- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
اتىكەمحان: ارماندى ىسكە اسىرۋدىڭ ەرتە - كەشى جوق
تىلشىلەرىمىز لي لين، چىن چىن
2014.06.17 10:54 كەلۋ قاينارى : ءتاڭىرتاۋ تورابى
لوپ اۋدانىنداعى ءبىر تار كوشەنىڭ باسىندا، اتىكەمحان مامەتتۇرسىننىڭ ەكى قابات ءۇيى ونىڭ ماڭايىنداعى وزگە جاتاعان ۇيلەردەن ەرەكشە كوزگە تۇسەدى. بۇل ءۇيدى 67 جاستاعى اتىكەمحان ءوزى جوبالاعان، وسىنداي كەڭ دە جارىق ەكى قابات ۇيدە وتىرۋ اتىكەمحاننىڭ جاس كەزىندەگى ارمانى ەدى، بۇل ارمانى اقىرى ىسكە استى، ول: ارماندى ىسكە اسىرۋدىڭ ەرتە - كەشى جوق، - دەيدى.
اتىكەمحاننىڭ ەكى قابات ءۇيىنىڭ الدىنداعى ءجۇزىم سورەسى ءجۇزىم جاپىراعىمەن كومكەرىلگەن. 1 - قاباتتاعى قوناق بولمەسىنە ۇلكەن كىلەم توسەلگەن، ءۇيدىڭ ءىشى جاڭاشا ۇلگىدە اشەكەيلەنگەن. 2 - قاباتتاعى ءار بولمەگە دە كىلەم توسەلگەن، جاڭا ۇلگى مەن ۇيعۇر حالقىنىڭ ۇلتتىق ەرەكشەلىگى ۇشتاستىرىلعان بۇل ۇيلەر قاراپايىم دا ۇناسىمدى اشەكەيلەنگەن.
2009 - جىلدان باستاپ سالىنعان بۇل ءۇيدىڭ جوبالانۋىنان ءۇي ءىشىن بەزەۋگە دەيىنگى بارلىق جۇمىستارىنا اتىكەمحان ءوزى جۇگىرىپ، 3 جىلدا سالىپ بولعان.
ءۇيدى ءوزى جوبالاپ، ءوزى سالىپ، ءوزى اشەكەيلەۋ ەكىنىڭ ءبىرىنىڭ قولىنان كەلە بەرمەيدى دەگەن ويدىڭ جەتەگىمەن اتىكەمحاننىڭ قانداي كاسىپپەن شۇعىلداناتىنىنا اڭسارىمىز اۋدى. اتىكەمحان جۇمىسشى وتباسىندا دۇنيەگە كەلگەن، اتا - اناسى لوپ اۋدانىنداعى ءبىر كىلەم زاۆودىندا ىستەگەن. قارشادايىنان كوزى ءۇيىر بولعاندىقتان ول 10 نەشە جاسىنان باستام كىلەم توقۋدى ۇيرەنىپ العان. 1962 - جىلى 3 - كلاستى ەندى عانا تامامداعان ول وتباسىنىڭ كەدەيلىگىنەن امالسىز وقۋدان قول ءۇزىپ، اكە - شەشەسىمەن بىرگە كىلەم زاۆودىنا كىرگەن. سول كەزدە كىلەم نەگىزىنەن بۇرىنعى سوۆەت وداعىنا شىعارىلاتىندىقتان، جۇڭگو مەن سوۆەت وداعىنىڭ قاتىناسىنىڭ جاقسى بولماۋىنان كىلەم زاۆودىنىڭ ونىمدىلىگى كۇن سايىن قۇلدىراعان. كەيىن اتىكەمحان مەن اكە - شەشەسى اۋداندىق قۇرىلىس سەرىكتەستىگىنە الماسقان. 1964 - جىلى اتىكەمحان تىگىنشىلىك كووپەراتيۆىنە الماسىپ، 2000 - جىلى بۇل ورىن كۇيرەگەنگە دەيىن سول ارادا ىستەگەن.
