- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ج ك پ ورتالىق كوميتەتى كەڭسەسىنىڭ، مەملەكەتتىك كەڭەس كەڭسەسىنىڭ بىرلەسكەن تەكسەرۋ گرۋپپاسى شينجياڭعا 4 كۇن تەكسەرۋ قىزمەتىن ورىستەتۋگە كەلدى
2014.12.04 14:47 كەلۋ قاينارى : شينجياڭ حالىق راديو ستانسياسى تورابى
1-جەلتوقسان كۇنى، ج ك پ ورتالىق كوميتەتى كەڭسەسىنىڭ، مەملەكەتتىك كەڭەس كەڭسەسىنىڭ بىرلەسكەن تەكسەرۋ گرۋپپاسى شينجياڭنىڭ پارتيا ورتالىق كوميتەتىنىڭ، مەملەكەتتىك كەڭەستىك ماڭىزدى شەشىم-ورنالاستىرۋىن دايەكتى تياناقاتاندىرۋ جاعدايى جونىندە شينجياڭعا 4 كۇن تەكسەرۋ قىزمەتىن ورىستەتۋگە كەلدى. وسى كۇنى كەشتە، ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى جاڭ چۇنشيان ۇرىمجىدە ج ك پ ورتالىق كوميتەتى كەڭسەسىنىڭ، مەملەكەتتىك كەڭەس كەڭسەسىنىڭ بىرلەسكەن تەكسەرۋ گرۋپپاسىنىڭ باستىعى، ساۋدا مينيسترلىگىنىڭ ورىنباسار مينيسترى فاڭ ايچيڭ جانە ونىڭ ساپارلاستارىمەن كەزدەستى.
وسى رەت، پارتيا 18-كەزەكتى ورتالىق كوميتەتىنىڭ 3-جالپى ماجىلىسىندە قاراپ ماقۇلدانعان «ج ك پ ورتالىق كوميتەتىنىڭ رەفورمانى جاپپاي تەرەڭدەتۋدەگى ءىشىنارا ماڭىزدى ماسەلەلەر جونىندەگى قارارىنداعى» ماڭىزدى ورنالاستىرۋلار؛ 2013-جىلعى ورتالىقتىڭ ەكونوميكا قىزمەتى ماجىلىسىندە تۇراقتاندىرىلعان باستى مىندەتتەر؛ مەملەكەتتىك 12-كەزەكتى حالىق قۇرىلتايىنىڭ 2-ماجىلىسىندە قاراپ ماقۇلدانعان «ۇكىمەت قىزمەتىنەن باياندامادا» العا قويىلعان ءتۇيىندى قىزمەتتىڭ ورىندالۋ جاعدايى تەكسەرىلەدى.2-جەلتوقسان تەكسەرۋ گرۋپپاسى اۆتونوميالى رايوننىڭ جانە قاتىستى تاراۋلاردىڭ دايەكتى تياناقتاندىرعان قىزمەتتەن جاساعان مالىمەتىن تىڭدادى، ءارى ءبىرىنشى شەپكە ىشكەرىلەي بارىپ، نەگىزگى ساتى الەۋمەتتىك رايوندارىنىڭ، كاسىپورىنداردىڭ، بۇقارانىڭ ۇسىنىس-پىكىرىن تىڭدادى.
جاڭ چۇنشيان كەزدەسۋدە بىلاي دەدى: شينجياڭ پارتيا ورتالىق كوميتەتىنىڭ، مەملەكەتتىك كەڭەستىڭ ماڭىزدى شەشىم ورنالاستىرۋىن جاپپاي دايەكتى تياناقتاندىرىپ، قوعام ورنىقتىلىعى مەن باياندى تىنىشتىق سىندى باستى نىسانانى تىعىز ارقاۋ ەتىپ، ءىس جۇزىندىكتەن باستاپ ىسكە كىرىسىپ، ءتۇرلى ماڭىزدى ورنالاستىرۋلاردى، باستى مىندەتتەردى، ءتۇيىندى قىزمەتتەردى ەگجەي-تەگجەيلى مىندەتكە ءبولىپ، قىزمەتتى تياناقتاندىرۋدى كۇش سالا مىقتى يگەردى. كوكتەم كىرگەننەن باستاپ، «ورنىقتىلىق بارىسىندا العا ىلگەرىلەۋ، رەفورما جاساپ، جاڭالىق جاراتۋ» قىزمەت تۇيىنىنە ۇشتاستىرىپ، «رەفورما جاساپ، جاڭالىق جاراتۋدى تەرەڭدەتىپ، باياندى تىنىشتىقتى كۇش ۇيىستىرىپ جۇزەگە اسىرۋ» جەلىلەس قيمىلىن ورىستەتتى، تابان تىرەر تياناق پەن شىعار ءتۇيىندى قوعام ورنىقتىلىعى مەن باياندى تىنىشتىققا قويىپ، رەفورمادان قامال الۋ شايقاسىن شىنايى ويداعىداي سىتەپ، «ورنىقتى ارتۋدى، رەفورمانى جەبەۋدى، قۇرىلىمدى رەتتەۋدى، حالىققا تيىمدىلىك جەتكىزۋدى، حاتەردەن ساقتانۋدى» ءتۇيىن ەتىپ، ەكونوميكانىڭ، قوعامنىڭ دامۋىن، حالىقتى باياشات تۇرمىسقا كەنەلتۋگە كۇش سالىپ، سوڭعى ءبىر جىلدان بەرى ءتۇرلى قىزمەتتە تىڭ ونىمدىلىككە قول جەتكىزدى.