كوكتوعايدان ۋسايۋانعا دەيىنگى جوعارى قارقىندى تاس جولدا 10 – ايدىڭ 15 – كۇنىنەن باستاپ اۆتوكولىك قاتىنادى
قاتىناۋ ۋاقىتى 1.5 ساعات ۇنەمدەلەدى
2019.10.16 16:13 كەلۋ قاينارى : حالىق تورابى
حالىق تورابى، 10 – ايدىڭ 16 – كۇنى، بەيجيڭ. التاي اقپارات تورابىنىڭ حابارىنا قاراعاندا، 10 – ايدىڭ 15 – كۇنى 216 – مەملەكەت جولىنىڭ كوكتوعايدان ۋسايۋانعا دەيىنگى جوعارى قارقىندى تاس جول بولەگىندە ساعات 0دەن باستاپ اۆتوكولىك قاتىناعان، اتالعان جول بولەگىندە اۆتوكولىك قاتىناعان سوڭ، ٵرقايسى جەردىڭ ساياحاتشىلارىنىڭ كوكتوعاي اۋدانىنان ۋسايۋانعا دەيىنگى جول بولەگىندە جۇمساعان ۋاقىتى 1.5 ساعات قىسقارادى، سونىمەن بىرگە التايدان ۇرىمجىگە باراتىن ەڭ قولايلى جول بولەگى بولادى.
ءتىلشىنىڭ 216 – مەملەكەت تاس جولىنىڭ كوكتوعايدان ۋسايۋانعا دەيىنگى تاس جول قۇرىلىسى نىسانىنا قولباسشىلىق ەتۋ شتابىنان ۇعىسۋىنشا، بۇل جول بولەگى 8 – ايدىڭ 30 – كۇنىنەن باستاپ ءبىر اي سىناق رەتىندە پايدالانىلعان، كۇنىنە ون مىڭنان استام اۆتوموبيل قاتىناعان، 10 – ايدىڭ 15 – كۇنىنەن باستاپ رەسمي كولىك قاتىناعان، جابىق فورماداعى اقى الۋ ءادىسىن قولدانىپ، تۇتاس لەنيادا ءۇش تارماق تاس جول اقى الۋ پۋنكتىن قۇرعان.اتالعان نىسان 2017 – جىلى باستاپ سالىنعان، كوكتوعاي اۋدانىنىڭ قاراتۇڭكە قالاشىعىنان باستالىپ، جەمسارى اۋدانىنداعى ورتەڭ تاۋىنا دەيىن بارادى، جول ۇزىندىعى 226 كيلومەتر. جول قازىرگى 216 – مەملەكەت جولىنى بويلاي سالىنعان، قوس باعىتتا ءتورت كولىك قاتىنايتىن ءبىرىنشى دارەجەلى تاس جول ولشەمى قۇرىلىسى بويىنشا سالىنعان، جوباداعى جىلدامدىعى ساعاتىنا 100 كيلومەتر، جول كەڭدىگى 26 مەتر.
بۇل تاس جول 2017 – جىلى جوڭعار ويپاتىنان باستاپ سالىنعان، قورشاعان ورتانى قورعاۋ قۇرىلىس بارىسىنداعى ماڭداي الدى ماڭىزدى مىندەتكە اينالىپ، جول بويىنداعى جابايى حايۋاناتتارعا قولايلىلىق جاراتۋ ءۇشىن، جول بويىندا جوعارى اتتامالى حايۋانداردىڭ كوشى - قون جولىنان بىرەۋ، 21 جەر استىنان تەسىپ وتەتىن حايۋاناتتاردىڭ كوشى - قون جولى سالىندى. مۇنىڭ ىشىندە ەڭ ۇلكەن ءبىر جەردەن تەسىپ وتەتىن جانۋارلاردىڭ كوشى - قون جولىنىڭ ۇزىندىعى شامامەن 546 مەتر، ەنى 26 مەتر، بيىكتىگى 8 مەتر كەلەدى.
قىزمەتكەرلەردىڭ تانىستىرۋىنا قاراعاندا، بۇل نىسان 8 توقتام كەزەڭىنە ءبولىنىپ، ءبىر ۋاقىتتا جۇمىس جۇرگىزگەن، جول بويىندا ۇلكەن، ورتا كوپىردەن 72، كىشى كوپىردەن 22، سۋاعار ۇڭگىردەن 287 ، ءوزارا تۇتاسپالى ستەرەولىق ايقاسقان كوپىردەن 5، ايىرمالى ستەرەولىق ايقاسقان كوپىردەن 13 سالىنعان.بۇل نىسان «مەملەكەتتىك تاس جول تورابى جوباسىنىڭ» (2013 ـ جىلدان 2030 ـ جىلعا دەيىن) ماڭىزدى قۇرامداس بولىگى، سونداي ـ اق شينجياڭنىڭ 12 - بەسجىلدىق پلانىنداعى «57712» ينجەنەرياسىنىڭ جوعارى قارقىندى، جوعارى دارەجەلى تاس جول تورابىنداعى «1 ـ بويلىق» (التاي - ءۇرىمجى – كورلا – چارقىلىق) ماڭىزدى قۇرامداس بولىگى، نىساننىڭ سالىنۋى شينجياڭنىڭ نەگىزگى جەلى تاس جول تورابىن كەمەلدەندىرۋدە ماڭىزدى مانگە يە.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
