- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
گو شىڭكۇن ورتالىقتىڭ قىزمەت گرۋپپاسىن باستاپ شينجياڭدا لاڭكەستىككە قارسى تۇرىپ ورنىقتىلىقتى قورعاۋ قىزمەتىنە جەتەكشىلىك ەتتى
2014.08.07 13:55 كەلۋ قاينارى : شينجياڭ حالىق راديو ستانسياسى تورابى
1-تامىزدان 4-تامىزعا دەيىن، مەملەكەتتىك كەڭەستىڭ مۇشەسى، ورتالىق ساياسي-زاڭ كوميتەتىنىڭ ورىنباسار شۋجيى، قوعام حاۋىپسىزدىگى مينىستىرى گو شىڭكۇن ورتالىقتىڭ قىزمەت گرۋپپاسىن باستاپ شينجياڭدا لاڭكەستىككە قارسى تۇرىپ ورنىقتىلىقتى قورعاۋ قىزمەتىنە جەتەكشىلىك ەتتى، ءارى ياركەن اۋدانىنا بارىپ، 28-شىلدە اۋىر زورلىقتى كۇش لاڭكەستىك دەلوسىن ءبىر جايلى ەتۋ قىزمەتىنە جەتەكشىلىك ەتىپ، لاڭكەستىككە قارسى تۇرىپ ورنىقتىلىقتى قورعاۋدىڭ ءبىرىنشى شەبىندە شايقاس جاساپ جاتقان قوعام حاۋىپسىزدىگى حالىق ساقشىلارىنان، قارۋلى ساقشى وفيتسەر-اسكەرلەرىنەن جانە نەگىزگى ساتىداعى كادرلار مەن بۇقارادان حال سۇرادى.ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى جاڭ چۇنشيان قاتىستى ماجىلىستەرگە قاتىناستى.
گو شىڭكۇن ۇرىمجىگە كەلە سالىسىمەن ءماجىلىس اشىپ، ورتالىقتاعى باسشى جولداستاردىڭ ماڭىزدى نۇسقاۋىنىڭ رۋحىن جەتكىزىپ، دەلونى ءبىر جايلى ەتۋ، سودىرلاردى قورشاپ ۇستاۋ، قوعامدىق الدىن الۋ-مەڭگەرۋ قىزمەتىنە ورنالاستىرۋ جاسادى.
ىلە-شالا ول ياركەن اۋدانىنا بارىپ، دەلو تۋىلعان جەردى كوزدەن كەشىرىپ، ءبىر جايلى ەتۋ قىزمەتىن تەكسەرىپ زەرتتەدى جانە جەتەكشىلىك ەتتى. ول بىلاي دەپ اتاپ كورسەتتى، باتىل پوزەتسيادا بولىپ، پارمەندى شارا قولدانىپ، سۇرقيا كۇشتەردى الاستاپ، پەردە ارتىنداعىلاردى تەكسەرىپ انىقتاپ، قاشىپ جۇرگەن قىلمىس كۇماندىلارىن تەكسەرىپ انىقتاپ تۇگەل ۇستاۋ كەرەك ؛ زورلىقتى كۇش لاڭكەستەرىن قاتاڭ جازالاپ، سوتسياليستىك زاڭ-ءتۇزىمنىڭ بەدەلى مەن ابرويىن باتىل قورعاۋ كەرەك.زورلىقتى كۇش لاڭكەستەرىنە قاتاڭ سوققى بەرۋ جاعدايىن باستان-اياق ساقتاپ، زورلىقتى كۇش لاڭكەستىك ارەكەتىنىڭ ءجيى تۋىلۋ ءجايىتىن باتىل تيۋ كەرەك.
گو شىڭكۇن مەن ونىڭ سەرىكتەرى لاڭكەستىككە قارسى تۇرىپ ورنىقتىلىقتى قورعاۋدىڭ ءبىرىنشى شەبىندە شايقاس جاساپ جاتقان قوعام حاۋىپسىزدىگى حالىق ساقشىلارىنان، قارۋلى ساقشى وفيتسەر-اسكەرلەرىنەن حال سۇرادى. ول كوپشىلىكتىڭ شارشاپ-شالدىعۋدان قورقپاي، ءۇرتىس شايقاس جاسايتىن تاماشا ستيلدى ۇزدىكسىز ساۋلەلەندىرىپ، حالىق بۇقاراسىنا سۇيەنىپ، زورلىقتى كۇش لاڭكەسىك توبىن تۇبەگەيلى تالقانداپ، شينجياڭنىڭ قوعام ورنىقتىلىعى مەن باياندى تىنىشتىعى ءۇشىن تىڭ ۇلەس قوسۋدى ءۇمىت ەتتى.
