ءۇرىمجى قالاسى تۇرعىنداردىڭ لاس سۋ قۇبىرىن ۇنەمى زارارسىزداندىرۋىنا جەتەكشىلىك ەتتى
2020.08.07 13:27 كەلۋ قاينارى : حالىق تورابى
8 – ايدىڭ 6 – كۇنى ساعات 17 دە، ءۇرىمجى قالالىق ۇكىمەتتىڭ اقپارات كەڭسەسى ءۇرىمجى قالاسىنداعى جاڭا تيپتى ايدارشا ۆيروس وكپە قابىنۋى ىندەتى مەن ودان ساقتانۋ جانە ونى تىزگىندەۋ قىزمەتى جونىندەگى 20 – كەزەكتى اقپار جاريالاۋ ءماجىلىسىن وتكىزدى، ماجىلىستە ءۇرىمجى قالالىق حالىق ۇكىمەتىنىڭ ورىنباسار باس حاتشىسى شاڭ يۇيلان تۇرعىندار شاعىن اۋماعىن تۇيىقتاپ باسقارۋ بارىسىندا تۇرعىندار شاعىن اۋماعىندا ىندەتتەن ساقتانۋ قىزمەتىنىڭ قالاي ويداعىداي ىستەلگەنىن مىناداي بەس ءتۇرلى جاقتان تانىستىردى.
شاڭ يۇيلان: «ۆيروستىڭ تارالۋ قاينارىن ءۇزىپ، ۆيروستىڭ تارالۋ جولىن كەسۋ ءۇشىن، بۇكىل قالاداعى بارشا قالا تۇرعىندارىنىڭ تۇسىنىستىك ءبىلدىرۋى مەن سايكەسۋىنە بايلانىستى، ءبىز بارلىق تۇرعىندار شاعىن اۋماعىن تۇيىقتاپ باسقارۋمەن بىرگە، شاعىن اۋماقتاردا ىندەتتەن ساقتانۋ قىزمەتىن كۇش سالا ويداعىداي ورىستەتىپ، تۇرعىندارعا اقاۋسىز، حاۋىپسىز تۇرمىس ورتاسىن جاراتتىق»، — دەدى.
بىرىنشىدەن، شاعىن اۋماققا كىرىپ – شىعۋ جاعىندا ىندەتتەن ساقتانۋ شارالارى ويداعىداي قاتاڭ اتقارىلدى. ءاربىر شاعىن اۋماقتا، پرينسيپتىك جاقتان، تەك ءبىر عانا كىرىپ – شىعۋ ەسىگى قالدىرىلىپ، ىندەتتەن ساقتانۋ – تىزگىندەۋ قىزمەتكەرلەرى مەن باسقا ايرىقشا جاعدايدا كىرىپ – شىعۋعا ءتيىستى ادامداردان سىرت، وزگە ادامداردىڭ كىرىپ – شىعۋىنا مۇلدە جول بەرىلمەدى. شاعىن اۋماققا زات جەتكىزەتىن ءدارى دۇكەندەرىنىڭ، كوكونىس دۇكەندەرىنىڭ، ەرەنبازارلاردىڭ زات جەتكىزۋشىلەرى، جەدەل جولداما جەتكىزۋشىلەر، تاماق جەتكىزۋشىلەر قاتارلىلار تۇگەلدەي زاتتى تىكەلەي جاناسپاۋ تاسىلىمەن جەتكىزدى، زاتتار شاعىن اۋماقتىڭ قاقپاسىنا جەتكىزىلگەن سوڭ، جەدەل جولدامانىڭ قورابىن زارارسىزداندىرىپ، قىزمەتكەرلەر ۋاكىلاتان وتكىزىپ الىپ، تۇرعىندارعا جەتكىزىپ بەردى. دەنە تەمپەراتۋراسىن ولشەپ، تىزىمگە الۋ ءتۇزىمى قاتاڭ اتقارىلىپ، شاعىن اۋماقتاردىڭ قاقپالارىنا دەنە تەمپەراتۋراسىن ولشەۋ ورىندارى ورنالاستىرىلىپ، كىرىپ – شىعاتىن بارلىق قىزمەتكەرلەردىڭ دەنە تەمپەراتۋراسى ولشەنىپ، قالىپسىز جاعداي بايقالماعان جاعدايدا عانا كىرىپ – شىعۋعا رۇقسات ەتىلدى.
ەكىنشىدەن، تۇرعىنداردىڭ دەنساۋلىعىن تەكسەرۋ كۇشەيتىلدى. تۇرعىنداردىڭ دەنە تەمپەراتۋراسى كۇن سايىن تاڭەرتەڭ، تۇستە، كەشتە ءۇش ۋاقىت تەكسەرىلىپ، تىزىمگە الىندى، دەنە قىزۋى ورلەۋ، قۇرعاق جوتەلۋ، جۇتقىنشاعى اۋرۋ، ءىشى ءوتۋ، دارمەنسىزدەنۋ قاتارلى اۋرۋ بەلگىلەرى بايقالعان ادامداردى دەرەۋ الەۋمەتتىك اۋماققا مالىمدەپ، بەلگىلەمە بويىنشا ءبىر جاقتىلى ەتۋ اتقارىلدى. ۇيدە اۋاشالانعان ادامداردىڭ ايىرىم بولمەدە بولۋىن، ايىرىم تاماقتانۋىن، وتباسىنداعى بارلىق ادامداردىڭ ماسكى تاعۋىن، ءۇيدىڭ اۋاسىن كۇندەلىكتى الماستىرىپ تۇرۋىن، ءۇيدىڭ تازالىعىنا كەپىلدىك ەتۋىن قاداعالاپ وتىرۋعا كەپىلدىك ەتىلدى.
