سوققان شاپالاق ءۇنى مەن ايقايىنا ەلىتكەن اقىندار شەكتەۋلى ۋاقىتتىڭ شەڭبەرىنەن شىققىسى كەلگەن نىساي بايقاتىپ، كەرمەگە كەلسەدە، شابىسىنان تانباي تارتا بەرمەك بولدى، سولايدا، ۋاقىت پەن ءتارتىپتىڭ تارازىسى باسىم تۇسكەسىن امالسىز تىزگىن ىرىكتى. ءبىر كۇندىك قيانكەسكى دودانىڭ شەشىمى كەشكە قاراي ءمالىم بولدى: شەمىرشەك اۋىلىنان كەلگەن ورال بىرىنشىلىكتى، سارعۋسىننان رەتبەك، الاعاقتان باتىلبەك ەكىنشىلىكتى، بالعىنبەك(شەمىرشەك)، شولپان (ابيتان)، مىرزابەك (لاستى) سىندى ءۇش اقىن ۇشىنشىلىكتى يەلەسە، التاي قالاسىنىڭ ايبىندى اقىنى نۇرزياعا قۇرمەت سيلىعى تارتۋ ەتىلدى. سەرىك پەن قۋانىش كورەرمەن ۇناتقان جاس اقىندار قاتارىندا باعالاندى. تەرمەنىڭ جۇلدەسىن اراي جەڭىسقان قىزى السا، ەرەكشە سيلىعىن ارداق اسىلبەك قىزى ەنشىلەدى. بەس جاستاعى ونەرپاز بالا ۇلاسقا «بايشەشەك» سيلىعى تارتۋ ەتىلدى.
ۇعىسۋىمىزشا، بۇل رەتكى قيمىلدا اقىندار ايتىسى، كوركەمونەر ويىندارىنان تىس، ات ءۇستى ويىندارى، بالۋان، بوكس سىندى دەنە-تاربيە تۇرلەرى جانە كيىز ءۇي باعالاۋ، قۇلاڭ شاش ارۋلار باسەكەسى، ۇلتتىق كيىم كورسەتۋ جارىسى، ۆەلوسيپەد جارىسى، جاياۋ ءجۇرۋ جارىسى قاتارلى باسەكەلى جارىستار وتەدى ەكەن.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