ياركەن اۋدانى ەلچيحۋ قالاشىعى تەرەكلانگار قىستاعىنداعى پارتيا مۇشەلەرى مەن كادرلار زورلىقتى كۇش لاڭكەستىك ارەكەتىمەن ايقىن تۋ ۇستاي وتىرىپ كۇرەس جاساپ، ءار ۇلت بۇقاراسىنىڭ باس اماندىعى مەن مال-مۇلكىنىڭ حاۋىپسىزدىگىن قورعادى. گو شىڭكۇن بىلاي دەدى، نەگىزگى ساتى پارتيا ۇيىمىنىڭ، قىستاق تۇرعىندار كوميتەتىنىڭ، ساقشى كەڭسەسىنىڭ جانە قىستاقتا تۇراتىن قىزمەت اتىرەتىنىڭ رولىن تولىق ساۋلەلەندىرىپ، بۇقارانى اتتانىسقا كەلتىرىپ، بۇقارالىق قورعانۋدى كۇشەيتىپ، بۇقارانى كۇماندى ءجىپ ۇشى بايقالسا دەرەۋ قامداۋعا شابىتتاندىرىپ، بۇقارانىڭ ادىلەت جولىندا ايانباۋ ارەكەتىن ماداقتاپ سيلاپ، لاڭكەستىككە قارسى تۇرۋدىڭ حالىقتىق شايقاسىن جاقسى جۇرگىزىپ، ورنىقتىلىقتى قورعاۋدىڭ قۇرىش قورعانىن بەكەمدەۋ كەرەك.
ياركەن حاڭدي قالاشىعى يۇلعۇنبۇلاق قىستاعىندا، گو شىڭكۇن قىستاق تۇرعىنى احمەت ماحمۇتتىڭ وتباسىنا باردى. گو شىڭكۇن بىلاي دەدى: زورلىقتى كۇش لاڭكەستىك ارەكەتپەن شۇعىلدانۋشىلار حالىقتىڭ ورتاق جاۋى، ءار ۇلت حالقى قۇرىس قورعان بولىپ جاۋعا قارسى اتتانعاندا، ۇلتتار ىنتىماعى مەن قوعام ورنىقتىلىعىن ءونىمدى قورعاي الادى. يۇلعۇنبۇلاق قىستاعىنىڭ مەشىتىندە گو شىڭكۇن نەگىزگى ساتىداعى ءدىني قايراتكەرلەرمەن شىنايى اڭگىمەلەسىپ، ولاردىڭ ءسلام دىنىنىڭ وتاندى، ءدىندى سۇيەتىن تاماشا داستورىن بارىنشا ساۋلەلەندىرىپ، قالىڭ ءدىنگە سەنەتىن بۇقارانى قوعامنىڭ جاراسىمدى ورنىقتىلىعىن قورعاۋعا باستاۋىن ءۇمىت ەتتى.
شينجياڭداعى كەزىندە، گو شىڭكۇن لاڭكەستىككە قارسى تۇرىپ ورنىقتىلىقتى قورعاۋ قىزمەتىن اناعۇرلىم ويداعىداي ىستەۋ تۋرالى اڭگىمە ءماجىلىسىن وتكىزدى. ول بىلاي دەپ اتاپ كورسەتتى: باس شۋجي شي جينپيڭ سياقتى ورتالىقتاعى باسشى جولداستاردىڭ لاڭكەستىككە قارسى تۇرىپ ورنىقتىلىقتى قورعاۋ قىزمەتى جونىندەگى ءبىرقىدىرۋ ماڭىزدى نۇسقاۋلارىنىڭ رۋحىن باتىل دايەكتى تياناقتاندىرىپ، كەزەكتەگى لاڭكەستىككە قارسى تۇرۋ شايقاسى جاعدايىنىڭ قاتاڭدىعىن، كۇردەلىلىگىن، لاڭكەستىككە قارسى تۇرۋ شايقاسىنىڭ ماڭىزدىلىعىن، كوكەيتەستىلىگىن جەتە تانىپ، زورلىقتى كۇش لاڭكەستىك ارەكەتكە قاتاڭ سوققى بەرۋ ارناۋلى ارەكەتىن ىشكەرىلەي ورىستەتىپ، حالىق جۇرتشىلىعىنا سۇيەنىپ لاڭكەستىككە قارسى تۇرىپ ورنىقتىلىقتى قورعاۋدىڭ بەرىك قامالىن سوعىپ، زورلىقتى كۇش دەلولارىنىڭ كوپ تۋىلۋ جاعدايىن باتىل تەجەپ، زورلىقتى كۇش لاڭكەستەرىنىڭ اپتىعىن باسىپ، ءار ۇلت حالقىنىڭ ءومىرى مەن مال مۇلكى اماندىعىنا جانە قوعامنىڭ جالى جاعداي ورنىقتىلىعىنا كەپىلدىك ەتۋ كەرەك. اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى نۇر باكىر، ورتالىق ساياسي زاڭ كوميتەتىنىڭ باس حاتشىسى، مەملەكەتتىك كەڭەستىڭ ورىنباسار باس حاتشىسى ۋاڭ يۇڭچيڭ جانە ورتالىقتىڭ قاتىستى تاراۋلارىنىڭ جاۋاپتى جولداستارى اتالعان قيمىلدارعا قاتىناستى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
