- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
قىسقى ساياحات ــــ قار-مۇز سپورتى دەڭگەيىن جوعارىلاتتى
2016.01.22 16:28 كەلۋ قاينارى : شينجياڭ حالىق راديو ستانسياسى تورابى
مەملەكەتتىك 13-كەزەكتى قىسقى سپورت جارىسىنىڭ كەلۋىنە بايلانىستى، رايونىمىزدىڭ جەر-جەرى قار-مۇز ساياحاتىنىڭ قىزۋ ورلەۋىن كوتەردى، جۇرت تاۋعا شىعىپ شاڭعى تەۋىپ، مۇزدا سىرعانادى، قاناسقا بارىپ قار-مۇز كورىنىسىن كەسكىنگە ءتۇسىردى، بۋرىلتوعايعا بارىپ قىسقى بالىق اۋلاۋ مەرەكەسىنە قاتىناستى، اسىرەسە مەرەكە-مەيرامدا جەر-جەردىڭ قار-مۇز الاڭىنداعى اۆتوموبيل توقتاتۋ ورىندارى اۆتوموبيلگە لىق تولدى، قاردا ويناۋ جابدىقتارى زالىندا جۇرت ۇزىننان-ۇزاققا قاتارعا تۇردى. 9 جاستاعى حۋ شينزى 4 جاسىنان باستاپ اكەسىمەن بىرلىكتە شاڭعى تەبۋدى ۇيرەنگەن، قازىر، قار شاڭعى شەبەرىنە اينالدى، ول تىلشىگە: قار شاڭعى ادامعا كوڭىلدىلىك باعىشتايدى، مەن ەرەكشە ۇناتامىن، اتا-انامنىڭ سەرىك بولۋىندا دەنە-تاربيە قيمىلدارىنا ۇنەمى قاتىناسامىن،-دەدى.
رايونىمىز مەملەكەتتىك 13-كەزەكتى قىسقى سپورت جارىسىن وتكىزۋ تولىمدىلىعىن ءساتتى الدى، قىسقى قار-مۇز ساياحاتى جەدەل دامىدى، جىبەك جولى، گەنارال تاۋى، بوعدا كولى سياقتى قار-مۇز الاڭدارى كەڭىتىلىپ سالىنىپ، دارەجەسى جوعارىلاتىلدى؛ ءارقايسى ايماق، وبلىس، قالالارداعى قار-مۇز الاڭدارى دا جوقتان بار بولدى، قۇرىلعىلارى كۇن سايىن كەمەلدەندى. سونىمەن بىرگە، قىسقى ساياحاتتىڭ دامۋىن جەبەۋ ءۇشىن، رايونىمىزدىڭ ساياحات تاراۋلارى جىل سايىن ىشكى ولكەدەگى تەڭىز جاعالاۋلارىنا، چاڭجياڭ اتراۋىنا، جۋجياڭ اتراۋىنا، سونداي-اق شياڭگاڭ، اۋمىن، تايۋان سياقتى رايوندارعا بارىپ قار-مۇز ساياحاتىن تانىستىردى، جەر-جەر قىسقى قار-مۇز ساياحاتىن قۇتتىقتاۋ ءبىر قىدىرۋ قيمىلدارىن وتكىزدى. رايونىمىز تاعى «شينجياڭدى ءسۇيۋ، مەكەنگە ساياحات» سىندى قيمىلداردى ءۇرتىس 3 جىل وتكىزدى، بيىل قىستا، اۆتونوميالى رايوندىق ساياحات مەكەمەسى 20 ميلليون يۋان ارناۋلى قارجى شىعارىپ قىسقى ساياحات تاقىربىنداعى قيمىلدارعا قوسىمشا قاراجات رەتىندە بەردى. ءۇرىمجى قالاسى قار-مۇز ساياحاتى كارتىشكاسىنان 50 مىڭ كارتىشكانى قالا تۇرعىندارىنا تەگىن ۇسىندى. بۇل شارالار اناعۇرلىم كوپ شينجياڭدىقتىڭ وتباسىنان ۇزاپ شىعىپ قىسقى قىزىقتى ساياحات قيمىلدارىن تاماشالاۋىنا، ەلىمىز ءىشى-سىرتىنداعى كوپتەگەن ساياحاتشىلاردى شينجياڭعا كەلىپ وزگەشە قىستى سەزىنۋىنە مۇمكىندىك جاسادى. جىبەك جولى حالىقارالىق قار شاڭعى الاڭىنىڭ ورىنباسار باس مەڭگەرۋشىسى حۋاڭ حى: بۇرىنعىدان دا كوپ ادامنىڭ قار-مۇز سپورتى مەن قار-مۇز ساياحاتىنا اتسالىسقاندىعىن ايقىن كورە الامىز، مەملەكەتتىك قىسقى سپورت جارىسىنىڭ اشىلۋىنا ساي، اناعۇرلىم كوپ ساياحاتشىنىڭ شينجياڭعا كەلىپ مول قار-مۇز بايلىعىن تاماشالاۋىن ءۇمىت ەتەمىز،-دەدى.قىسقى ساياحاتتىڭ قارىشتاپ دامۋىنا بايلانىستى، قار شاڭعى، مۇزدا سىرعاناۋ سپورتىنا قاتىناساتىندار دا ۇزدىكسىز مولايىپ، دەڭگەيى ۇزبەي جوعارىلادى، كوپتەگەن جاستار مەن ورەندەر سارالاۋ ناتيجەسىندە 13-كەزەكتى سپورت جارىسىنا قاتىناستى. اۆتونوميالى رايوندىق ساياحات مەكەمەسى پارتگرۋپپاسىنىڭ شۋجيى لي جيدۇڭ بىلاي دەدى: 2006-جىلدان بۇرىن شينجياڭنىڭ قىسقى ساياحاتشىلار سانى جىلىنا ءبىر ميلليون ادامعا جەتپەيتىن، 2014-جىلى قىستا شينجياڭنىڭ قىسقى ساياحاتىنا قاتىناسقاندار سانى 20 ميلليون ادام رەتتەن اسىپ، ارتۋ مولشەرى 20 ەسەنىڭ ۇستىندە بولدى، قار-مۇز ساياحاتىنىڭ جەبەۋىندە رايونىمىزدىڭ قىسقى ساياحاتىن دامىتۋ ءورىسى ۇزبەي كەڭەيىپ، قىسقى ساياحاتتى ساياحات كاسىبىن باسقا سالاعا ويىستىرىپ دامىتۋدى جەبەۋدىڭ تىڭ ءتۇيىنى ەتتى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
