سۋىق اعىس كەلۋ بايلانىسىمەن شينجياڭ ناشار اۋا رايىنان ساقتانۋ ەسكەرتۋىن جاريالادى
2018.04.03 14:37 كەلۋ قاينارى : حالىق تورابى
حالىق تورابى، 3 – ءساۋىر، بەيجيڭ. كوكتەم كەلۋ بايلانىسىمەن اۋا تەمپەراتۋراسى جىلىنا باستاعان شينجياڭدا ءۇرتىس نەشە كۇنگى سۋىق اعىس ىقپالىنان جاڭبىر ارالاس قار جاۋدى، سولتۇستىك شينجياڭنىڭ كوپ ءبولىم جەرلەرىندە اۋا تەمپەراتۋراسى 10 سەلتسي گرادۋس تومەندەدى، وڭتۇستىك شينجياڭنىڭ كوپ ءبولىم جەرلەرىندە اۋا تەمپەراتۋراسى 5 ــ 8 سەلتسي گرادۋس تومەندەدى. كوكتەمگى ەگىستىك، مال شارۋاشىلىق رايونىنداعى ءتول الۋ ءارى كوكتەۋگە كوشۋ جۇمىستارى ٴجۇرىلىپ جاتقاندىقتان، شينجياڭ اۋا رايى ستانسياسى اۋىر اپاتتى اۋا رايىنان شۇعىل ساقتانۋ دابىلىن قاعىپ، سۋىق اعىستىڭ كوكتەمگى ەگىستىك پەن مال شارۋاشىلىق رايونىنداعى ءتول الۋعا جانە قاتىناس تاسىمالعا الىپ كەلەتىن ءتيىمسىز جاعدايىنان ساقتانۋدى ەسكەرتتى.
شينجياڭ اۋا رايى ستانسياسىنىڭ مەجەلەۋىنشە، 2 – ساۋىردەن 4 – ساۋىرگە دەيىن، ءۇرتىس سۋىق اعىس ىقپالىنان، ىلە قازاق اۆتونوميالى وبلىسىنىڭ وڭتۇستىگىندە، شىحىزى قالاسىنىڭ وڭتۇستىگىندەگى تاۋلى رايوندا، بايىنعولىن موڭعۇل اۆتونوميالى وبلىسىنىڭ سولتۇستىگىندەگى تاۋلى رايوندا، ءۇرىمجى قالاسى، سانجى حۇيزۋ اۆتونوميالى وبلىسى، قۇمىل قالاسى قاتارلى رايونداردا قار ارالاس جاڭبىر نەمەسە قار جاۋادى، تاۋلى رايونداردىڭ كەيبىر جەرلەرىندە ورتاشا قار جاۋسا، سولتۇستىك شينجياڭنىڭ كوپ جەرلەرىندە قىراۋ تۇسەدى. وڭتۇستىك شينجياڭنىڭ تارىم ويپاتىنىڭ كوپ ءبولىم جەرلەرىندە قۇمدى بوران سوعىپ، بۇكىل شينجياڭنىڭ كوپ ءبولىم جەرلەرىندە اۋا تەمپەراتۋراسى ءۇرتىس تومەندەيدى.
بۇدان سىرت، تارباعاتاي ايماعى مايتاس جەل وتىندە، ءۇرىمجى قالاسى دابانچىڭ رايونىنان تۇرپان قالاسىنا دەيىنگى 30 كيلومەترلىك جەل وتىندە، تۇرپان قالاسىنىڭ ءپىشان اۋدانىنان قۇمىل قالاسىنا دەيىنگى 100 كيلومەترلىك جەل وتتەرىندە 10 ــ 12 بال بوران سوعادى.
شينجياڭ اۋا رايى ستانسياسى باس مالىمەتشىسى دوۋ شينيڭنىڭ تانىستىرۋىنشا، الدىڭعى مەزگىلدە شينجياڭدا اۋا تەمپەراتۋراسى جاپپاي جوعارىلاعاندىقتان، بۇل رەتكى سۋىق اعىستىڭ ىقپالىنان التاي ايماعى، تارباعاتاي ايماعى قاتارلى جەرلەردە جاۋىن – شاشىن مولشەرى مولايىپ، ءبىر ءبولىم جەرلەردە ارالاسپا تيپتەگى تاسقىن اپاتى تۋىلۋ قاتەرى كۇشتى ەكەنىن، سونىمەن قاتار جەل كۇشى قاتتى بولعاندىقتان، وڭتۇستىك شينجياڭدا قۇمدى بوران سوعاتىنىن، سول سەبەپتى ءتول، ءۇي قۇستارى جانە ەگىس داقىلى قاتارلىلارعا سۋىقتان قورعانۋ شارالارىن قولدانىپ، قاتىناس تاسىمالعا اكەلەتىن ءتيىمسىز جاعدايدان ساقتانۋ تۋرالى كەڭەس بەردى.
شينجياڭ اۋا رايى ستانسياسى سۋىق اعىس سارى ءتۇستى ساقتىعى مەن بوران كوك ءتۇستى ساقتىعىن جالعاستى جاريالاپ، شينجياڭ شۇعىل جاعدايعا توتەپ بەرۋ كەڭسەسى، حالىق ىستەر مەڭگەرمەسى، سۋ يگىلىگى مەڭگەرمەسى، اۋىل شارۋاشىلىق مەڭگەرمەسى قاتارلى تاراۋلارى كەڭەس وتكىزىپ، شۇعىل جاعدايعا كوشىپ، اۋا رايىن جالعاستى باقىلاۋ جانە قاداعالاۋ قىزمەت وتەۋىن كۇشەيتتى.
كەلۋ قاينارى: حالىق تورابى
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
