- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
وسى زامانعى مادەنيەت ارقىلى جەتەكتەپ، ءدىني ۇشقارىلىق يدەياسىنان اۋلاق قوعامدىق ورتا جاراتايىق
− وتانشىل ءدىني قايراتكەرلەر وسى زامانعى مادەنيەت ارقىلى جەتەكتەۋگە ايالدادى
2014.04.25 10:49 كەلۋ قاينارى : ءتاڭىرتاۋ تورابى
شينجياڭ بويىنشا جەر - جەردەگى ءىسلام ءدىنى وتانشىل قايراتكەرلەرى وتاندى، ءدىندى، بەيبىتشىلىكتى، ىنتىماقتى ءسۇيۋ، «ەكى دۇنيەدە دە (پاني، باقي) دۇرىس نيەتتى بولۋ»، ءومىردى قاستەرلەۋ، عىلىم بىلىمدەرىن دارىپتەۋ سياقتى مازمۇنداردا ۋاعىز ايتىپ، دىنگە سەنەتىن قاۋىمدى دۇرىس شاريعات جولىمەن وزدەرىن تۇلەتۋگە باستادى. ولار ءدىني قايراتكەرلەردىڭ بەلسەندى رولىن ساۋلەلەندىرۋ ارقىلى وسى زامانعى مادەنيەتتى باستاماشى ەتۋ تالابىن نەگىزگە الىپ، ءدىندى وسى زامانعى مادەنيەتپەن، سوتسياليستىك قوعاممەن سايكەستىرۋدىڭ بەلسەندى فاكتورلارىن ايقىندادى جانە ساۋلەلەندىردى.
ابلات روزى (ياركەن اۋدانى ۇشكول اۋىلى ۇشكول قىستاعى 5 - گرۋپپاسى مەشىتىنىڭ يمامى): ءىسلام ءدىنى ەڭبەككەرلىككە قۇرمەت ەتىپ، جالقاۋلىققا لاعىنات ايتادى. ءبىز مۇسىلمانداردا: «بۇگىنىڭ ءۇشىن تەر توكسەڭ ماڭگى جاساعانداي بولاسىڭ؛ و دۇنيەدە راقات كەشۋدەن دامەلەنسەڭ ولگەنمەن بىردەي» دەگەن ايتىلىم بار. بۇل اقىليا مۇسىلماندارعا «ارتىمدا جاقسى ات - اتاعىم قالسىن دەسەڭ، بۇگىن ايانباي ەڭبەك ىستە، قارا جەر بەتىنەن قۇدايدىڭ ادامعا جاسايتىن شاپاعاتىن ىزدە، قاجىرلى ەڭبەگىڭمەن بۇل دۇنيەدە باقىتتى عۇمىر كەش» دەگەندى ەسكەرتىپ كەلەدى. ءبىز تاعى عىلىم - تەحنيكاعا قۇرمەت ەتىپ، ەڭبەك ارقىلى باياندى تۇرمىس كەشۋدى كوكسەيمىز.
تاياۋ جىلداردان بەرى ياركەن اۋدانىندا توتەنشە زور ورگەرىستەر بولدى، حالىق تۇرمىسىنا قاتىستى نىساندارعا قوسىلعان قارجى سالىستىرماسى %80تەن اسىپ وتىردى. بەيقۇت ءۇي سالىپ، حالىقتى اۋقاتتاندىرۋ، مەكتەپتەردى ولشەمدەندىرۋ قۇرىلىسى، نەگىزگى ساتى ەمدەۋ - دەنساۋلىق ساقتاۋ نەگىزدىك قۇرىلعىلار قۇرىلىسى، جۇمىسقا ورنالاستىرۋ سەكىلدى حالىق تۇرمىسىنا قاتىستى ينجەنەريالاردىڭ اتقارىلۋى قيىنشىلىعى بار قاۋىمنىڭ تۇرمىسىن جاقسارتتى، قالالار مەن اۋىلدارداعى جاماعاتتىڭ اناعۇرلىم زور يگىلىك كورۋىنە مۇمكىندىك جاسادى. بۇگىنگى تاڭدا كوپشىلىك جۇدىرىقتاي جۇمىلىپ، اۋقاتتانۋدى عانا ويلايتىن بولدى. ءبىز دە ءبىلىم ۇيرەنۋدىڭ ماڭىزدىلىعىن جەتە تانىپ كەلەمىز.
