- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ءۇرىمجى قالاسىندا الەۋمەتتىك ورىنداردا حيدجاب كيۋگە تيىم سالىنادى
2015.01.16 14:47 كەلۋ قاينارى : حالىق تورابى
ءۇرىمجى قالاسىنىڭ الەۋمەتتىك ورىنداردا حيدجاب كيۋگە تيىم سالۋ تۋرالى بەلگىلەمەسى
(2014 – جىلى 10 – جەلتوقساندا ءۇرىمجى قالالىق 15 – كەزەكتى حالىق قۇرىلتايى تۇراقتى كوميتەتىنىڭ 21 – رەتكى ماجىلىسىندە ماقۇلدانعان. 2015 – جىلى 10 – قاڭتاردا شينجياڭ ۇيعۇر اۆتونوميالى رايوندىق 12 – كەزەكتى حالىق قۇرىلتايى تۇراقتى كوميتەتىنىڭ 13 – رەتكى ماجىلىسىندە بەكىتىلگەن)
ءۇرىمجى قالالىق حالىق قۇرىلتايى تۇراقتى كوميتەتىنىڭ قۇلاقتاندىرۋى
«ءۇرىمجى قالاسىنىڭ الەۋمەتتىك ورىنداردا حيدجاب كيۋگە تيىم سالۋ تۋرالى بەلگىلەمەسى» 2014 – جىلى 10 – جەلتوقساندا ءۇرىمجى قالالىق 15 – كەزەكتى حالىق قۇرىلتايى تۇراقتى كوميتەتىنىڭ 21 – رەتكى ماجىلىسىندە ماقۇلدانعان؛ 2015 – جىلى 10 – قاڭتاردا شينجياڭ ۇيعۇر اۆتونوميالى رايوندىق 12 – كەزەكتى حالىق قۇرىلتايى تۇراقتى كوميتەتىنىڭ 13 – رەتكى ماجىلىسىندە بەكىتىلگەن. قازىر جاريالانادى، 2015 – جىلى 1 – اقپاننان باستاپ اتقارىلادى.
ءۇرىمجى قالالىق حالىق قۇرىلتايى تۇراقتى كوميتەتى 2015 – جىلى 14 – قاڭتار
شينجياڭ ۇيعۇر اۆتونوميالى رايوندىق حالىق قۇرىلتايى تۇراقتى كوميتەتىنىڭ «ءۇرىمجى قالاسىنىڭ الەۋمەتتىك ورىنداردا بەت بۇركەنىشتى كيىمدەردى كيۋگە تيىم سالۋ تۋرالى بەلگىلەمەسىن» بەكىتۋ جونىندەگى قاۋلىسى
(2015 – جىلى 10 – قاڭتاردا شينجياڭ ۇيعۇر اۆتونوميالى رايوندىق 12 – كەزەكتى حالىق قۇرىلتايى تۇراقتى كوميتەتىنىڭ 13 – رەتكى ماجىلىسىندە ماقۇلدانعان)
شينجياڭ ۇيعۇر اۆتونوميالى رايوندىق 12 – كەزەكتى حالىق قۇرىلتايى تۇراقتى كوميتەتىنىڭ 13 – رەتكى ماجىلىسىندە تەكسەرۋدەن وتكىزۋ ارقىلى «ءۇرىمجى قالاسىنىڭ الەۋمەتتىك ورىنداردا حيدجاب كيۋگە تيىم سالۋ تۋرالى بەلگىلەمەسىن» بەكىتۋگە قاۋلى الىندى، ءۇرىمجى قالالىق حالىق قۇرىلتايى تۇراقتى كوميتەتى وسى رەتكى ماجىلىستە ورتاعا قويىلعان تەكسەرۋ پىكىرى بويىنشا تۇزەتۋ ەنگىزگەننەن كەيىن جاريالاپ اتقارادى.
