- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
مەملەكەتتىك كەڭەس كەڭسەسى «نوپوسسىزداردىڭ نوپوسقا تىركەلۋ ماسەلەسىن شەشۋ جونىندەگى پىكىردى» باسىپ تاراتتى
ءاربىر ازاماتتىڭ نوپوسقا زاڭ بويىنشا تىركەلۋىنە شىنايى كەپىلدىك ەتەيىك
2016.01.22 16:39 كەلۋ قاينارى : ءتاڭىرتاۋ تورابى
شينحۋا اگەنتتىگىنىڭ بەيجيڭنەن بەرگەن حابارى. مەملەكەتتىك كەڭەس كەڭسەسى تاياۋدا «نوپوسسىزداردىڭ نوپوسقا تىركەلۋ ماسەلەسىن شەشۋ جونىندەگى پىكىردى» (تومەندە قىسقاشا «پىكىر» دەلىنەدى) باسىپ تاراتتى، پىكىردە نوپوسسىزداردىڭ نوپوسقا تىركەلۋ ماسەلەسىن شەشۋدىڭ جەتەكشى يدەياسى، نەگىزگى پرينسيبى، مىندەتتەرى مەن نىسانالارى جانە ناقتى ساياساتتىق شارالارى العا قويىلدى.
«پىكىردە» مىنالار اتاپ كورسەتىلدى: نوپوسقا زاڭ بويىنشا تىركەلۋ ازاماتتارعا زاڭدا بەرىلگەن نەگىزگى ۇقىق. ماسەلەنى نىشان ەتۋدەن، رەفورمانى قوزعاۋشى كۇش ەتۋدەن جازباي، نوپوسسىزداردىڭ نوپوسقا تىركەلۋ ماسەلەسىن كۇش سالا شەشىپ، حالىق سانىنا قىزمەت وتەۋ، حالىق سانىن باسقارۋ قىزمەتىندە جاڭالىق اشۋعا جانە جاڭاشا ۇلگىدەگى نوپوس ءتۇزىمىن ورناتۋعا بەرىك نەگىز قالاپ، حالىق تۇرمىسىنا اناعۇرلىم جاقسى قىزمەت وتەپ جانە كەپىلدىك ەتىپ، قوعامدىق ادىلدىكتى، تۋراشىلدىقتى جەبەپ، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋ قۇرىلىسىن ىلگەرىلەتۋ كەرەك.
«پىكىردە» مىنالار تالاپ ەتىلدى: جۇمىستى زاڭ بويىنشا بىتىرۋگە تاباندى بولىپ، ءاربىر ازاماتتىڭ نوپوسقا زاڭ بويىنشا تىركەلۋدەگى زاڭدىق ۇقىق - مۇددەسىن شىنايى قورعاۋ؛ جاعدايدى پارىقتاۋعا تاباندى بولىپ، نوپوسسىزداردى نوپوسقا تىركەۋ ساياساتىن تۇرلەر بويىنشا اتقارۋ؛ جان - جاقتى سايكەستىرۋگە تاباندى بولىپ، نوپوسى جوقتاردى نوپوسقا تىركەۋ ماسەلەسىن شەشۋدى جوسپارلى تۋىت، باعىپ الۋ بويىنشا تىركەۋ، پاناسىز قالعانداردى، قايىرشىلاردى قۇتقارۋ، ولارعا كومەكتەسۋ، مەملەكەت قاراستىلىعىن باسقارۋ سىندى قاتىستى سالالارداعى ساياساتتاردى اقاۋسىزداندىرۋمەن، كەمەلدەندىرۋمەن ءبىر تۇتاس ويلاسۋ، سايكەستى ىلگەرىلەتۋ كەرەك.
«پىكىردە» مىنالار باسا دارىپتەلدى: نوپوسقا تىركەۋ ساياساتىن اناعۇرلىم كەمەلدەندىرىپ، نوپوسقا تىركەۋ بەلگىلەمەسىنە ۇيلەسپەيتىن ءارقانداي شارت قويۋعا تيىم سالۋ كەرەك. نوپوسقا تىركەۋ جۇمىسىن باسقارۋدى كۇشەيتىپ، نوپوسسىزداردى نوپوسقا تىركەۋ ماسەلەسىن جاپپاي شەشىپ، ءاربىر ازاماتتىڭ تۇراقتى نوپوسقا زاڭ بويىنشا تىركەلۋىن شىنايى قامتاماسىز ەتىپ، بۇكىل ەل بويىنشا نوپوس جانە ازاماتتىق كۋالىك ءنومىرىنىڭ دۇرىس بولۋىن، بىردەن − ءبىر بولۋىن، بەلدى بولۋ نىساناسىن قۇلشىنا جۇزەگە اسىرۋ كەرەك.
