شينجياڭ تەمىر جولىنىڭ جىلدىق جۇك تاسىمال مولشەرى جيىنى 91 ميلليون 150 مىڭ تونناعا جەتتى
شينجياڭدا تەمىر جول سالىنعان 59 جىلدان بەرگى ەڭ جوعارى رەكوردتى جاڭالادى
2017.12.18 14:00 كەلۋ قاينارى : حالىق تورابى
حالىق تورابى، 18 – جەلتوقسان، بەيجيڭ. 10 - جەلتوقسان ساعات 17دەن 30 مينۋت وتكەندە، الماتىعا باراتىن پويەزدىڭ جۇڭگو - ەۆروپا كەزەكتى پويەزدەرىنىڭ ءۇرىمجى توپتالۋ ورتالىعىنان جولعا شىعۋىنا بايلانىستى، شينجياڭ تەمىر جولىنىڭ جىلدىق جۇك تاسىمال مولشەرى جيىنى 91 ميلليون 150 مىڭ تونناعا جەتتى، بۇل شينجياڭ تەمىر جول تاراۋى 1958 - جىلى شينجياڭدا پويەز قاتىناعاننان بەرگى جۇك تاسىمال مولشەرىنىڭ ەڭ جوعارى رەكوردى.
2016 – جىلى شينجياڭ تەمىر جول تاراۋىنىڭ جالپى جۇك تاسىمال مولشەرى 68 ميلليون 10 مىڭ توننا بولعان. شينجياڭ تەمىر جول تاراۋى قىرۋار جۇك تاسىمال قاينارىن قاداعالاي يگەرىپ، ساۋدا ءتاسىلى مەن تاسىمال ءوندىرىسىن ۇيىمداستىرۋ ۇلگىسىنە جاڭالىق جاساپ، تاسىمال ونىمدىلىگىن جوعارىلاتۋ ٵدىسى ارقىلى جۇك تاسىمال مولشەرىن زور مولشەردە ارتتىردى.
بيىل جىل باسىندا، شينجياڭ تەمىر جول تاراۋى ورتالىقتىڭ شينجياڭدا تۇراتىن كاسىپورىندارى، شينجياڭداعى ءىرى كاسىپورىن بولىپ 37 كاسىپورىنمەن ستراتەگيالىق سەلبەستىك كەلىسىمىن جاساسىپ، كەلىسىم بويىنشا تاسىعان جۇك مولشەرى 71 ميلليون تونناعا جەتتى. بۇدان سىرت، ءىرى ساۋداگەرلەرمەن بولعان سەلبەستىكتى كۇشەيتىپ ،شينجياڭداعى ءىرى كاسىپورىنداردىڭ قاجەتىن قاناعاتتاندىرۋعا كەپىلدىك ەتۋگە كۇش سالىپ، تەمىر جولدىڭ جەرگىلىكتى ورننىڭ ەكونوميكاسىنا قىزمەت ەتۋ يقۋاتىن ءوسىردى.
بىلتىردان بەرى، شينجياڭ تەمىر جولى ءۇرىمجى - جوڭعار تەمىر جولىنىڭ شىعىس جوڭعاردىڭ سولتۇستىگىنەن گانچۋانباۋ، شياۋحۋاڭشان، شىحىزى، كۇيتۇن قاتارلى بەكەتتەرگە باراتىن وڭىرلىك اينالمالى كەزەكتى پويەز قاتىناتۋدى ۇيىمداستىردى، بيىل 15 - قىركۇيەككە دەيىن شىعىس جوڭعار سولتۇستىك بەكەتىنەن 5000 توننالىق جۇك تاسىمال پويەزى قاتىناپ، «جۇكتى كوپ ٵرى تەز تاسۋ» جاعدايىن قالىپتاستىردى. ساندى مالىمەتكە قاراعاندا، قازىر شىعىس جوڭعار سولتۇستىك بەكەتىنەن ءار كۇنى جولعا شىعىپ 5000 توننالىق جۇك تاسيتىن پويەزدەرىنىڭ سانى 18دەن اسقانىن، ءۇرىمجى - جوڭعار جەلىسىنىڭ تاسىمال قۋاتى ەسەلەپ ارتىپ، تاسىمال مولشەرى بارىنشا كوبەيدى. بيىل قاڭتاردان 10 - جەلتوقسانعا دەيىن ءۇرىمجى - جوڭعار جەلىسىندەگى جۇك تاسىمال مولشەرى 19 ميلليون 460 مىڭ تونناعا جەتكەن.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
