قورعاس شينجياڭداعى جەمىس - جيدەك، كوكونىس ەكسپورت ەتەتىن ەڭ ءىرى شەكارا وتكەلگە اينالدى
2020.04.21 16:54 كەلۋ قاينارى : حالىق تورابى
حالىق تورابى، 4 – ايدىڭ 21 – كۇنى، بەيجيڭ. شينجياڭ گازەتى جالپىلىق اقپارات قۇرالدارىنىڭ ءتىلشىسى چىن چياڭۋي 4 - ايدىڭ 19 - كۇنى ۇرىمجىدەن حابارلايدى. ٴتىلشىنىڭ ءۇرىمجى كەدەنىنەن ۇعىسۋىنشا، بيىل 1 - توقساندا قورعاس شەكارا وتكەلىنەن ەكسپورت ەتىلگەن جەمىس - جيدەك، كوكونىس 19 مىڭ 600 تونناعا، قۇنى 171 ميلليون يۋانعا جەتىپ، شينجياڭداعى شەكارا وتكەلدەرىنىڭ جەمىس - جيدەك، كوكونىس ەكسپورت جالپى مولشەرىنىڭ ％59.21ىن يەلەپ، شينجياڭداعى جەمىس - جيدەك، كوكونىس ەكسپورت ەتەتىن ەڭ ءىرى شەكارا وتكەلگە اينالعان.
2019 - جىلى قورعاس شەكارا وتكەلى اۋىل شارۋاشىلىق قوسىمشا ونىمدەرىن كەدەننەن جەدەل وتكىزۋ جاسىل ءدالىزىن اشىپ، ەكسپورت ەتىلەتىن جەمىس - جيدەك، كوكونىستەردىڭ مولشەرى توقتاۋسىز ارتىپ، تەز ارتۋ جاعدايى جارىققا شىقتى.
«سەرىكتەستىگىمىزدىڭ ەكسپورت ەتەتىن جەمىس - جيدەك، كوكونىستەرى نەگىزىنەن بۇرىش، قىزاناق، ءسابىز، الما سياقتىلار كۇنىنە 100 توننا شاماسىندا. وسى جەمىس - جيدەك، كوكونىستەر ءبىر كۇنگە جەتپەي - اق قازاقستانعا جەتكىزىلىپ بولادى. ىندەتتىڭ ىقپالى سەبەبىنەن سەرىكتەستىكتىڭ 1 - توقسانداعى ەكسپورت مولشەرى وتكەن جىلدارداعىعا جەتپەي قالدى، دەسە دە ەل ءىشىنىڭ ەكونوميكالىق، قوعامدىق ءتارتىبىنىڭ جاپپاي قالپىنا كەلۋىنە بايلانىستى، ءبىز قولدان جىبەرىپ العان تاپسىرىستارىمىزدى تولىقتاپ الاتىندىعىمىزعا سەنىمدىمىز»، - دەدى قورعاس شەكارا وتكەلىندە جەمىس - جيدەك، كوكونىس يمپورت - ەكسپورت ساۋداسىمەن شۇعىلداناتىن ساۋداگەر يۇي چىڭجۇڭ.
ورتا ازيا بازارىنىڭ جەمىس - جيدەك، كوكونىس قاجەتى ۇزدىكسىز ارتۋدا، كوپتەگەن زات اينالىمى كاسىپورىندارى ورايدى يگەرىپ، قورعاسقا ىرگە تەپتى. وسى كاسىپورىندار شانشي، گۋاڭشي، گانسۋ سياقتى بۇكىل ەلدىڭ جەر - جەرىنەن زات قۇراپ، سورتى ساپالى اپەلسين، الما، بۇرىش، قيار، قىزاناق، ساڭىراۋقۇلاق سىقىلدى جەمىس - جيدەك، كوكونىستەردى قامباعا تاسىپ، سۇرىپتاپ اۆتوموبيلگە تيەگەننەن كەيىن، ىلە قازاق اۆتونوميالى وبلىسىنىڭ جەرگىلىكتى جەمىس - جيدەك، كوكونىستەرىمەن بىرگە قازاقستان، قىرعىزستان سياقتى ورتا ازيا ەلدەرىنە ەكسپورت ەتىپ، ىشپەن بىرلەسىپ سىرتقا شىعارۋدى جۇزەگە اسىرىپ، جەمىس - جيدەك، كوكونىس ەكسپورتىنىڭ حالىقارالىق باسەكەلىك قۋاتىن بارىنشا جوعارىلاتتى.
ىندەتتىڭ جەمىس - جيدەك، كوكونىس ەكسپورتىنا كورسەتكەن ىقپالىن ازايتۋ ءۇشىن، قورعاس قالالىق ۇكىمەتتىڭ ۇيىمداستىرۋىندا، قورعاس كەدەنى، سونداي - اق قاتىستى تاراۋلار كاسىپورىنداردىڭ تيەۋ - ءتۇسىرۋشى ادام كۇشى جەتىسپەۋ، تاسىمال ىركىلىسسىز بولماۋ سياقتى ماسەلەلەرىن باعىتتامالى شەشىپ، اۋىل شارۋاشىلىق قوسىمشا ونىمدەرى قاتارلى حالىق تۇرمىسى زاتتىق ماتەريالدارىن تەز ارادا تەكسەرىپ جونەلتۋدى الدىمەن قامتاماسىز ەتتى. قورعاس كەدەنى تاعى قۇلاقتاندىرۋ تاقتاسى، كەدەن مەن كاسىپورىنداردىڭ بايلانىس جاساۋ ۋيچات توبى، سونداي - اق سول جەردىڭ وزىندە ارالاپ جاعداي ۇعىسۋ سياقتى تاسىلدەر ارقىلى قاراستى رايونداعى جەمىس - جيدەك، كوكونىس ەكسپورت ەتەتىن كاسىپورىندارعا ۇگىت جۇرگىزىپ، كاسىپورىنداردىڭ كەدەننەن وتكىزۋ راسمياتتارىن رەسمياتتارىن بىتىرۋىنە ءبىر - بىرلەپ جەتەكشىلىك ەتىپ، دالمە - ءدال شارا اتقارىپ، جەمىس - جيدەك، كوكونىس ەكسپورتىن زورايتۋعا كەڭەيتۋگە قولداۋ كورسەتىپ، كاسپورىنداردىڭ جۇمىستى قالپىنا كەلتىرىپ، ءوندىرىس قۋاتىنا جەتۋگە جەتۋىن دەم بەردى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
