- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ەڭسە كوتەرگەن جاڭا قالالار
2015.09.01 14:10 كەلۋ قاينارى : شينجياڭ حالىق راديو ستانسياسى تورابى
20-تامىز كۇنى، 24-كەزەكتى جۇڭگو جىبەك جولى تۇرپان ءجۇزىم مەرەكەسى وتكىزىلمەك، جەرگىلىكتى ورىن وسى نەشە جىل وتكىزىلگەن قۇتتىقتاۋ قيمىلىنا ەرەكشە ءمان بەردى، تۇرپان قالاسىنىڭ ورىنباسار باستىعى ءومارجان مامەت بىلاي دەدى: تۇرپان بيىل پارتيا ورتالىق كوميتەتى مەن مەملەكەتتىك كەڭەستىڭ شىنايى قامقورلىعىندا، ايماق ورنى كۇشىنەن قالدىرىلىپ، قالا بولدى، جاڭادان قۇرىلعان تۇرپان قالالىق پارتكوم، قالالىق ۇكىمەت شىت-جاڭا بەينە، شىت-جاڭا جاعدايمەن 24-كەزەكتى جۇڭگو جىبەك جولى ءجۇزىم مەرەكەسىن ويداىعداي وتكىزبەك.
600 مىڭ حالىق سانى بار تۇرپان ءۇرىمجى قالاسى، قارامايلى قالاسىنان كەيىن شينجياڭدا قۇرىلعان 3-ايماق دارەجەلى قالا، بۇل بيىل ساۋىردە ەلىمىزدەگى كوپتەگەن اقپارات قۇرالى حابارلاعان كەلەلى ءىس، ءارى اۆتونوميالى رايوندىق پارتكوم مەن اۆتونوميالى رايوندىق ۇكىمەتتىڭ ءبىر تۇتاس جوسپارلاپ جوبالاۋىنىڭ، جاڭاشا قالا-قالاشىق قۇرىلىسى جوباسىن الدىمەن اتقارۋىنىڭ تۋىندىسى بولدى. 2011-جىلدان باستاپ، اۆتونوميالى رايوندىق ءۇي قۇرىلىسى مەڭگەرمەسى شينجياڭنىڭ قالا-قالاشىق جۇيەسى جوباسىن وزگەرتىپ جاساۋ قىزمەتىن جاپپاي باستاپ، عىلمي جوبالاۋدى جەتەكشىلىك ەتىپ، ءەكى ءءىرى ءشول ءبولىپ تۇراتىن جەردە، ءۇرىمجى قالاسى شەڭبەرى، قارامايلى-كۇيتۇن-شيحۋ قالاسى شەڭبەرى، قۇلجا-قورعاس قالاسى شەڭبەرى، كورلا-لوپنۇر قالا شەڭبەرى، اقسۋ-ونسۋ قالا شەڭبەرى جانە قاشقار-قاشقار كونەشارى-قاشقار جاڭاشارى، حوتان-قاراقاش-لوپ سياقتى قالا-قالاشىق شوعىرى بىرتىندەپ قالىپتاستى.
جاڭاشا قالا-قالاشىقتاندىرۋ قۇرىلىسىندا، جەر-جەر دە «قالالار ءبىر-بىرىنە ۇقسايتىن، ۇيلەردە وزگەشەلىك بولماۋ»، قالادا ەرەكشەلىك كەمشىل بولۋ جاعدايىن قۇلشىنا وزگەرتتى. قاشقار كونە قالا رايونىنداعى ەسكى، حاۋىپتى ۇيلەردى وزگەرتىپ سالۋدا «كونە ۇيلەردى سول قالپىن ساقتاپ جوندەپ»، قاشقار كونە قالا رايونىنداعى ۇيعۇر تۇرعىنداردىڭ ەرەكشەلىگن ساقتاپ قالدى؛ قۇلجا قالاسى «ءبىر كوشەدە، ءبىر ەرەكشەلىك بولۋ» سىندى عيمارات سىرتى ينجەنەرياسىن جۇرگىزىپ، 8 نەگىزگى جولدىڭ ءۇي قۇرىلىستارىن جاقسارتىپ، قۇلجا قالاسىنىڭ ساۋلەتىن اسىردى.
قالانىڭ ەرەكشەلىگى قاتىناس، تۇرمىس، تاماشا وقۋ-اعارتۋ، ەمدەۋ جانە باي كوڭىل اشۋ ورتاسى جاعىندا كورنەكتىلەنەدى. جەر-جەر جاڭاشا قالا-قالاشىقتاندىرۋ قۇرىلىسىندا تۇرعىندارعا قولايلى تۇرمىس شارت-جاعدايىن جاراتۋعا بارعان سايىن نازار اۋداردى. بيىل، اقسۋ قالاسى 500 ميلليون يۋاننان ارتىق قوعامدىق قارجىنى 13 اۋىل شارۋاشىلىق ساۋدا بازارىن وزگەرتۋگە جۇمساپ، بۇقارانىڭ الاڭسىز كوكونىس ساتىپ الۋىنا قولايلىلىق جاراتتى.