ءبىرىنشى تارماق - قوعام ورنىقتىلىعىن قورعاۋ، ءدىني ۇشقارى يدەيانىڭ ءسىڭىپ كىرۋىنەن ساقتانۋ، ءار ۇلت حالقىنىڭ قالىپتى ءوندىرىس – تۇرمىس تارتىبىنە كەپىلدىك ەتۋ، جۇڭحۋا مادەنيەتى مەن ۇزدىك سالت – ءداستۇردى ساقتاۋ ءۇشىن، قاتىستى زاڭ – ەرەجەلەرگە نەگىزدەلىپ، قالامىزدىڭ ءىس جۇزىندىك جاعدايىمەن بىرلەستىرە وتىرىپ، بۇل بەلگىلەمەنى شىعاردىق.
ەكىنشى تارماق - قالامىزدا الەۋمەتتىك حيدجاب كيۋگە تيىم سالىنادى.
الەۋمەتتىك ورىنداردا ءدىني ۇشقارى يدەيانى ۇگىتتەيتىن باسقا دا كيىم – كەشەكتەردى كيگەندەرگە، زناك، ءدىني بۇيىم، ەستەلىك بۇيىم جانە بەلگى، نىشان تاققاندارعا دا بۇل بەلگىلەمە ۇقساس قولدانىلادى.
ءۇشىنشى تارماق - قالامىزدىڭ اكىمشىلىك اۋماعىندا ازاماتتار مەن زاڭدى تۇلعالار جانە باسقا دا ۇيىمدار بۇل بەلگىلەمەگە بويسىنۋى كەرەك.
ءتورتىنشى تارماق - قالامىزداعى الەۋمەتتىك حيدجاب كيۋگە تيىم سالۋدى باسقارۋ قىزمەتى بارىسىندا ءبىرتۇتاس باسقارۋ، تاربيە بەرىپ جونگە سالۋ، زاڭ بويىنشا جازالاۋ پرينسيپى اتقارىلادى.
بەسىنشى تارماق - بۇل بەلگىلەمەدە ايتىلعان الەۋمەتتىك ورىن مىنالار:
(1) ورگان، ۇيىم، ءىس ورىندارىنىڭ قىزمەت ىستەۋ ورنى؛
(2) كاسىپورىنداردىڭ ءوندىرىس، ءتيجارات ورنى؛
(3) الەۋمەتتىك قاتىناس قۇرالدارى، الەۋمەتتىك قاتىناس بەكەتتەرى؛
(4) مەكتەپ، ەمحانا، بالالار باقشاسى؛
(5) كوشە، جول جانە الەۋمەتتىك ءوڭىردىڭ الەۋمەتتىك اۋماعى، دەمالىس، كوڭىل اشۋ ورىندارى قاتارلىلار؛
(6) حالىق ۇكىمەتى بەلگىلەگەن باسقا ورىندار.
التىنشى تارماق - بۇل بەلگىلەمەنى اتقارۋعا قالا، رايون، اۋدان دارەجەلى حالىق ۇكىمەتتەرى جاۋاپتى بولادى.
قوعام حاۋىپسىزدىگى ورگاندارى قالاداعى الەۋمەتتىك ورىنداردا بەت بۇركەنىشتى كيىمدەردى كيۋگە تيىم سالۋدى باسقارۋ قىزمەتىندە نەگىزگى باسقارۋشى تاراۋ ەسەپتەلەدى.
ۇلت – ءدىن ىستەرى، ساۋدا – ونەركاسىپ، ساپا باقىلاۋ، مادەنيەت، وقۋ – اعارتۋ، ايەلدەر بىرلەستىگى، جۇمىسشىلار ۇيىمى، جاستار وداعى قاتارلى تاراۋلار مەن ءدىني ۇجىمدار وزدەرىنە جۇكتەلگەن قىزمەت جاۋاپكەرشىلىگى بويىنشا باسقارۋ، ۇگىتتەۋ، اتقارۋ قىزمەتىن ويداعىداي ىستەۋى كەرەك.