اللاتاعالا «قۇران كارىمدە» ءبىزدىڭ مەيلى ءدىني، الدە عىلمي بىلىمدەر بولسىن، ونەر ۇيرەنۋىمىزدى قۋاتتاعان. عىلمي بىلىمدەردى ۇيرەنگەندە عانا جۇمىستى زاڭ بويىنشا تىندىرۋعا، تارتىپكە، زاڭعا بويسۇناتىن جاقسى ازامات بولۋعا بولادى، عىلمي بىلىمدەردى ۇيرەنىپ، ءوزىن تۇلەتكەندە عانا تۇرمىس - تىرشىلىك اناعۇرلىم ءمان - ماعىنالى بولادى.
ءىسلام مەدرەسەسىندە ۇيرەنۋ ارقىلى ءبىز شينجياڭنىڭ جەرگىلىكتى تاريحى، شينجياڭداعى ۇلتتاردىڭ دامۋ تاريحى، شينجياڭداعى دىندەردىڭ وزگەرۋ تاريحى سياقتىلاردى، وسى زامانعى اراب ءتىلى، ءجيى قولدانىلاتىن حانزۋ ءتىلى سەكىلدى بىلىمدەردى ۇيرەندىك. قايتىپ بارعاننان كەيىن، زاڭدا جول بەرىلەتىن كولەمدە ءدىني قيمىلدارمەن شۇعىلدانىپ، زاڭسىز ءدىني ارەكەتتەر مەن «ءۇش ءتۇرلى كۇشتىڭ» جالبىزبالاپ كىرۋىنە ايقىن كوزقاراسپەن قارسى تۇرامىز، سونىمەن بىرگە پارتيا مەن ۇكىمەتتىڭ بىزگە تاپسىرعان ءدىني ىستەردى، مەشىتتى جاقسى باسقارۋ جاۋاپكەرلىگىن ويداعىداي وتەپ، ءدىني سالتتاردى جاقسى باسقارىپ، ميحراپتى مىقتى مەڭگەرەمىز، سونىمەن قاتار شاريعات جولىن ءتۇسىندىرۋ، شاريعات ايتۋ قىزمەتىن جاقسى ىستەپ، ءدىن شاريعاتى ارقىلى قوعامنىڭ العا باسۋىنا ۇيلەسەتىن تالاپتاردى تۇسىندىرۋگە قۇلشىنىپ، ءدىندى سوتسياليستىك قوعامعا سايكەستىرۋگە باستاۋ جولىندا بەلسەندى رول اتقارامىز.
ابىلا ابەي (پوسكام اۋدانى پوسكام قالاشىعى مەشىتىنىڭ حاتيبى): ءبىز ءبىلىم ۇيرەنەتىن، ءبىلىمدى جالپىلاستىراتىن، بىلىممەن دوستاساتىن ءدىني قايراتكەرلەردەن بولۋىمىز ءتيىس، قىڭىر، ءبىلىمسىز ادام ەلدىڭ ارتىندا قالادى.
دامۋ جانە ورنىقتىلىق كۇللى الەم حالقىنىڭ ورتاق ارمانى، سونىمەن بىرگە ءومىر ءسۇرۋدىڭ قاجەتتى شارتى، ءىسلام ءدىنى ءوزىنىڭ مىنە وسىنداي باسىمدىلىعىمەن جەر بەتىندەگى ءۇش ءىرى ءدىننىڭ بىرىنە اينالعان، ءىسلام ءدىنى جارىققا شىققاننان بەرى قوعامدىق دامۋمەن باستان - اياق سايكەسىپ، ادامزاتتىڭ دامۋىندا ماڭىزدى رول اتقارىپ كەلەدى. «ەكى دۇنيەنىڭ باقىتىنا» تالپىنۋ ءىسلام ءدىنىنىڭ تالابى، «قۇران كارىمنەن»، حاديستەردەن وسى تەكتەس مازمۇنداردى كوپ كەزدەستىرەمىز. قورىتا كەلگەندە، ءىسلام ءدىنى عىلىممەن قايشى كەلمەيدى، ءبىز ءىسلام ءدىنىنىڭ قاعيدالارىنا بويسۇنىپ، وسىزاماندانۋعا بەت الۋىمىز، وسىزامانعى عىلىم - ءبىلىمدى يگەرۋىمىز كەرەك. مۇحاممەد پايعامبار: ءبىلىم تاقۋا ادامنىڭ جوعالتىپ العان زاتى سياقتى، تابىلعان جەردەن وزىڭە تاۋەلدەۋىڭە بولادى، - دەگەن ەكەن.
