- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
شەتەل بازارىنا شەرۋ تارتقان «اقجول» اياق كيىمدەرى
2014.06.23 13:48 كەلۋ قاينارى : شينجياڭ حالىق راديو ستانسياسى تورابى
بازاردى بايگە الاڭىنا بالاساق، وندا توۆار بەينە الاڭدا شاپقان سايگۇلىك تارىزدى، تەك ماڭدايىن شاڭ شالمايتىن ەرەن جۇيرىك قانا كومبەگە ەڭ الدىمەن جەتەتىنىندەي، ساپالى ماركالى توۆارلار الارماندار جاعىنان جىلى قابىلدانادى. جاقىننان بەرى «اقجول» اياق كيىمدەرى ساپا وتكەلىن مىقتى يگەرگەندىكتەن، ەل ىشىندە كەڭىنەن ساتىلا باستادى. ءۇرىمجى قالاسى وڭتۇستىك پويەز بەكەتىنىڭ ماڭىندا كوكپەن بوي تالاسقان 25 قاباتتىق ءزاۋلىم ءبىر عيمارات بار. مىنە بۇل «دي-ۋاڭ حالىقارالىق اياق كيىم» ساۋدا ورتالىعى. بۇل ارادا 2 مىڭ 500 دەن استام ءتۇرلى ماركاداعى ەر-ايەلدىڭ اياق كيىمى رايون ءىشى-سىرتىنان، ءتىپتى ورتا ازيا ەلىنەن كەلگەن جۇرگىنشىلەردى ماگينيتتەي تارتادى. ال «اقجول» ماركالى ۇلتتىق اياق كيىم قالىڭ اياق كيىمدەردىڭ ىشىندە ەل-جۇرتقا كەڭىنەن تانىلا باستاعان. نىلقى اۋدانى قاراسۋ اۋىلىنىڭ تۇرعىنى ىسقاق سىماعۇل ۇلى وسى ساۋدا دۇكەنىنىڭ قوجايىنى. تىلشىلىك بارىسىندا، ىسقاق سىماعۇل ۇلى بىزگە: «اقجول» ماركالى ۇلتتىق اياق كيىم رايونىمىزدى قويىپ شەتەل بازارىنا بەت الدى دەيدى قۋانىشپەن.ىسقاق ساۋدا-ساتتىققا ەرتە ارلاسقان ىسپار ازامات. 17، 18 جاسىندا-اق وتباسىنداعى قينشىلىقتان «ساۋدا ىستەسەم» دەگەن وي كوكەيىنە ورناپ العان ەدى. العاش رەت قولدا اينالىمعا سالاتىن قارجى بولماي تۇرعان كەزدە اپەكەسى مىڭ يۋان اقشا بەرىپ ساۋدا ىستەۋىن جەبەدى، «بۇدان باسقا ىستەي قويار كومەگىم جوق، ەڭبەكتەنىپ جان باق» دەيدى. اقشانى العان سوڭ ىسقاق نە ساۋدا ىستەسەم بولار ەكەن دەپ ءبىر اپتا بازار ارالايدى. ءجوندى ساۋدا-ساتتىق ىستەي قويارلىق مۇمكىندىك تابا الماي سالىندىسى سۋعا كەتىپ اۋرە-سارساڭ بولادى.ادام ومىرىندە وركەندەۋدىڭ ورايىنا كەزدەيسوق كەزدەسىپ قالاتىن جەرى بولادى. تەك كەلگەن ورايدىڭ استارىنا ءۇڭىلىپ، دامۋدىڭ داڭعىل جولىن ايىرا السا عانا بار ءۇمىتىڭ وتتاي لاۋلاپ جانا باستايدى.