- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
شاعىن ينجەنەريالار مەن نىساندار ءار ۇلت بۇقاراسىن شىنايى سەزىنە الاتىن ناقتى يگىلىككە بولەدى
2014.02.20 14:22 كەلۋ قاينارى : شينجياڭ حالىق راديو ستانسياسى تورابى
بيىل رايونىمىز بەسىنشى رەتكى «حالىق تۇرمىسى قۇرىلىسى جىلى» قيمىلىن ورىستەتىپ، نىسان ءتۇرىن ارتتىرىپ، 25 ۇلكەن ءتۇر بويىنشا 150 ۇساق تۇرگە جەتكىزدى. ۇزاق جىل بويى بەيقۇت ءۇي سالىپ حالىقتى اۋقاتتاندىرۋ، مالشىلاردى وتىرىقتاندىرىپ مال شارۋاشىلىعىن كوركەيتۋ سياقتى ينجەنەريالاردى اتقارۋدان سىرت، ايماق، وبلىس، قالالاردىڭ حالىق تۇرمىسىن جاقسارتۋ نىسانىن بارىنشا مولايتتى، سونىمەن بىرگە بۇل باستىسى اۋدان، اۋىل، قىستاق دارەجەسىنە شوعىرلاندى، بۇقارانىڭ ءوندىرىسى مەن تۇرمىسىمەن تىعىز قاتىستى وسى شاعىن ينجەنەريالار مەن نىساندار ءار ۇلت بۇقاراسىن شىنايى سەزىنە الاتىن ناقتى يگىلىككە بولەيدى.
قۇتبىي اۋداندىق 4-باستاۋىش مەكتەپتىڭ وقىتۋ عيماراتى ينجەنەرياسى بيىل ايماق، وبلىس، قالانىڭ حالىق تۇرمىسىن جاقسارتۋ نىساندارىنىڭ ءبىرى. ينجەنەرياعا 15 ميلليون يۋان قارجى قوسىلدى، مۇندا اۆتونوميالى رايوندىق قازىنا 11 ميلليون 400 مىڭ يۋان ورنالاستىردى، قۇتىبي اۋدانىنىڭ وقۋ-اعارتۋ جانە عىلىم-تەحنيكا مەكەمەسىنىڭ باستىعى جۋ شينيۇي تىلشىگە بىلاي دەدى: «بۇل نىساننىڭ قارجىسى اۋدانعا ۋاعىندا كەلدى. وسى مەكتەپتىڭ سالىنۋى اۋدانىمىزداعى باستاۋىش مەكتەپ وقۋشىلارىنىڭ كوبەيۋ ماسەلەسىن شەشىپ، قالا مەن اۋىلدىڭ تۇتاسقان جەرىندەگى ديحان جۇمىسكەرلەرىنىڭ پەرزەنتتەرى مەن جىلجىمالى جان سانى پەرزەنتتەرىنىڭ جاقىن ماڭنان مەكتەپكە كىرۋىنە مۇمكىندىك جاسايدى».
قۇتىبي اۋدان قالاشىعىنىڭ تۇرعىنى دۋان ليجۋان جاڭادان سالىناتىن وسى مەكتەپتىڭ يگىلىگىن كورمەك. دۋان ليجۋاننىڭ بالاسى باستاۋىش مەكتەپكە كىرۋ جاسىنا تاياپ قالدى، الايدا وعان ەڭ جاقىن باستاۋىش مەكتەپتىڭ ءوزى 4 كيلومەتردەي جەردە. ءۇيىنىڭ ماڭىنان باستاۋىش مەكتەپتىڭ قۇرىلاتىندىعىنان حابار تاپقان ول توتەنشە قۋاندى. «دۇكەن اشاتىن ءبىز سياقتى اتا-انالاردىڭ بالانى وقۋدان الىپ قايتاتىنعا قايداعى ۋاقىتى بار. جاڭادان قۇرىلاتىن 4-باستاۋىش مەكتەپ ۇيگە جاقىن، ءبىز الاڭسىز بولدىق»،-دەدى.
