شينجياڭ توقىماشىلىق، كيىم - كەشەك سالاسىنا قارىز بەرۋ قاتەرىنە ارنالعان 200 ميلليون يۋاندىق تولىقتاما قاراجات قورىن قۇرادى

كاسىپورىنداردىڭ ەڭ كوپ بولعاندا 5 ميلليون يۋانعا دەيىن قارىز اقشا الۋىنا بولادى

2017.06.09 14:52   كەلۋ قاينارى : حالىق تورابى

　　حالىق تورابى، 9 – ماۋسىم، بەيجيڭ. ءتاڭىرتاۋ تورابىنىڭ حابارلاۋىنشا، شينجياڭ ۇيعۇر اۆتونوميالى رايوندىق توقىماشىلىق، كيىم - كەشەك سالاسىنا قارىز بەرۋ قاتەرىنە ارنالعان تولىقتاما قاراجاتتى ىسكە قوسۋ جانە بانكەنىڭ توقىماشىلىق، كيىم – كەشەك سالاسىنا قارىز بەرۋى تۋرالى كەلىسىمشارتقا قول قويۋ سالتى 8 – ماۋسىمدا ءۇرىمجى قالاسىندا وتكىزىلدى. بۇل توقىماشىلىق، كيىم – كەشەك سالاسىنا قارىز بەرۋ قاتەرىنە ارنالعان تولىقتاما قاراجات قورى مەن بانكەنىڭ توقىماشىلىق، كيىم – كەشەك سالاسىنا قارىز بەرۋىنىڭ شينجياڭدا جان – جاقتىلى رەسمي باستالعانىن كورسەتەدى.

　　ۇعىسۋعا قاراعاندا، اۆتونوميالى رايون توقىماشىلىق، كيىم – كەشەك سالاسىنا قارىز بەرۋ قاتەرىنە ارنالعان تولىقتاما قاراجات قورىن قۇرىپ، حاۋىپ – قاتەردى بانكەمەن بىرگە كوتەرىپ، شينجياڭنىڭ توقىماشىلىق، كيىم – كەشەك سالاسىنداعى ورتاشا، شاعىن، ميكرو كاسىپورىنداردىڭ دامۋىنا بىرگە قولداۋ كورسەتىپ، فينانس سالاسىنىڭ ورتاشا، شاعىن، ميكرو كاسىپورىندارعا قىزمەت كورسەتۋدەگى تىڭ ءتاسىلىن جولعا قويدى.

　　كەلىسىمشارت مازمۇنىنا ساي، اۆتونوميالى رايوندىق قازىنا اۆتونوميالى رايونداعى توقىماشىلىق، كيىم – كەشەك كاسىپورىندارىنان الىنعان باجىداعى ارتقان قۇن باجىسى بولەگىنەن ورتالىقتىڭ قايتارىپ بەرگەن قاراجاتى ەسەبىنەن 200 ميلليون يۋاندى ءبولىپ، توقىماشىلىق، كيىم – كەشەك سالاسىنا قارىز بەرۋ قاتەرىنە ارنالعان تولىقتاما قاراجات قورىن تۇيىندە سىناق ەتۋ قىزمەتىن ورىستەتەدى. مۇندا، ونەركاسىپ – ساۋدا بانكەسى ءبىر ميلليون يۋان، گۇلدەندىرۋ بانكەسى ءبىر ميلليون يۋان بولەدى ءارى ەكى بانكە قاتەرگە ارنالعان تولىقتاما قاراجات ارناۋلى ەسەپ ءتۇرىن قۇرۋ ارقىلى بۇل قاراجاتتى باسقارادى، وسى ارقىلى توقىماشىلىق، كيىم – كەشەك سالاسىنداعى ورتاشا، شاعىن، ميكرو كاسىپورىنداردىڭ قارىز الۋ شارتىن تومەندەتىپ، قارىز بەرۋ مولشەرىن جوعارىلاتىپ، قارىز بەرۋدى بەكىتۋ ۋاقىتىن تەزدەتەدى. كاسىپورىنداردىڭ ەڭ جوعارى بولعاندا 5 ميلليون يۋانعا دەيىن قارىز الۋىنا بولادى.

　　كەلۋ قاينارى: حالىق تورابى