ارحيۆ تۇرعىزىلىپ، كارتچكالاندىرىلعان 360 مىڭنان استام كەدەي وتباسىنىڭ بەيقۇت ۇيگە كوشىپ كىرۋ ارمانى ورىندالدى
شينجياڭداعى كەدەيلەردىڭ حاۋىپتى ۇيلەردە تۇرۋ تاريحى نەگىزىنەن اياقتالدى
2019.10.21 15:51 كەلۋ قاينارى : حالىق تورابى
حالىق تورابى، 10 – ايدىڭ 21 – كۇنى، بەيجيڭ. شينجياڭ گازەتى ءتىلشىسىنىڭ 10 - ايدىڭ 19 - كۇنى ۇرىمجىدەن بەرگەن حابارى. ءتىلشىنىڭ شينجياڭ ۇيعۇر اۆتونوميالى رايوندىق تۇرعىن ءۇي جانە قالا - اۋىل قۇرىلىسى مەڭگەرمەسىنەن ۇعىسۋىنشا، بيىل شينجياڭ اۋىل - قىستاقتاعى ارحيۆ تۇرعىزىلىپ، كارتچكالاندىرىلعان 9355 وتباسىنا ءۇي سالىپ بەرۋ مىندەتىن ورىنداۋدى جوسپارلاعان، 9 - ايدىڭ سوڭىنا دەيىن قۇرىلىس تۇگەلدەي اياقتاپ، شينجياڭداعى كەدەيلەردىڭ حاۋىپتى ۇيلەردە تۇرۋ تاريحى نەگىزىنەن اياقتالدى.
«شينجياڭ اۋىل - قىستاق بەيقۇت ءۇي ينجەنەرياسى قۇرىلىس جوباسىندا (2016 − 2020 - جىل)» بەلگىلەنگەن قۇرىلىس مىندەتىنە ساي، شينجياڭ نازاردى ەرەكشە كەدەي وڭىرلەرگە شوعىرلاندىرىپ، كەدەيلەردى سۇيەمەلدەۋدىڭ تۇراقتاندىرىلعان ولشەمىنە تاباندى بولىپ، كەدەيلىكتەن ارىلتۋدان قامال الۋدىڭ «ەكىدەن تارىقتىرماۋ، ۇشتە قامتاماسىز ەتۋدەگى» تۇرعىن ءۇي حاۋىپسىزدىگىن قامتاماسىز ەتۋ قىزمەت نىساناسىمەن تىعىز بىرلەستىرىپ، 2016 - جىلدان 2018 - جىلعا دەيىن اۋىل - قىستاقتاعى ارحيۆ تۇرعىزىلىپ، كارتچكالاندىرىلعان جيىنى 358 مىڭ 100 كەدەي وتباسىنا ءۇي سالىپ بەرۋ مىندەتىن ورىندادى.
«اۋىل - قىستاق بەيقۇت ءۇي ينجەنەرياسىن اتقارۋ ارقىلى ەكونوميكالىق قيىنشىلىعى بار بۇقارانىڭ ەڭ نەگىزگى تۇرعىن ءۇي حاۋىپسىزدىگى ماسەلەسى ءونىمدى شەشىلدى.» شينجياڭ ۇيعۇر اۆتونوميالى رايوندىق تۇرعىن ءۇي جانە قالا - اۋىل قۇرىلىسى مەڭگەرمەسى قىستاق - قالاشىق قۇرىلىسى باسقارماسىنىڭ باستىعى گاۋ فىڭ بىلاي دەدى: كەدەيلىكتەن ارىلتۋدان قامال الۋ قىزمەتى باستالعاننان بەرى، شينجياڭ جوسپاردى، مىندەتتى، قارجىنى بەيىمدەۋ سەرپىنىن ارتتىرىپ، اۋىل - قىستاقتاعى ارحيۆ تۇرعىزىلىپ، كارتچكالاندىرىلعان كەدەي وتباسىلارىنىڭ تۇرعىن ءۇي حاۋىپسىزدىگىنە ءونىمدى قامتاماسىز ەتتى.