«پىكىردە» جوسپارلى تۋىت ساياساتىنا ۇيلەسپەۋ، «تۋىلۋ مەديتسينالىق كۋالىگىن» الماۋ، باعىپ الۋ راسمياتىن بىتىرمەۋ، ءىز - توزسىز كەتتى نەمەسە ءولدى دەپ جاريالانعاننان كەيىن نوپوستان ءوشىرىلۋ، اۋىل - قىستاقتاردا نەكەلەنگەننەن كەيىن اۋەلگى نوپوسىن ءوشىرۋ، نوپوسىن اۋىستىرۋ انىقتامالارى جوعالۋ نەمەسە كۇشكە يە ۋاقىت شەگىنەن اسىپ كەتۋ، ەلىمىز ازاماتتارىنىڭ شەتەلدىكتەرمەن، مەملەكەت قاراستىلىعى جوقتارمەن نەكەلەنبەي تۇرىپ بالالى بولۋ، سونداي - اق باسقا دا جاعدايلار سەبەپتى نوپوسقا تىركەلمەگەندەردى زاڭ بويىنشا نوپوسقا تىركەۋدىڭ ناقتى ساياساتتارىن ايقىن تۇراقتاندىردى.
«پىكىردە» مىنالار تالاپ ەتىلدى: جەر - جەر، قاتىستى تاراۋلار نوپوسسىزداردى نوپوسقا قوندىرۋ قىزمەتىن جاقسى ىستەۋدىڭ ماڭىزدىلىعىن، كوكەي تەستىلىگىن جەتە ۇعىنىپ، ۇيىمدىق باسشىلىقتى كۇشەيتىپ، جان - جاقتى اقىلداسىپ، ورنالاستىرۋ جاساپ، ساياساتتىق شارالاردى اشالاپ، ءتۇرلى ساياساتتىڭ ناقتى تياناقتانۋىنا كەپىلدىك ەتۋ كەرەك. جاي - جاپسارعا ىشكەرىلەي تەكسەرۋ جۇرگىزىپ، ءوز اكىمشىلىك وڭىرلەرىندەگى نوپوسسىزداردىڭ ءمان - جايىن جانە قاتىستى جاعدايلارىن انىقتاپ، قابىلداۋ، تەكسەرىپ بەكىتۋ ءتارتىبىن جۇيەگە ءتۇسىرىپ، قىزمەت تالابىن قاتايتىپ، نوپوسسىزداردى نوپوسقا تىركەۋ قىزمەتىن دەر كەزىندە ءبىتىرۋ كەرەك. وسى پىكىر رۋحىمەن بىردەي بولماعان ساياساتتىق شارالاردى شوعىرلى اداقتاپ، وزگەرىس ەنگىزۋگە تيىستىلەرىنە مۇقيات وزگەرىس ەنگىزۋ، كۇشىنەن قالدىرۋعا تيىستىلەرىن، ءسوزسىز، كۇشىنەن قالدىرۋ كەرەك. قاتىستى تاراۋلار نوپوسقا تىركەۋ، پاناسىز قالعانداردى، قايىرشىلاردى قۇتقارۋ، جوسپارلى تۋىت سىندى جاقتارداعى زاڭدارعا، ەرەجەلەرگە جانە ساياساتتارعا ءتارتىپ بويىنشا ۋاقىتتى مىقتى ۇستاپ وزگەرىس ەنگىزىپ، قاتىستى ەرەجەنى، ءتۇزىمدى كەمەلدەندىرۋ كەرەك. ولكەلىك، اۆتونوميالى رايوندىق، توتە قاراستى قالالىق حالىق ۇكىمەتتەرى ءوز جەرلەرىنىڭ امالياتىمەن ۇشتاستىرىپ، ناقتى اتقارۋ شاراسىن شىعارۋى، سونداي - اق قوعامعا جاريالاۋى كەرەك. باقىلاۋ، جەتەكشىلىك ەتۋ قىزمەتىن كۇشەيتىپ، جاۋاپكەرلىكتى تياناقتاندىرماعانداردىڭ، قىزمەتتى تەبىندى ىستەمەگەندەردىڭ جاۋاپكەرلىگىن زاڭ جانە بەلگىلەمە بويىنشا قاتاڭ قۋزاستىرۋ كەرەك. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