بيىل اۆتونوميالى رايوننىڭ جوبالاعان ايماق، وبلىس، قالالارداعى حالىق تۇرمىسىن جاقسارتۋ ينجەنەرياسى 62گە جەتتى، مۇندا اۋىل-قىستاقتان تومەنگىلەرى 42 بولدى، بۇل ەگىنشى-مالشىلاردىڭ كيەر كيىم، ىشەر اس، تۇرار جاي، وقۋ-اعارتۋ، زەينەتكەرلىك، ەمدەۋ، ەگىمشىلىك، باعىمشىلىق سياقتى ءوندىرىس جانە تۇرمىس سياقتى ءارقايسى جاقتارىن قامتيدى. اۋات اۋدانى يىڭارىق اۋىلىنىڭ حالىق تۇرمىسى نەگىزگى قۇرىلعى قۇرىلىس نىسانى دا وسىنىڭ قاتارىنان ورىن الدى، وسى نىسانعا اۆتونوميالى رايوندىق قازىنا 7 ميلليون 500 مىڭ يۋان قارجى بوساتتى، بۇل تۇتاس اۋىلداعى 36 مىڭ ادامنىڭ وندىرىستە، تۇرمىستا پايدالاناتىن سۋى مەن سىرتقا شىعۋىنىڭ قيىن بولۋ ماسەلەسىن شەشەدى. يىڭارىق اۋىلىنىڭ ديحانى تۇرسۇنجان وسى ينجەنەرياعا زور ءۇمىت ارتتى. ول:«جول جوندەلىپ، توعان قازىلعاننان كەيىن سۋدان پايدالانۋ اناعۇرلىم قولايلى بولادى. تۇرمىس شارت-جاعدايىمىز ءسوزسىز كۇننەن كۇنگە جاقسارادى»،-دەدى. اۆتونوميالى رايوننىڭ جالپى ورنالاستىرۋى بويىنشا، وسى شاعىن ينجەنەريا، نىساندار ءار ۇلت بۇقاراسى ەڭ اڭساعان، ەڭ شۇعىل قاجەتتى، ەڭ كوكەيتەستى قيىنشىلىقتارى مەن ماسەلەلەرىن شەشەدى، سول جىلى تۇراقتاندىرىلىپ، سول جىلى ونىمدىلىگىن كورۋگە كۇش سالىنادى، وسىدان باسىم كوپ ساندى بۇقارانىڭ جاپپاي يگىلىككە كەنەلۋىنە مۇمكىندىك جاسالادى. اۆتونوميالى رايون تۇراقتاندىرعان تولى اۋداندىق سەنترلى بالالار باقشاسىنىڭ ينجەنەرياسى كەڭەيتىلىپ سالىنعاننان كەيىن، 40 ولشەمدى كلاس اشۋعا، ءار بىر كلاسقان 35 بالا قابىلداۋعا بولادى، بۇل وقۋعا تۇسۋدەن بۇرىنعى بالالاردى تاربيەلەۋ سىندى شۇعىل ماسەلەنى شەشەدى. اتا-انالار وسى ينجەنەريا قۇرىلىسىنىڭ ەرتەرەك باستالۋىن اسىعا كۇتۋدە. ءبىر تۇرعىن: «سەنترلى بالالار باقشاسىنداعى ءار قايسى كلاستاعى بالانىڭ سانى ەرەكشە كوپ، وقىتۋشىلار جەتىسپەۋدەن الاڭدايمىز، ەرتەدە-اق كەڭەيتىپ سالۋ كەرەك ەدى» دەسە، ەندى ءبىر تۇرعىن: «ەرەكشە قۋانىپ تۇرمىن، ءبىزدىڭ ۇيگە جاقىن ەكەن، بالالاردىڭ بارۋىنا قولايلى، ولاردى وقىتۋعا دا ءتيىمدى»،-دەدى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