قۇلجا، كورلا، اقسۋ سياقتى سەنترلى قالالاردان سىرت، تيانشاننىڭ تۇستىگى مەن تەرىستىگىنە ورنالاسقان شاعىن قالا-قالاشىقتار دا بۇقارانىڭ باقىتتى سەزىنۋ كورسەتكىشىن جوعارىلاتتى. تاكلاماكان ءشولىنىڭ سولتۇستىك جيەگىنە ورنالاسقان 14-تۋان بۇگىنگى كۇنى جولدىڭ، الەۋمەتتىك اۋماقتىڭ ەكى جاعى جاسىل القاپپەن كومكەرىلگەن، گۇلدەر جايقالا اشىلعان جەرگە اينالدى، زەينەتكەر سۇن شۋەفىن مۋزيكا اسپابىنان بىرنەشەۋىن ساتىپ الدى، ول بىلاي دەدى: قازىر قابات ۇيدە وتىرۋ تاڭسىق بولماي قالدى، سىڭلىمدى ۇيگە ۇنەمى شاقىرىپ الىپ، بىرگە ءان ايتامىز، قيمىل وتكىزۋ ورنىنا بارامىز، كەشتە تاعى كەڭسە عيماراتىنىڭ الدىندا ءبي بيلەيمىز، بۇل جەردىڭ تۇرمىسى قالادان كەم ەمەس.
ساندى مالمەت: قازىر اۆتونوميالى رايونىمىزعا قاراستى ايماق دارەجەلى 3 قالا، اۋدان دارەجەلى 24 قالا بار. بيڭتۋاندا 8 قالا، 6 قالاشىق قۇرىلدى. 2014-جىلى رايونىمىزدىڭ قالا-قالاشىقتانۋ مولشەرى %46.07 كە جەتىپ، 2009-جىلداعىدان 5.18 پايز ارتتى. وتكەن جىلى ماۋسىمنان بەرى، اۆتونوميالى رايون توپقا ءبولىپ، رايونىمىزداعى 36 ءبىتىراندى اۋىلدى قالاشىق ەتىپ قۇرۋدى بەكىتتى، بۇل وڭتۇستىك-سولتۇستىك شينجياڭداعى ءارقايسى ايماق، وبلىستى شارپيدى.
ءتىلشى ەستەلىگى: ءتىلشى سوڭعى بىرنەشە جىلدا وڭتۇستىك جانە سولتۇستىك شينجياڭداعى كوپتەگەن قالاعا تىلشىلىك ىستەگەندە، جەرگىلىكتى ورىنداعىلاردىڭ ماقتانىشپەن، وزەن جاعالاۋىنداعى كورىنىس رايونىنا ەرتىپ بارايىن، سول ارانى تاماشالاڭىز دەگەنىن، مۇنداي قالانىڭ ءارى كورىنىس رايونى، ءارى حالىقتىڭ تۇرمىس ورتاسى ەكەنىن، شينجياڭ قالالارىنىڭ كوركەم كورىنسى، كوپتەگەن شينجياڭدىقتاردىڭ ماقتانىشىنا اينالعانىن ايتتى.
جاڭاشا قالا-قالاشىقتانۋدا، شينجياڭدىقتار ونىڭ سانى مەن ساپاسىنداعى وزگەرىستى شىنايى سەزىندى. قالا-قالاشىقتانۋ بارعان سايىن كەڭەيدى، بارىنشا كورىكتەندى، قاتىناس ىستەرى دامىپ، تۇرمىسقا ءتىپتى دە قولايلى بولدى.قالالار دامۋدا، ادامداردىڭ قالاعا بولعان تالابى دا بارعان سايىن جوعارىلاۋدا، كوپشىلىكتىڭ ۇزدىكسىز قۇلشىنۋىندا، بۇرىنعىدان دا كوپ باۋ-باقشالى، ورماندى، قونىستانۋعا ۇيلەسەتىن، اقىل-پاراسات قالاسىن قۇرۋمەن بىرگە، بۇرىنعىدان دا كوپ وركەنيەتى، كوركەم قىستاق قالاشىعىن قۇراتىنىمىزعا، شينجياڭدىقتاردىڭ تۇرمىس ورتاسىنىڭ بارىنشا جاقسارىپ، باقىتى تۇرمىس كەشىرەتىنىنە سەنىمىمىز كامىل.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
