- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
التاي ايماعىنداعى ساياسي كەڭەس جورالارىنا ۇندەۋ حات
2015.03.12 13:29
بيىل اۆتونوميالى رايونىمىز قۇرىلعاندىعىنىڭ 60 جىلدىعى. 60 جىلدان بەرى التاي ايماعىندا ەلەۋلى وزگەرىستەر تۋىلىپ، حالىق شارۋاشىلىعى مەن قوعام دامۋى جاعىندا سۇبەلى تابىستارعا قول جەتكىزىلدى. ايماعىمىزداعى ءار ۇلت حالقى الاڭسىز تىرشىلىك ەتىپ، دامۋدى ويلاۋ، اۋقاتتانۋعا تالپىنۋ، ورنىقتىلىقتى كوكسەۋ، جاراسىمدىلىقتى جەبەۋ باستان ـ اقىر قوعامنىڭ نەگىزگى جەلىسى بولىپ، ۇلتتار ىنتىماعىن كۇشەيتۋ، ۇلتتىق بولشەكتەۋشىلىككە قارسى تۇرۋ، قوعامنىڭ ورنىقتىلىعىن قورعاۋ __ءار ۇلت بۇقاراسىنىڭ ورتاق تىلەگى مەن سانالى قيمىلىنا اينالىپ، جالپى جاعداي جاقسى بولدى. الايدا، ءبىز كوزالداعى «زورلىقتى كۇش لاڭكەستىك قيمىلىنىڭ ورشەلەنگەن، بولشەكتەۋشىلىككە قارسى تۇرۋ كۇرەسىنىڭ شيلەنىسكەن، جونگە سالۋعا بوگەت بولعان جايتتەردىڭ ءالسىن-ءالى تۋىلۋىنداي» ەرەكشە ساتتە، ايماعىمىزدىڭ ورنىقتىلىقتى قورعاۋ جاعدايىنىڭ ەرەكشە قيان ـ كەسكى، بولشەكتەۋشىلىككە، ءسىڭىپ كىرۋگە قارسى تۇرۋ مىندەتىنىڭ ءالى دە جاپالى ەكەندىگىن، سەلقوستىققا سالىنۋعا مۇلدە بولمايتىندىعىن سەرگەكتىكپەن تانۋىمىز كەرەك.
وتانشىلدىق بىرلىكساپتىڭ ەڭ كولەمدى ۇيىمى بولعان حالىقتىق ساياسي كەڭەس __ ۇلتتار ىنتىماعىن ىلگەرىلەتىپ، قوعام ورنىقتىلىعىن قورعاۋدا ماڭىزدى بورىش جانە ساياسي جاۋاپكەرلىك ارقالايدى. ايماقتىق پارتكوم: التاي ايماعى اۆتونوميالى رايون بەلگىلەگەن «ۇشتەن باتىل ساقتانۋ» نىساناسىن تياناقتاندىرۋ نەگىزىندە،زورلىقتى كۇش لاڭكەستىك ۋاقيعاسىنىڭ تۋىلۋىنان باتىل ساقتانۋ، ءدىني ۇشقارى يدەيانىڭ ءسىڭىپ كىرۋىنەن باتىل ساقتانۋ، زور كولەمدى توپتىق ۋاقيعا تۋىلۋىنان باتىل ساقتانۋدى ىسكە اسىرۋى، سونىمەن بىرگە، اماندىق قۇرىلىسى، ۇلتتاردىڭ ىنتىماعى، ءدىن جاراسىمدىلىعى، وسىزامانعى وزىق مادەنيەت ارقىلى ورنىقتىلىقتى قورعاۋ قاتارلى 4 جاقتان بۇكىل شينجياڭنىڭ الدىڭعى لەگىنە ءوتۋدى ورتاعا قويدى. بۇل ايماقتىق پارتكومنىڭ ايماعىمىزداعى ءار دارەجەلى پارتيا ـ ۇكىمەت ورىندارىنا جانە ءار ۇلت كادرلارى مەن حالىق بۇقاراسىنا قويعان قاتاڭ تالابى جانە قىزمەت نىساناسى ءارى ايماعىمىزداعى ءار دارەجەلى ساياسي كەڭەس ۇيىمدارى مەن ساياسي كەڭەس جورالارىنا نۇسقاعان قىزمەت باعىتى بولىپ تابىلادى. وسى ورايدا ءبىز ايماعىمىزداعى ءار دارەجەلى ساياسي كەڭەس ۇيىمدارى مەن ساياسي كەڭەس جورالارىنا تومەندەگىدەي ۇندەۋ حات جاريالايمىز:
1. ايماقتىق پارتكومنىڭ زورلىقتى كۇش لاڭكەستىك قيمىلىنا قاتاڭ سوققى بەرىپ، قوعام ورنىقتىلىعىن قورعاۋ جونىندەگى ءتۇرلى شەشىمدەرى مەن ورنالاستىرۋلارىن باتىل دايەكتىلەندىرۋ كەرەك. ورتالىقتىڭ تالابى __ ءبىزدىڭ مىندەتىمىز، اۆتونوميالى رايوندىق پارتكوم مەن ايماقتىق پارتكومنىڭ ورنالاستىرۋى __ ءبىزدىڭ قيمىل ارەكەتىمىز دەگەنگە تاباندى بولىپ، ساياسي مايداندا بەرىك تۇرىپ، اشىق كوزقاراس ءبىلدىرىپ، وسەك ـ اياڭعا ىرىقتى تويتارىس جاساپ، بۇقارالىق قىزمەتتى جاقسى ىستەۋىمىز كەرەك. ورنىقتىلىققا ىقپال جەتكىزەتىن نىسايلارعا قاداعالاي نازار اۋدارىپ، ماسەلەنىڭ ءجىپ ۇشتارىن دەركەزىندە بايقاپ، جاڭا احۋالدار مەن جاڭا ماسەلەلەردى ىرىقتى تۇردە زەرتتەپ، قوعامدىق احۋال مەن حالىق تىلەگىن جاپپاي جەتكىزۋىمىز ءارى ۇيلەسىمدى ءادىس ـ شارالار مەن ۇسىنىستاردى ورتاعا قويىپ، پارتكوم مەن ۇكىمەتكە تىعىز سايكەسىپ، ورنىقتىلىقتى قورعاۋ قىزمەتىن ويداعىداي ىستەۋىمىز كەرەك.
