- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
شينجياڭ تەمىر جولى تۇڭعىش رەت جوعارى قارقىندى تەمىر جول ساياحات ارناۋلى پويەزىن ورنالاستىردى
2015.03.12 14:18 كەلۋ قاينارى : شينجياڭ حالىق راديو ستانسياسى تورابى
قار ەرىپ، بايتاق دالادا كوكتەم سامالى ەستى، شينجياڭ بويىنشا كوكتەم ەڭ الدىمەن كىرگەن تۇرپاندا ورىك گۇلى جايقالا اشىلدى. وسى اپتانىڭ سوڭىندا ءۇرىمجى قالاسىنىڭ تۇرعىندارى جوعارى قارقىندى پويەزگە وتىرىپ ورىك گۇلىن تاماشالاپ قايتۋعا بولادى، شينجياڭ تەمىر جولى تۇڭعىش رەت جوعارى قارقىندى تەمىر جول ساياحات ارناۋلى پويەزىن ورنالاستىردى.
ءار جىلى كوكتەمدە، تۇرپاندا گۇل ەرتە شەشەك اتادى، ول ارا تۇتاس رايونىمىزداعى، وتە-موتە ۇرىمجىدەگى ساياحاتشىلاردىڭ ساياحاتتاي باراتىن ەڭ باستى تالعامىنا اينالىپ وتىر، تۇرپان ايماقتىق ساياحات مەكەمەسىنىڭ باستىعى چىن شۋگو: «وسى مەزگىلدەگى تۇرپاندا ورىك گۇلى قۇلپىرا اشىلادى. وسى مەزگىلدە جانعا جايلى كوكتەمدەگى كوركەم تابيعاتتى تاماشالايمىز. وسى مەزگىلدە بۇقارا ۇيىنەن شىعىپ، قاربالاس جۇمىسقا كىرىسىپ، ءجۇزىمدى سورەگە شىعارادى، سونداي-اق بۇل مەزگىل از ۇلتتاردىڭ ناۋرىز مەرەكەسىنە تۋرا كەلىپ، ۇلتتىق جولداستار مارە-سارە باس قوسىپ مەرەكەنى قارسى الادى»،-دەدى.
ساياحاتشىلاردىڭ جولداعى ۋاقىتىن ۇنەمدەپ، شينجياڭ بويىنشا كوكتەم ەڭ ەرتە كىرەتىن تۇرپاننىڭ كوركەم كورىنىسىنەن ءلاززاتتانۋ ءۇشىن، ءۇرىمجى تەمىر جول مەكەمەسى 21-ناۋرىزدان 29-ناۋرىزعا دەيىنگى ورىك گۇلى ساياحات مەزگىلىندە ءار كۇنى تۇرپانعا قاتىنايتىن ەكى جۇپ جوعارى قارقىندى ارناۋلى پويەزدى ورنالاستىردى. ءۇرىمجى تەمىر جول مەكەمەسى جولاۋشى تاسىمال باسقارماسىنىڭ باستىعى حۋاڭ شين: «ورىك گۇلىن تاماشالاۋعا ورنالاستىرىلعان ارناۋلى پويەزدىڭ بەلەتى ەرتەڭ تاڭەرتەڭ ساعات 10 نان باستاپ ءار قايسى پويەز ايالدامالارىنىڭ بەلەت ساتۋ تەرەزەلىكتەرىندە ساتىلادى، سونداي-اق عالامتوردا، تەلەفوندا تاپسىرىس بەرۋگە بولادى، بۇل جولى تەرەزەلىكتە ساتىلاتىن بەلەتكە شەك قويۋ كۇشىنەن قالدىرىلادى. بەلەت تۇگەلدەي ناقتى ەسىممەن ساتىلادى. تۇرپاننىڭ سولتۇستىگىنە باراتىن پويەزدەن سىرت، ءبىز پىشانعا باراتىن ارناۋلى پويەز شىعاردىق، بازاردىڭ جاعدايىنا ساي اينالىم كۇشىن بارىنشا ارتتىرامىز»،-دەدى. تۇرپانعا قاتىنايتىن جوعارى قارقىندى پويەزبەن گۇل تاماشالاۋ ساياحاتى ءۇرىمجى قالاسى تۇرعىندارىنىڭ قارسى الۋىنا بولەندى. ءۇرىمجى تەمىر جول حالىقارالىق ساياحات باسقارماسىنىڭ ورىنباسار باس مەڭگەرۋشىسى چا جيامي: «العاشقى مەزگىلدەگى ۇگىتتەۋ ارقىلى، قازىر اپتانىڭ سوڭىنداعى بەلەت تەز ساتىلۋدا. ساياحات باسقارمالارى كوپ بولعاندىقتان، 21-، 22-ناۋرىز كۇندەرىندەگى ارناۋلى پويەزدە بوس ورىن نەگىزىنەن قالمادى، ارناۋلى پويەزعا وتىرسا جەكە اۆتوموبيلگە، اۆتوبوزعا وتىرىپ ۇزاق ساپارعا شىعىپ ارىپ-شارشاۋ جايتى بولمايدى. ءبىزدىڭ دايىندىعىمىز تولىق، ءتۇرلى قيمىلدار دا كوپ»،-دەدى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