جاڭ چۇنشيان بىلاي دەدى: عىلىمي دامۋ ـــ شينجياڭداعى بارلىق ماسەلەنى شەشۋدىڭ نەگىزى، تەتىگى جانە كىلتى. پارتيا ورتالىق كوميتەتى مەن مەملەكەتتىك كەڭەستىڭ كەلەلى شەشىمدەرى مەن ورنالاستىرۋلارىن دايەكتى تياناقتاندىرۋدا، شينجياڭ، ءسوزجوق، ءوز ەرەكشەلىگىن كورنەكتىلەندىرىپ، رەفورما جاساۋ ادىسىنەن پايدالانىپ قيىن ءتۇيىندى شەشۋ كەرەك. تەكسەرۋ گرۋپپاسىنداعىلاردىڭ شينجياڭنىڭ ءتۇرلى قىزمەتىنە جان-جاقتىلى جەتەكشىلىك ەتۋىن جانە قولداۋىن ءۇمىت ەتەمىن. اۆتونوميالى رايونىمىزداعى ءارقايسى تاراۋ تەكسەرۋ گرۋپپاسىنىڭ قىزمەتىنە مۇقيات سەلبەسىپ، تەكسەرۋ گرۋپپاسىنىڭ مىندەتىن ءساتتى ورىنداۋىنا شىنايى كەپىلدىك ەتۋ ءتيىس.
فاڭ ايچيڭ كەزدەسۋدە بىلاي دەدى: ورتالىقتىڭ ءبىر تۇتاس ورنالاستىرۋىنا ساي، ج ك پ ورتالىق كوميتەتى كەڭسەسىنىڭ جانە مەملەكەتتىك كەڭەس كەڭسەسىنىڭ بىرلەسكەن تەكسەرۋ گرۋپپاسى سوڭعى ءبىر جىلدان بەرگى پارتيا ورتالىق كوميتەتى مەن مەملەكەتتىك كەڭەستىڭ جاريالاعان ءبىرسپىرا كەلەلى شەشىمدەرى مەن ورنالاستىرۋلارىنىڭ تياناقتانۋ احۋالىن ءبىر رەت جان-جاقتىلى تەكسەرەدى. بۇل كەلەلى شەشىمدەر مەن ورنالاستىرۋلاردىڭ تەز ارادا تياناقتانۋ، ناقتىلى ونىمدىلىككە قول جەتكىزۋ اياق الىسىن ىلگەرىلەتۋدەگى ءماڭىزدى شارا، كەلەلى شەشىمدەر مەن ورنالاستىرۋدى تياناقتاندىرۋ بارىسىنداعى قيىن تۇيىندەر مەن ماسەلەلەردى شەشۋ اياق الىسىن ىلگەرىلەتۋدىڭ ماڭىزدى جولى. تەكسەرۋ گرۋپپاسى مالىمەتتى تىڭداۋ، اڭگىمە ءماجىلىسىن اشۋ، سول جەردىڭ وزىندە تەكسەرۋ، قالاعان ۋاقىتتا ۇلگى الىپ تەكسەرۋ سياقتى فورمامەن، ءارقايسى جاقتىڭ پىكىر-ۇسىنىسىن ىشكەرىلەي ۇعىسىپ، پارتيا ورتالىق كوميتەتى مەن مەملەكەتتىك كەڭەستىڭ ءتۇرلى ماڭىزدى شەشىمدەرى مەن ورنالاستىرۋلارىنىڭ تياناقتانۋ، ناقتى ونىمدىلىككە قول جەتكىزۋ اياق الىسىن ىلگەرىلەتەدى.
اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى نۇر باكىر كەزدەسۋدە بىرگە بولدى جانە بايانداما جاساۋ ماجىلىسىنە قاتىناستى، ءارى اۆتونوميالى رايون اتىنان تەكسەرۋ گرۋپپاسىنا شينجياڭنىڭ پارتيا ورتالىق كوميتەتى مەن مەملەكەتتىك كەڭەستىڭ كەلەلى شەشىمدەرى مەن ورنالاستىرۋلارىن دايەكتى تياناقتاندىرۋ احۋالىن مالىمدەگەننەن كەيىن، بىلاي دەدى: تەكسەرۋ گرۋپپاسىنداعىلار العا قويعان ماسەلەلەرگە مۇقيات مامىلە جاساپ جانە رەتتەپ، پارتيا ورتالىق كوميتەتى مەن مەملەكەتتىك كەڭەستىڭ ءتۇرلى كەلەلى شەشىمدەرىن، ورنالاستىرۋلارىن شىن مانىندە ويداعىداي تياناقتاندىرامىز. حان يۇڭ، حۋاڭ ۋي، باي جىجيە، ەركىنجان تۇراحۇندار جەكە-جەكە جوعارداعى قيمىلدارعا قاتىناستى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