2. ساياسي كەڭەس جورالارىنىڭ بايلانىسى كەڭ، ۋاكىلدىك سيپاتى كۇشتى بولۋداي ابزالدىلىعىن تولىق ساۋلەلەندىرىپ، ۇگىتتەۋ جانە جەتەكتەۋ قىزمەتىن ويداعىداي ىستەۋ كەرەك. نەگىزگى ساتىعا ٴتۇسىپ، بۇقاراعا ىشكەرىلەي ارالاسىپ، بۇقارانىڭ مۇڭ ـ مۇقتاجىن تىڭداپ، تالاپ ـ تىلەگىن دەركەزىندە اڭىس ەتىپ، ولاردى كۇدىك ـ كۇماننان ارىلتۋ، بۇقارانىڭ كوڭىلىن ورنىقتىرۋ قىزمەتىن جاقسى ىستەۋ؛ ورتالىقتىڭ شينجياڭ قىزمەتى جونىندەگى ساياساتتارى مەن ورتالىقتىڭ شينجياڭداعى ءار ۇلت حالقىنا دەگەن ەرەكشە قامقورلىعىن، اۆتونوميالى رايوندىق پارتكوم مەن ايماقتىق پارتكومنىڭ حالىققا تيىمدىلىك جاساۋ ساياساتتارىن، ورتالىقتىڭ شينجياڭ قىزمەتى ماجىلىسىنەن بەرگى ءوز ورتامىزدا تۋىلعان زور وزگەرىستەردى كەڭ كولەمدە ۇگىتتەپ، ءار ۇلت بۇقاراسىن كوزالداعى جاقسى جاعدايدى قادىرلەۋگە، مەملەكەتتىك، ازاماتتىق، زاڭدىق تانىم تىكتەۋگە، «ءتورت مۇراتتاستىق» كوزقاراسىن كۇشەيتۋگە جەتەكتەپ، ايماعىمىزدىڭ قوعام ورنىقتىلىعى مەن باياندى تىنىشتىعىن بىرلىكتە قورعاۋدىڭ مىزعىماس يدەيالىق نەگىزىن قالاۋىمىز كەرەك.
3. بۇكىل مەملەكەتتىك ۇلتتار ىنتىماعى العا باسارلىعىنداعى ۇلگىلى ايماق قۇرۋ قىزمەتىنە بەلسەنە ات سالىسۋ كەرەك. مۇندا، ونەگەلى ـ ۇلگىلى رولدى ساۋلەلەندىرىپ، ءوز باسىمىزدان ۇساق ىستەردى تىندىرۋدان باستاما كورسەتىپ، «قوس ءتىلدى» باستاماشىلدىقپەن ۇيرەنىپ، ايماعىمىزدىڭ ۇلتتار ىنتىماعى العا باسارلىعى جاعىنداعى ءتۇرلى قيمىلدارىنا ىرىقتى تۇردە ات سالىسىپ، ۇلتتار ىنتىماعى العا باسارلىعىنداعى ۇلگىلى جەكە بولۋعا تالاپتانىپ، مەملەكەت بويىنشا ۇلتتار ىنتىماعى العا باسارلىعىنداعى وزات ايماق قۇرۋ قيمىلىنا ەسەلى ۇلەس قوسۋىمىز كەرەك.