ۇشىنشىدەن، ورتانى زارارسىزداندىرۋ مەن قوقسىقتاردى تازالاپ، تاسىپ اكەتۋ جۇمىسى ويداعىداي اتقارىلدى. الەۋمەتتىك اۋماقتارداعى ەسىكتەردىڭ تۇتقاسى، كوريدورداعى سۇيەنىشتەر، ليفت ءىشى، ليفت كىنوپكالارى، قوقسىق جيناۋ جانە ساقتاۋ قۇرىلعىلارى قاتارلىلاردى ءار كۇنى كەمىندە ءبىر رەت تازالاۋ جانە زارارسىزداندىرۋعا كەپىلدىك ەتىلدى. دياگنوزى تۇراقتاندىرىلعان ناۋقاس، اۋرۋ بەلگىسى جوق جۇعىمدالۋشى جانە ۇيدە اۋاشالاناتىن ادام بايقالعان كەزدە، الەۋمەتتىك اۋماق اۋرۋدى تىزگىندەۋ تاراۋلارىنىڭ جەتەكشىلىگىندە، ءبىر رەت تۇبەگەيلى زارارسىزداندىرۋدى ورىستەتىپ وتىردى، ءار كۇنى كەمىندە ەكى رەت تازالاۋعا جانە زارارسىزداندىرۋعا كەپىلدىك ەتىلدى. تۇرعىنداردىڭ ۇيدەگى لاس سۋ قۇبىرىن ۇنەمى زارارسىزداندىرىپ وتىرۋىنا جەتەكشىلىك ەتىلدى. تۇرعىندار تۇرمىستىق قوقسىقتاردى قالتالاپ جيناپ قويادى، قىزمەتكەرلەر ءار كۇنى بەلگىلەنگەن ۋاقىتتا وتباسىلارعا بارىپ، قوقسىقتى جيناپ تاسىپ اكەتەدى. ۇيدە اۋاشالانعانداردىڭ وتباسىنداعى تۇرمىستىق قوقسىقتاردى قىزمەتكەرلەر ايىرىم جيناپ، ايىرىم تاسىمالدادى ءارى مەديتسينالىق قوقسىق ولشەمى بويىنشا، ايىرىم ءبىر جاقتىلى ەتتى. جاراقسىز ەتىلگەن قىزمەت باس كيىمى، ماسكى، ءبىر رەتتىك قولعاپ، اۋاشالاۋ كيىمى قاتارلى مەديتسينالىق قوقسىقتاردى بەلگىلەمە بويىنشا قاتاڭ ءبىر جاقتىلى ەتتى.
تورتىنشىدەن، قىزمەتكەرلەردىڭ ساقتانۋ شارالارى ويداعىداي ىستەلدى. قىزمەت ورنىنا بارۋدان بۇرىن دەنە تەمپەراتۋراسىن ولشەۋ، ماسكى تاعۋ قاتارلى تالاپتار قاتاڭ اتقارىلىپ، تۇرعىندارمەن كەزدەسەتىن قىزمەتكەرلەرگە، الەۋمەتتىك اۋماقتىڭ كىرىپ – شىعۋ ەسىگىندە كۇزەتتە تۇرعان قىزمەتكەرلەرگە، ءسوزسىز، ماسكى تاعۋ، اۋاشالاۋ كيىمىن كيۋ، ۇيدە اۋاشالانعان ادامدارمەن كەزدەسكەن كەزدە، ءسوزسىز، ءبىر رەتتىك قىزمەتتىك باس كيىمدى كيۋ، مەديتسينالىق سىرتقى اۋرۋلار ماسكىسىن تاعۋ، ءبىر رەتتىك قولعاپ كيۋ، اۋاشالاۋ كيىمىن كيۋ ءارى ءبىر مەتردەن استام حاۋىپسىزدىك ارالىعىن ساقتاۋ تالاپتارى قويىلدى.
بەسىنشىدەن، ۇگىتتەۋ مەن جەتەكشىلىك ەتۋ كۇشەيتىلدى. كەلتە حات، ۋيچات قاتارلى تاسىلدەر ارقىلى ىندەتتەن ساقتانۋ جاعىنداعى ساياساتتار مەن بىلىمدەر ۇزدىكسىز ۇگىتتەلدى. ينتەرنەتتە ءتۇرلى مادەني، سپورتتىق كوڭىل اشۋ قيمىلدارىن وتكىزۋ، ينتەرنەتتە پسيحولوگيالىق كەڭەس بەرۋ قىزمەتىن ورىستەتۋ ۇيىمداستىرىلىپ، تۇرعىنداردىڭ كوڭىل – كۇيىن ورنىقتىرىپ، ىندەتتەن ساقتانۋ قىزمەتىنە تۇسىنىستىك بىلدىرۋىنە جانە سايكەسۋىنە جەتەكشىلىك ەتىلدى. تيانشان تورابىنىڭ تىلشىلەرى (گو ليڭ، دوۋ شيڭجۇن، يىن تۇڭيۋان، جانات تولقىن ۇلى حابارلايدى)
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