ءبىر كۇنى ىسقاق سىماعۇل ۇلىنىڭ وتاۋىنا بالدىزى كەلەدى. قاراسا بالدىزىنىڭ اياق كيىمى جىرتىلىپ كيۋگە جاراماي قالعان ەكەن. سونىمەن كەلىنشەگى ەكەۋى بالدىزىنا اياق كيىم قاراستىرىپ بازارعا شىقسا دۇكەندە اياق كيىم قىمبات، ادەتتەگىلەرىنىڭ ءوزى 150يۋان ەكەن. ۇلكەن قالالاردىڭ تولايىم بازارىندا اياق كيىم ارزان كەلەدى. اياق كيىمنىڭ شەتكەرى قىر ساحاراسىندا قىمبات ساتىلاتىندىعىن ىسقاق اڭعاردى. امال جوق قىمبات بولسادا بالدىزىنا اياق كيىم الدى. بۇل ءىستى كوكەيىنە بىردەڭە تۇيگەن ىسقاق اپەكەسى بەرگەن مىڭ يۋان اقشانى كادەگە جاراتىپ ساۋدا ىستەۋدىڭ وراتى كەلگەنىن اڭعاردى.تاڭعى ەلەڭ الاڭنان ورىنىنان تۇرەگەلگەن ىسقاق سىماعۇل ۇلى كولىك توسىپ قۇلجا قالاسىنا جەتتى. اياق كيىم بازارىن ارالادى، كوردى. ۇعىستى. اقىرى مىڭ يۋانعا ۇلكەن-كىشى، ەر-ايەلدىڭ اياق كيىمىن الدى. تىزگىن ۇشىمەن اۋىلعا ورالدى.« ەل الماي زيانعا وتىرىپ قالامبا »دەگەن وي مازالادى. ۇزاق تاڭدى دوڭبەكشىپ اتىرعان ول ەرتەسى تاڭەرتەڭ تۇڭعىش ساۋداسىن باستادى. بۇل ءدال كۇز ماۋسىمى بولاتىن. ەل-جۇرتتىڭ اياق كيىمگە بولعان قاجەتسىنۋى ارتاتىن كەزى ەكەن. ول اياق كيىمدەرىن ساتىپ 600دە 700يۋان پايدا تاپتى. بۇل ساۋدا ىسقاققا زور ءۇمىت بايقاتتى. ەرتەسى ەرتە ورىننان قوزعالعان ىسقاق قايتادان قۇلجا قالاسىنىڭ اياق كيىم تولايىم بازارىنان 800 يۋانعا اياق كيىم الىپ اۋىلعا ورالادى. بۇل كەزدە نىلقى اۋدانىنىڭ اۋىلدارىندا دۇيسەنبىدەن جەكسەمبىگە دەيىن اينالما بازار بولاتىن. ىسقاق الا شىققان اياق كيىمدەرىن اۋىلداردا اشىلعان جارمەنكەلەرگە سالىپ اياق كيىم ساتا باستادى. ءبىر اپتالىق ساۋدا-ساتتىقتا العاش اينالىمعا سالعان مىڭ يۋان اقشا ءۇش مىڭ يۋان بولدى.1990-جىلدارى، نىلقى اۋدانىنىڭ بازارىندا اياق كيىم ساتاتىن ۇلتتىق كاسىپكەرلەر جوقتىڭ قاسى ەدى. از ساندى كاسىپكەرلەردىڭ اياق كيىم ساۋداسى كۇسەت بولاتىن. ىسقاق ولاردىڭ ىرعىن پايداسىنا تامسانا قارايتىن. ىشتەي: « ۇلكەن ساۋدا ىستەسەم» دەپ ويى شارق ۇراتىن. سول ويدىڭ جەتەگىندە ىسقاق سىماعۇل ۇلى ءتورت اي تاپجىلماي اياق كيىم ساۋداسىن ىستەپ 40 مىڭ يۋان اينالىمعا سالاتىن قارجى توپتادى. 2000-جىلى ىسقاق قاراسۋ اۋىلىنان «ىسقاق بىلعارى اياق كيىم دۇكەنىن» اشتى ءارى ءۇرىمجى قالاسىنان 15 مىڭ يۋانعا ءتۇرلى اياق كيىم الدىرىپ، دۇكەنىنىڭ ساۋداسىن جانداندىرا باستادى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