4. پارتيانىڭ ۇلت ـ ءدىن ساياساتىن دۇرىس اتقارىپ، ءدىننىڭ جاراسىمدىلىعىن ىلگەرىلەتۋ جاعىندا بەلسەندى رول ويناۋ كەرەك. ءدىني قايراتكەرلەرمەن ىرىقتىلىقپەن دوستاسىپ، سۇيىسپەنشىلىك ورناتۋ؛ دىنگە سەنەتىن بۇقارامەن ىرىقتىلىقپەن بارىس ـ كەلىس جاساپ، اۋقىمدى يگەرۋ كەرەك. وسىزامانعى مادەنيەتتى جەتەكشى ەتىپ، ۇگىت ـ تاربيەنى كۇشەيتىپ، «بەس كىلتتەن» ويداعىداي پايدالانىپ، دىنگە سەنەتىن بۇقارانى رۋحاني جانە قىزىعۋ ىنتاسى جاقتان وسىزماندانۋعا بەيىمدەلۋگە بەلسەنە جەتەلەپ، دىندىك كوزقاراستىڭ كۇشەيۋى مەن ءدىني ۇشقارى يدەيانىڭ ءسىڭىپ كىرۋىنەن قاتاڭ ساقتانىپ، دۇرىس سەنىم، دۇرىس كوزقاراس، دۇرىس قيمىل ـ ارەكەت ارقىلى ءدىني ۇشقارى يدەيانىڭ تارالۋ جولىن توسىپ، ءدىننىڭ سوتسياليستىك قوعامعا سايكەسۋىنە جەتەكتەپ، ايماعىمىزداعى ءدىن سالاسىنىڭ جاراسىمدى ورنىقتىلىعىن ىلگەرىلەتۋىمىز كەرەك.
5. سوتسياليستىك كەڭەستىك دەموكراتيا قۇرىلىسىنداعى اقىل ـ كەڭەس بەرۋدى كۇشەيتۋ كەرەك. حالىقتىق ساياسي ءماسىليحات كەڭەسىنىڭ كەڭەستىك دەموكراتيانىڭ ماڭىزدى ارناسى جانە ارناۋلى كەڭەستىك قۇرىلىم بولۋ رولىن تولىق ساۋلەلەندىرىپ، ىنتىماق جانە دەموكراتيا سىندى ەكى ۇلكەن تاقىرىپقا تاباندى بولىپ، ساياسي جاقتان كەڭەسۋ، دەموكراتيالىق جاقتان باقىلاۋ، ۇكىمەت ىسىنە ارالاسىپ كەڭەس بەرۋدەي 3 ۇلكەن فۋنكتسيانى مۇقيات ادا ەتىپ، ساياسي مەڭگەرۋ قۋاتىمىزدى، تەكسەرىپ ـ زەرتتەۋ قۋاتىمىزدى، بۇقارامەن بايلانىس جاساۋ سەلبەسۋ قۋاتىمىزدى ۇزدىكسىز جوعارىلاتىپ، ايماعىمىزدىڭ ساياسي، ەكونوميكا، مادەنيەت جانە قوعامدىق تۇرمىسىنداعى ماڭىزدى ماسەلەلەر توڭىرەگىندە كەڭ كولەمدى، ىشكەرىلەي كەڭەس جۇرگىزىپ، قۇندى اقىل، تارتىمدى شارا كورسەتىپ، بايلانىستى سايكەستىرۋ، جۇرت تىلەگىن توعىستىرۋ، جالپى جاعدايعا قىزمەت وتەۋ جاعىنا باسا كۇش شىعارىپ، ىرىقتىلىقپەن پارتيا مەن ۇكىمەتتىڭ اۋىرتپالىعىن ورتاق كوتەرىپ، حالىق بۇقاراسىنىڭ قيىنشىلىعىن شەشىپ، رەفورما، دامۋ، ورنىقتىلىق ىسىنە وڭ ەنەرگيال ۇيىستىرۋىمىز كەرەك.
التاي ايماعىنىڭ قوعام ورنىقتىلىعى مەن باياندى تىنىشتىعىن قورعاۋدىڭ مىندەتى جاپالى، جاۋاپكەرلىگى كۇشتى، بورىشى داڭقتى. ءبىز ورتاق اتتانىسقا كەلىپ، ايماقتىق پارتكومنىڭ دۇرىس باسشىلىعىندا، ءار ۇلت حالقىمەن ىنتىماقتاسا ءبىر نيەت، ءبىر تىلەكتە بولىپ، ورتاق كۇرەس جۇرگىزىپ، ءوز قىزمەت ورنىمىزداعى باستاماشىلدىق رولىمىزدى، ءوز سالامىزداعى بۇقارا ورتاسىنداعى ۋاكىلدىك رولىمىزدى شىنايى تولىق ساۋلەلەندىرىپ، ەل ءۇمىتىن اقتاپ، بورىشىمىزدى ادا ەتىپ، كورىكتى دە جاراسىمدى، باياشات التاي قۇرۋعا بارلىق اقىل ـ پاراساتىمىز بەن كۇش ـ قۋاتىمىزدى ارناپ، اۆتونوميالى رايون قۇرىلعاندىعىنىڭ 60 جىلدىعىنا تاڭداۋلى تابىسىمىزبەن ساۋعا ۇسىنايىق!
ساياسي كەڭەس التاي ايماقتىق قىزمەت كوميتەتى
2015 ـ جىل 10 ـ ناۋرىز
كەلۋ قاينارى: التاي اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
