ساۋد ارابياسى ءتىپتى دە كوپ ا ق ش ارمياسىنىڭ كەلىپ ورنالاسۋىن قابىلدايتىندىعىن جاريالادى
2019.10.14 15:15 كەلۋ قاينارى : حالىق تورابى
حالىق تورابى، 10 – ايدىڭ 14 – كۇنى، بەيجيڭ. شينحۋا اگەنتتىگىنىڭ 10 – ايدىڭ 13 – كۇنى ليادتان بەرگەن حابارى. ساۋد ارابياسى 10 – ايدىڭ 12 – كۇنى ءتىپتى دە كوپ ا ق ش ارمياسىنىڭ ساۋد ارابياسىنا ورنالاسۋىن قابىلدايتىندىعىن جاريالادى. ساۋد ارابياسى قورعانىس مينيسترلىگى سول كۇنى ساۋد ارابياسى مەملەكەت اگەنتتىگى ارقىلى مالىمدەمە جاريالاپ بىلاي دەدى: ساۋد ارابياسىنىڭ پاتشاسى سالماننىڭ نۇسقاۋىنا ساي، ەكى ەلدىڭ تاريحي قاتىناسى مەن سەرىكتەستىك قاتىناسى نەگىزىندە ساۋد ارابياسى ا ق ش - نىڭ جىبەرگەن ارمياسى مەن اسكەري قارۋ - جاراعىن قابىلداپ، وڭىرلىك حاۋىپسىزدىكتى قورعاۋ، وڭىرلىك جانە دۇنيە ءجۇزى ەكونوميكاسىنىڭ ورنىقتىلىعىنا حاۋىپ توندىرەتىن ءارقانداي ارەكەتتەرگە سوققى بەرۋدى ۇيعاردى.
مالىمدەمەدە بىلاي دەلىندى: ا ق ش ساۋد ارابياسى ۇكىمەتىمەن بىرگە وڭىرلىك حاۋىپسىزدىكتى قورعايدى. ەكى ەلدىڭ اسكەري سەرىكتەستىك قاتىناسى ەكى جاقتىڭ ستراتەگيالىق قاتىناسىنىڭ، ەكى جاقتىڭ قاتىستى حالىقارالىق بەيبىتشىلىك پەن حاۋىپسىزدىك كەلىسىمىنىڭ تاريحي جالعاسى.
10 – ايدىڭ 11 – كۇنى ا ق ش قورعانىس مينيسترلىگى مالىمدەمە جاريالاپ بىلاي دەدى: ا ق ش ارمياسى ورتالىق قولباسشىلىق شتابىنىڭ تالابى بويىنشا، ا ق ش قورعانىس مينيسترى ەسپەر ساۋد اربياسىنا ا ق ش ارمياسى مەن قارۋ – جاراعىن جىبەرەتىندىگىن، جۇيەدەن ەكى سوعىس ۇشاعىنىڭ ورتا اترەتىن، ءبىر اۋە ارمياسىنىڭ ۇزاق جورىق بىرلەسپە اترەتىن، ەكى «وتانشىل» اۋە شابۋىلىنان قورعانۋ جۇيەسىن جانە «ساد» باسقارىلمالى بومبىعا قارسى تۇرۋ جۇيەسىن قۇرۋدى بەكىتتى. مالىمدەمەدە بۇل رەتكى قانشا اسكەر كوبەيتىلگەنى كورسەتىلمەدى. ا ق ش - نىڭ كوپتەگەن اقپارات قۇرالدارى اقپار جاريالاۋشىنىڭ سوزىنەن سيتات كەلتىرىپ بىلاي دەدى: بۇل رەتكى اسكەر سانى شامامەن 1800 ادام ارتادى.
2018 – جىلى 5 – ايدا، ا ق ش يراننىڭ يادرو كەلىسىمىنەن ءوز بەتىمەن شەگىنەتىندىگىن جاريالادى. بيىل 5 – ايدان بەرى، ا ق ش پەن يراننىڭ قاتىناسى اۋىر دارەجەدە ناشارلاپ، شىعاناق جاعدايى ۇزدىكسىز ۋشىقتى. 9 – ايدىڭ ورتا شەنىندە، ساۋد ارابياسى مەملەكەتتىك مۇناي سەرىكتىگىنىڭ ەكى مۇناي قۇرىلعىسى ۇشقىشسىز ۇشاقتىڭ شابۋىلىنا ۇشىرادى ءارى ءورت اپاتى تۋىلدى. يەمەن حۋساي قارۋلى كۇشتەرى شابۋىلعا وتكەندىگىن جاريالادى، ءبىراق ا ق ش يراندى شابۋىلدىڭ پەردە ارتىنداعى قارا قولى دەپ جازعىردى، يران مۇنى تەرىسكە شىعاردى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