وتانشىل ءدىني قايراتكەر بولعان بىزدەر بۇدان بىلاي ءىسلام ءدىنىنىڭ تاڭداۋلى ءداستۇرىن ۇزدىكسىز ساۋلەلەندىرىپ، ىنتىماقتى، قارايلاسىمدى بولىپ، ەڭبەكشىل قوس قولىمىزمەن اۋقاتتانۋعا ويىسىپ، وتاننىڭ سوتسياليستىك قۇرىلىسىنا ۇلەس قوسۋىمىز ءتيىس.
مامەتتۇرسىن وبۇل (پوسكام اۋدانى ءسايلى اۋىلى تالباق قىستاعى 2 - گرۋپپاسى مەشىتىنىڭ يمامى): مەيىرىمدى اللا «قۇران كارىمدە» بىلاي دەگەن: ءبىلىمدى ادام مەن ءبىلىمسىز ادام تەڭ ورىندا تۇرا ما؟ مەن ءبىلىم مەن تاماشا ءمورال ارقىلى ادامزاتتى ۇلى ەتىپ جاراتتىم. مۇحاممەد پايعامبار: ءبىلىم شالعايداعى جۇڭگودا بولسا دا ۇيرەنۋىمىز كەرەك، - دەگەن ەكەن. مىنە بۇدان ءىسلام ءدىنىنىڭ ءدىني بىلىمدەر مەن عىلمي بىلىمدەردى ۇيرەنۋگە ايرىقشا ءمان بەرەتىندىگىن، عىلمي بىلىمدەر جونىندە كوپتەگەن ەسكەرتۋلەر جاساعانىن بايقاۋعا بولادى.
مۇحاممەد پايعامبار: مەيلى ەر، الدە، ايەل بولسىن، تۇگەلدەي ءبىلىم ۇيرەنۋى كەرەك، - دەگەن ەكەن. مۇندا تەك ءدىني بىلىمدەردى عانا ۇيرەنبەستەن، عىلمي بىلىمدەردى، ايتالىق، شيپاگەرلىك، كاسىپورىن، قۇرىلىس سياقتى جاقتارداعى بىلىمدەردى ۇيرەنۋدى دە قۋاتتاعان. وسى جاقتارداعى جۇمىستارمەن شۇعىلدانۋدا: جۇمىس ىستەۋشى اللانىڭ دوسى، - دەگەن ەكەن. بۇعان قاراعاندا، ءىسلام ءدىنىنىڭ ءداۋىردىڭ تالابى مەن قوعامنىڭ دامۋىنا ۇيلەسەتىن ءدىن ەكەنىن بايقاۋعا بولادى. ءىسلام ءدىنىنىڭ قاعيدالارى العا باسارلىقتى، «ەكى دۇنيەنىڭ باقىتىن» دارىپتەيدى، وتاندى، اتا مەكەندى، تۇرمىستى قىزۋ ءسۇيۋ مۇسىلمانداردىڭ پارىزى.
سوندىقتان ءبىز سياقتى ءدىني قايراتكەرلەر پەرزەنتتەرىمىزگە عىلىم ۇيرەنۋ جونىندە تاربيە بەرىپ، ولاردى عىلىم - تەحنيكامەن جاڭالىق جاراتۋعا شابىتتاندىرۋىمىز، سونىمەن بىرگە دىنگە سەنەتىن قاۋىمعا عىلىمدى ارداقتاۋدى ءتۇسىندىرۋىمىز، ايتالىق، عىلمي باعىمشىلىق، عىلمي جولمەن ەگىن سالۋ، عىلىم - تەحنيكا ارقىلى جاڭالىق اشۋ سياقتى مازمۇنداردا ۋاعىز ايتىپ، ولارعا قانداي ارەكەتتىڭ زاڭدى، قانداي ارەكەتتىڭ زاڭسىز ەكەنىن ايقىن ۇعىندىرۋىمىز، ءدىننىڭ سوتسياليستىك قوعاممەن سايكەسۋىنە قۇلشىنىس جاساۋىمىز كەرەك. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
