- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تۇتاس رايونىمىزدا ءار ۇلت بۇقاراسى قاتاڭ سوققى بەرۋ قيمىلىن باتىل قولدادى
2014.06.16 16:57 كەلۋ قاينارى : شينجياڭ حالىق راديو ستانسياسى تورابى
23-مامىردان باستاپ، رايونىمىز زورلىقتى كۇش ارەكەتتەرىنە قاتاڭ سوققى بەرۋ ارناۋلى قيمىلىن ورىستەتكەننەن بەرى، تۇتاس رايونىمىزدا ءار ۇلت بۇقاراسى قاتاڭ سوققى بەرۋ قيمىلىن باتىل قولدادى، ولار قىلمىستى ارەكەتتەردى جانە كۇماندىلاردى بەلسەنە اشكەرلەپ، ساقشى جاققا سەلبەسىپ زورلىقتى كۇش لاڭكەستەرىن ۇستاپ، لاڭكەستىككە قارسى تۇراتىن حالىقتىق شايقاستى كەڭ كولەمدە ورىستەتىپ، زورلىقتى كۇش لاڭكەستەرىنىڭ قاشىپ-پىسۋىنا جول قالتىرمادى. بىرنەشە كۇننەن بەرى، گۇما اۋداندىق قوعام حاۋىپسىزدىگى ورگانى بۇقارانىڭ پارمەندى سايكەسۋىندە وسى اۋداننىڭ مۇجى قالاشىعىندا ءبىر زورلىقتى كۇش لاڭكەستىك توبىن جانە قوپارعىش زات جاساۋ اپانىن تالقانداپ، 3 قىلمىس كۇماندىسىن ۇستايدى، ال وسى توپتاعى وزگە مۇشەلەر قاشىپ كەتەدى. سونىمەن ءار قايسى اۋىل-قالاشىقتاعى بۇقارا قۋعىنداپ ۇستاۋ قىزمەتىنە بەلسەنە اتسالىسادى، وسى بارىستا، كوپتەگەن بۇقارا قوپارعىش قوندىرعى العان ءۇش لاڭكەسپەن ۇشىراپ قالىپ، ولاردى سوزگە اينالدىرىپ، ەرلىكپەن كۇرەسىپ، زورلىقتى كۇش لاڭكەستەرىن قولعا ءتۇسىردى، ەكى بۇقارا وسى بارىستا جارالاندى. ءار ۇلت بۇقاراسىنىڭ سەلبەسۋىندە گۇما اۋدانىنىڭ ساقشى جاعى قۇبا ءشول، ماقتا اتىزى سياقتى جەرلەردەن وسى توپتىڭ 12 قوپارعىش قوندىرعىسىن تەكسەرىپ تاپتى. وسىدان بۇرىن، ۇرىمجىدەگى «22-مامىر» زورلىقتى كۇش لاڭكەستىك دەلوسى جونىندەگى اقپاراتتىق حاباردا لاڭكەستەردىڭ تۇگەلدەي گۇمالىق ەكەندىگى ايتىلعان سوڭ، گۇما اۋدانىنداعى ءار ۇلت حالقىنىڭ زىعىردانى قاينادى، سول كۇنى بۇقارا دەلوعا قاتىستى 11 ادامدى ىرىقتىلىقپەن اشكەرەلەدى. 24-مامىردا كەريا اۋداندىق قوعام حاۋىپسىزدىگى مەكەمەسى بۇقارانىڭ اشكەرلەپ-مالىمدەۋىندە ءبىر زورلىقتى كۇش لاڭكەستىك توبىن تالقانداپ، 3 زورلىقتى كۇش لاڭكەسىن ۇستاپ، 3 قوپارعىش قوندىرعىنى قولعا ءتۇسىردى.25-مامىردا مارالباسى اۋدانىنىڭ قىستاق تۇرعىندارى ەگىس جۇمىسىن ىستەپ جۇرگەندە پىشاق العان بەس كۇماندى ادامنىڭ سور سۋدى ىعىستىراتىن ارىقتا ۇيقتاپ جاتقانىن بايقاپ، دەرەۋ ساقشىعا مالىمدەيدى. حالىق ساقشىلارى مالىمدەۋدى تاپسىرىپ العاننان كەيىن دەرۋ قىستاق كادرلارىمەن، قىستاقتا تۇراتىن كادرلارمەن بىرگە سول اراعا بارادى، تەكسەرۋ بارىسىندا، الگى 5 ادام «عازاۋات» ۇرانىن سالىپ، حالىق ساقشىلارىنا پىشاق الىپ جۇگىرەدى، حالىق ساقشىلارى دەرەۋ ءبىر جايلى ەتىپ، 3 ادامدى اتىپ ءولتىرىپ جانە جارالاپ، ءبىر ادامدى ۇستايدى، تەرگەۋ ارقىلى، وسى توپتىڭ زورلىقتى كۇش لاڭكەستىك قىلمىسىن وتكىزبەك بولعان قاسكۇنەمدىگى تەكسەرىلىپ تالقاندالدى. قازىرگە دەيىن تۇتاس رايونىمىزدىڭ قوعام حاۋىپسىزدىگى ورگاندارى بۇقارادان كەلگەن 300 نەشە دەلوعا قاتىستى دەرەكتى قابىلداپ، بۇقارانىڭ اشكەرەلەپ-مالىمدەۋى بويىنشا 9 زورلىقتى كۇش لاڭكەستىك توبىن، ءبىر ءدىني ۇشقارىلار توبىن تالقانداپ، دەلوعا قاتىستى 60 نەشە ادامدى ۇستاپ، 160 تان استام قوپارعىش قوندىرعىسىن جيناپ، 40 نەشە كيلوگرام قوپارعىش جاسايتىن شيكىزاتتى تەكسەرىپ تاۋىپ، ءبىر توپ قوپارعىش جاسايتىن قۇرال، كوپ مەديالى كارتىشكا جانە «عازاۋات» تۋى سياقتى زاڭسىز ءدىني ۇگىت بۇيىمدارىن جيناپ الىپ، زاڭسىز دىبىس كەسكىن جاسايتىن ەكى ورىندى تالقاندادى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
