- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ءار ۇلت جۇرتشىلىعى 13-كەزەكتى قىسقى سپورت جارىسىنىڭ اشىلۋ سالتىن كوردى
2016.01.22 16:27 كەلۋ قاينارى : شينجياڭ حالىق راديو ستانسياسى تورابى
20-قاڭتار تۇستەن كەيىن ساعات 6 دا، مەملەكەتتىك 13-كەزەكتى قىسقى سپورت جارىسى شينجياڭ مۇز ءۇستى سپورت ورتالىعىندا باستالدى، ءۇشتۇرپان اۋدانىنداعى ءار ۇلت بۇقاراسى سالتاناتتى دەنە-تاربيە جينالىسىن تەلەۆيزوردان كوردى. جارقىلداعان ءتۇرلى ءتۇستى شامدار، تارتىمدى مۇز ءۇستى ءبيى اشىلۋ سالتىنىڭ سالتاناتىن اسىردى، تەلەۆيزور الدىندا قورالانا وتىرعان جۇرت بەينە قيمىل وتكىزىلگەن جەرگە بارىپ، شينجياڭ توپىراعىندا وتكىزىلگەن وسى رەتكى مەملەكەتتىك سالتاناتتى دەنە-تاربيە قيمىلىنا قاتىناسىپ وتىرعانداي بولدى. 16 جاستاعى ورتا مەكتەپ 1-جىلدىعىنىڭ وقۋشىسى ابلەميت تۇرعۇن تىلشىگە بىلاي دەدى: اپەكەم شينجياڭ قازىنا-ۆەنيۋەرسيتەتىندە وقيدى، اپەكەم قوس تىلدە جاقسى سويلەيتىندىكتەن وسى رەت تالەيى جانىپ قىسقى سپورت جارىسىنىڭ ەرىكتىسى بولدى، بۇگىن اشىلۋ سالتىن كورىپ قاتتى تەبىرەندىم، اشىلۋ سالتىندا بارلىق شينجياڭدىقتاردىڭ قان-تەرى مەن كۇش-قۋاتى مەنمۇندالادى. اپەكەم سياقتى قىسقى سپورت جارىسىنا ازدا بولسا ۇلەس قوسا الماسام دا ولارعا تىلەكتەسپىن، اسىرەسە قىسقى سپورت جارىسىنىڭ تابىستى ءوتۋىن شىن جۇرەكتەن تىلەيمىن.
وسى جولعى جارىستا، شىحىزى قالاسىنان 10 سپورتشى قىسقى سپورت جارىسىنىڭ سىڭار تاقتايشامەن U فورمالى جارىس الاڭىندا جارىسقا ءتۇسۋ، كۋرليڭ جارىسى، تەز سىرعاناۋ سياقتى 3 ءتۇر بويىنشا جارىسقا تۇسەدى. شىحىزى قالاسىنىڭ تۇرعىنى جيە پىڭفەي دوستارىمەن بىرلىكتە ۇرىمجىگە كەلىپ جارىستى كورۋگە ۋادەلەسىپ قويىپتى. ول تىلشىگە: ۇرىمجىدەگى اشىلۋ سالتىنىڭ ءوتۋى ءبىزدىڭ دەنە-تاربيە قيمىلدارىمىزدىڭ مەرەيىن اسىراتىندىعى داۋسىز، 13-كەزەكتى مەملەكەتتىك قىسقى سپورت جارىسى ارقىلى اناعۇرلىم كوپ ادامنىڭ دەنە-تاربيەنى قىزۋ سۇيۋىنە، دەنە شىنىقتىرۋىنا مۇمكىندىك جاساۋىن، جۇرتتىڭ قىزمەت پەن ۇيرەنۋگە اناعۇرلىم اسقاق رۋحپەن اتسالىسۋىن ءۇمىت ەتەمىن،-دەدى.
پارحاتجان ابدوللا حوشۇت اۋداندىق پارتيا مەكتەبىنىڭ وقىتۋشىسى، ول كىشكەنتايىنان دەنە-تاربيەنى ۇناتاتىن. ول قىسقى سپورت جارىسىندا دەنە-تاربيە سپورتشىلارىنىڭ تاماشا ناتيجەگە قول جەتكىزۋىن ءۇمىت ەتىپ: قىسقى سپورت جارىسى تۇڭعىش رەت كورىكتى شينجياڭدا وتكىزىلىپ وتىر، مۇنى ايىرىقشا ماقتانىش سەزىنەمىن، ءارى قاتتى قۋانامىن، جارىسقا قاتىناسقان سپورتشىلار تەك عانا العا تارتىڭىزدار،-دەدى.
كورلا قالاسىنىڭ تۇرعىنى جۋ جياڭ: شىنايى قۋانىش پەن ماقتانىشتى سەزىندىم، ەلىمىزدىڭ جەر-جەرىندەگى سپورتشىلار شينجياڭعا كەلگەندىكتەن، وسى جولعى جارىس ارقىلى شىنايى دا كوركەم شينجياڭدى جەتە تۇسىنەتىن بولدى،-دەدى.قىسقى سپورت جارىسىنىڭ قاسيەتتى الاۋى شينجياڭدا تۇتاندىرىلدى، كۇنەس اۋدانىنىڭ اقپارات قىزمەتكەرى سۇن فۋحۋا تەبىرەنىستى كوڭىل-كۇيمەن: 13-كەزەكتى قىسقى سپورت جارىسىنا ىزگى تىلەگىمدى بىلدىرەمىن، دەنە-تاربيە ساڭلاقتارىنىڭ ەرەن ناتيجەلەرگە قول جەتكىزۋىن، وتانىمىزدىڭ جەر-جەرىندەگى حالىققا شينجياڭنىڭ كەلبەتىن، شينجياڭنىڭ كوركەيىپ-گۇلدەنگەن، ورنىقتى، جاراسىمدى دا دامىعان بەت-بەينەسىن ايگىلەۋىن ءۇمىت ەتەمىن،-دەدى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