جاڭا ۇيگە كوشىپ كىرگەنىنە ءۇش اي بولعان، ءۇشتۇرپان اۋدانى اقتوعاي اۋىلى جيدەلى قىستاعىنداعى ارحيۆ تۇرعىزىلىپ، كارتچكالاندىرىلعان كەدەي وتباسى جامال ءىسلامنىڭ قۋانىشىندا شەك جوق. ونى قۋانتقانى، بيىل ول جاڭا ۇيگە كوشىپ قالماستان، قىستاق تاعى اۋىل - قىستاق بەيقۇت ءۇي ينجەنەرياسى قۇرىلىسىنىڭ قىزۋ ورلەۋىنەن پايدالانىپ، قۇرىلىس جۇرگىزۋ اترەتىن قۇرعان ەدى، ول قۇرىلىس شەبەرلىگىنە باۋلۋ كۋرسىنا قاتىناسۋ ارقىلى ءۇي سالۋ ونەرىن ۇيرەنىپ الدى. «قازىر ءبىر شەبەرلىگىم بار، ىستەيتىن جۇمىس، تاباتىن اقشا بار، قايدا بارسام دا باسقالار كوزگە ىلمەيدى دەپ الاڭدامايتىن بولدىم»، - دەيدى جامال ءىسلام.
شينجياڭداعى ارحيۆ تۇرعىزىلىپ، كارتچكالاندىرىلعان كەدەي وتباسىلارىنىڭ كوپ ساندىسى وڭتۇستىك شينجياڭنىڭ ءتورت ايماق - وبلىسىنداعى اۋىر كەدەي وڭىرلەرگە شوعىرلانعان، كەدەيلەردىڭ نەگىزدىك سانى كوپ، بۇقارانىڭ سىرتقا شىعىپ جۇمىستانۋى قيىن، ونىڭ ۇستىنە جاراتىلىستىق شارت - جاعداي ناشار، اۋىل - قىستاقتىڭ نەگىزدىك قۇرىلعىلارى ءالسىز، كاسىپتىڭ دامۋى كەنجە قالۋ سياقتى سەبەپتەردەن كەدەيلىكتەن ارىلتۋدىڭ قيىنشىلىعى ءبىرشاما اۋىر بولعان. رايونىمىز اۋىل - قىستاق بەيقۇت ءۇي ينجەنەرياسىن اتقارۋ ارقىلى ەگىنشى - مالشىلاردى ەڭبەككۇشتەردى سول جەردىڭ وزىندە ويىستىرۋ، جۇمىسقا، ەڭبەككە قاتىناسۋ، ءوزارا كومەكتەسۋ سياقتى تاسىلدەر ارقىلى بەيقۇت ءۇي ينجەنەرياسى قۇرىلىسىنا ات سالىسۋعا شابىتتاندىرىپ جانە جەتەكشىلىك ەتتى، سونىمەن ءۇي سالعان ءبىر ءبولىم شارۋا وتباسىلارى بىرتە - بىرتە شارۋا ۇستا بولىپ جەتىلىپ شىعىپ، ەڭبەككۇشتەردى باسقا سالاعا ويىستىرىپ جۇمىستاندىرىپ، كىرىستەرىن ارتتىرۋدى ءونىمدى جەبەدى.
سونىمەن بىرگە، شينجياڭ تاعى اۋىل - قىستاق بەيقۇت ءۇي ينجەنەرياسىن اتقارۋ ارقىلى جاڭاشا اۋىل - قىستاق قۇرىلىسىن دا دەمەدى. ءتۇرلى قاراجاتتاردى بىرىكتىرۋ، «سۋ، توك، جول، تابيعي گاز» سياقتى نەگىزدىك قۇرىلعى قۇرىلىستارىن كۇشەيتۋ ارقىلى ءۇي قۇرىلىمى حاۋىپسىز، پايدالانۋ يقۋاتى كەمەلدى، وندىرىسكە، تۇرمىسقا قولايلى جاڭاشا اۋىل - قىستاق قۇرىپ، اۋىل - قىستاقتىڭ «لاس، بىلىققان، ناشار» بولۋداي كونە بەت - بەينەسىن وزگەرتتى؛ اۋلا شارۋاشىلىعىن جەتىلدىرۋ ارقىلى شارۋالاردىڭ ءوندىرىس، تۇرمىس شارت - جاعدايىن قۇلشىنا جاقسارتىپ، «ءبىر اۋماققا جاڭا ءۇي سالىپ، سول اۋماقتى جاڭا قىستاققا اينالدىرۋدى» جۇزەگە اسىردى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