جەتىنشى تارماق - ءمالى ءىس باسقارماسى (باسقارۋ كوميتەتى) مەن اۋىل – قالاشىق حالىق ۇكىمەتى الەۋمەتتىك ءوڭىر مەن قىستاق كوميتەتىن بىرلىك ەتىپ، الەۋمەتتىك وڭىرلەردە حيدجاب كيۋگە تيىم سالۋ قىزمەتىن ويداعىداي ىستەۋى كەرەك؛ الەۋمەتتىك ءوڭىر تۇرعىندار كوميتەتى مەن قىستاق تۇرعىندار كوميتەتى ۇگىتتەۋ مەن تاربيە بەرىپ يلاندىرۋ قىزمەتىن ويداعىداي ىستەۋى كەرەك.
سەگىزىنشى تارماق - الەۋمەتتىك ورىنداردا تيجارات، باسقارۋ ورىندارى مىناداي قىزمەت جاۋاپكەرشىلىكتەرىن اتقارۋى كەرەك:
(1) باسقارۋ جاۋاپكەرشىلىگى ءتۇزىمىن ورناتۋ جانە كەمەلدەندىرۋ، بەلگىلەمەنى تياناقتاندىرۋعا جاۋاپتى بولاتىن ارناۋلى قىزمەت ورنىن بەلگىلەۋ؛
(2) الەۋمەتتىك وڭىرلەردە ۇگىتتەۋ، تاربيە بەرۋ قىزمەتىن ويداعىداي ىستەپ، بەلگىلەمەگە قايشىلىق جاساعانداردى تاربيە بەرىپ جونگە سالۋ، ولارعا بۇل ارەكەتتەرىن وزدىكتەرىنەن توقتاتۋعا كەڭەس بەرۋ؛ تۇزەتۋدى قابىل الماعانداردى دەر كەزىندە قوعام حاۋىپسىزدىگى ورگاندارىنا مالىمدەۋى كەرەك.
توعىزىنشى تارماق - ازاماتتار، زاڭدى تۇلعالار جانە باسقا ۇيىمدار بۇل بەلگىلەمەگە قايشىلىق جاساعانداردى قوعام حاۋىپسىزدىگى ورگاندارىنا مالىمدەۋى كەرەك.
ونىنشى تارماق - بۇل بەلگىلەمەگە قايشىلىق جاساپ، الەۋمەتتىك ورىنداردا حيدجاب كيگەندەرگە قوعام حاۋىپسىزدىگى ورىندارى زاڭ بويىنشا جازا بەرۋى؛ قىلمىس قالىپتاستىرعانداردىڭ قىلمىستىق ىستەر جاۋاپكەرشىلىگىن زاڭ بويىنشا قۋزاستىرۋى كەرەك.
ون ءبىرىنشى تارماق - الەۋمەتتىك ورىنداردا تيجارات جۇرگىزەتىن، باسقاراتىن ورىندار بۇل بەلگىلەمەگە قايشىلىق جاساسا، قوعام حاۋىپسىزدىگى ورگاندارى ولارعا ەسكەرتۋ بەرۋى، بەلگىلەنگەن ۋاقىت ىشىندە تۇزەتۋگە بۇيىرۋى كەرەك؛ بەلگىلەنگەن ۋاقىت ىشىندە تۇزەتپەگەندەرگە 2000 يۋاننان جوعارى 5000 يۋاننان تومەن اقشالاي ايىپ سالىنادى.
ون ەكىنشى تارماق - الەۋمەتتىك ورىنداردا باسقارۋشى قىزمەتكەرلەر زاڭعا بويسىنۋى، زاڭدى ءادىل اتقارۋى كەرەك، قىزمەتتە كەرەناۋلىق تانىتىپ، سالعىرت بولعانداردى باسقارۋشى تاراۋلار ءبىرجاقتى ەتۋى كەرەك.
ون ءۇشىنشى تارماق - بۇل بەلگىلەمە 2015 – جىلى 1 – اقپاننان باستاپ اتقارىلادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