اتىكەمحاننىڭ اكەسى قۇرىلىس سەرىكتەستىگىندە ىستەگەن كەزدە سىلاقشىلىق ونەرىن يگەرگەن. اكەسىنىڭ ىقپالىندا اتىكەمحان دا قۇرىلىس جۇمىستارىنا جاتىلا باستاعان. ايەل زاتى بولعاندىقتان كىلەم توقۋ مەن كەستە جوبالاۋعا دا اۋەستەنگەن. تىگىنشىلىك كووپەراتيۆىندە ىستەپ جۇرگەندە دوسىنان ۇيعۇردىڭ ءداستۇرلى كەستەشىلىك ونەرىن دە يگەرىپ العان. كيىم تىگۋ، كىلەم توقۋ، كەستەشىلىك جۇمىستارىنىڭ بارىنە توسەلىپ العاندىقتان، وسى ونەر اتىكەمحاننىڭ جوبالاۋ جونىندەگى تانىمىن ۇشتاي تۇسكەن.
ول لوپ اۋداندىق 1 - ورتا مەكتەپتىڭ دەنە تاربيە وقىتۋشىسى روزى مامەت قۇربانمەن نەكەلەنىپ، 5 بالالى بولعان. بالالارىن جەتكىزۋ ءۇشىن، ەرلى - زايىپتى ەكەۋى از جاپا شەكپەگەن. اتىكەمحاننىڭ تۇرمىستا ەڭ تاپشىلىق كورگەن كەزدەرى − وتكەن عاسىردىڭ 80 - جىلدارىنىڭ باسى. 1983 - جىلى ۇلكەن ۇلى ۋنيۆەرسيتەتكە قابىلدانادى، ۇلكەن قىزى ورتا تەحنيكۋمدا وقيدى. ول وسى تۇستا كۇيەۋى ەكەۋىنىڭ 80 يۋان ەڭبەكاقىسىنان اي سايىن 25 يۋان ىركىپ، ۇلى مەن قىزىنىڭ تۇرمىسىن قامدايدى. سول كەزدە ۇيلەرى تار بولعاندىقتان 7 جان اياداي ەكى اۋىزدى ۇيدە تۇراتىن. ونىڭ جاتسا - تۇرسا ارماندايتىنى كەڭ دە جارىق ۇيدە وتىرۋ ەدى، تۇرمىستىڭ قىسپاعىنان ول كىلەم توقىپ، كەستە تىگىپ، تۇرمىسىن قامداماسقا امالسىز قالادى. مىنە وسىلاي قوس قولدارىنا سۇيەنگەن ەرلى - زايىپتى ەكەۋى 3 ۇلىن ۋنيۆەرسيتەتتەن، 2 قىزىن ورتا تەحنيكۋمنان وقىتادى، قازىر ولاردىڭ ءوز الدىنا قىزمەتتەرى بار.
بالالارىنىڭ ەرجەتۋىنە وراي، ولاردىڭ تۇرمىس دەڭگەيى دە جوعارىلايدى، اتىكەمحان ساۋلەتتى دە كەڭ ۇيگە كىرۋ ارمانىنا جەتۋگە ءتىپتى دە اسىعادى. ونى قولداپ كەلگەن جۇبايى ءوز پىكىرىندە تۇرسادا، بالالارىمەن بىرگە ونىڭ ارمانىن ورىنداۋعا كومەكتەسەدى.
2012 - جىلى قۇرىلىس اياقتايدى، سودان باستاپ بۇل ءۇي اۋدان قالاشىعىنداعى ءوزى سالعان ءۇيدىڭ ۇلگىسىنە اينالىپ، كوپتەگەن تۇرعىندار ونى ۇلگى تۇتادى.
ءتىلشى باعامى
جۇمىستان بوساعان ءبىر ايەل زاتى «ساۋلەتتى دە كەڭ ۇيدە وتىرۋ» ارمانىنىڭ جەتەگىمەن كيىم تىگىپ، كىلەم توقىپ، كەستە جاساپ، 20 نەشە جىلدان استام ۋاقىت قاجىماي - تالماي تالپىنىپ، ارمانىن اقىرى ىسكە اسىرعان.
ارماندى ىسكە اسىرۋدىڭ ەرتە - كەشى جوق، بارلىعىمىزدىڭ ءبىلىم يگەرۋ، شارۋاشىلىق قۇرۋ جولىمىز دا وسىنداي. ءارقانداي ۋاقىتتا، ءارقانداي جەردە تەك بەرىك سەنىممەن ارمانعا تىنباي قۇلشىنساق، سول قاجىرلىلىقتىڭ ارقاسىندا ارمان گۇلىنىڭ قاشاندا قۇلپىرا اشىلاتىندىعى داۋسىز. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
