مەملەكەتتىك ەڭ جوعارى عىلىم - تەحنيكا سيلىعىنىڭ يەگەرى ليۋ يۇڭتان 8 ميلليون يۋان سيلىق اقشاسىن تۇگەلدەي حاربين ونەركاسىپ داشۋەسىنە اتادى
2020.08.05 16:28 كەلۋ قاينارى : حالىق تورابى
شينحۋا اگەنتتىگى، 8 - ايدىڭ 3 – كۇنى، حاربين (ءتىلشى ياڭ سىچي). «جاي وقىتۋشى جانە عىلىم - تەحنيكا قىزمەتكەرى رەتىندە داڭقپەن مەملەكەتتىك ەڭ جوعارى عىلىم - تەحنيكا سيلىعىن الدىم، بۇل ەرەكشە داڭق ماعان عانا ءتان ەمەس، ءبىزدىڭ توبىمىزعا ءتان، وسى ۇلى داۋىردە وتانشىلدىق رۋحپەن ۇلەس قوسىپ جاتقان زيالىلارعا ءتان». 8 ـ ايدىڭ 3 ـ كۇنى 2018 ـ جىلعى مەملەكەتتىك ەڭ جوعارى عىلىم ـ تەحنيكا سيلىعىنىڭ يەگەرى، جۇڭگو ينجەنەريا اكادەمياسىنىڭ اكادەميگى، جۇڭگو عىلىم اكادەمياسىنىڭ اكادەميگى، حاربين ونەركاسىپ داشۋەسىنىڭ پروفەسسورى ليۋ يۇڭتان مەملەكەتتىك ەڭ جوعارى عىلىم ـ تەحنيكا سيلىعى 8 ميلليون يۋاندى تۇگەلدەي جىلۋعا اتاپ، يۇڭرۇي قورىن قۇردى، بۇل قور حاربين ونەركاسىپ داشۋەسىنىڭ ەلەكترون جانە ينفورماتسيا عىلىمى دارىندىلارىن جەتىلدىرۋگە جۇمسالاتىن بولدى.ليۋ يۇڭتان اكادەميك 20 - عاسىردىڭ 80 - جىلدارىنان باستاپ جاڭا ءتۇزىلىس رادارىن دەربەس زەرتتەپ اشۋدا تاباندى بولىپ، زەرتتەۋ توبىنا جەتەكشىلىك ەتىپ شەتەلدىڭ تەحنيكالىق مونوپولياسىن تالقانداپ، وتانىمىزدىڭ تەڭىز - مۇحيت رادارىنا «قىراعى كوز» سيلاپ، ەلىمىزدىڭ تەڭىز ايدىنىن باقىلاۋ - مەڭگەرۋ كولەمىنىڭ %20 كە جەتپەيتىن ورەدەن تولىق شارپۋ ورەسىنە جەتۋىنە مۇمكىندىك تۋدىردى. 2019 – جىلى 1 - ايدا ليۋ يۇڭتان 2018 – جىلعى مەملەكەتتىك ەڭ جوعارى عىلىم – تەحنيكا سيلىعىن الدى.
«مەن دامىپ، جەتىلۋىم پارتيا مەن مەملەكەتتىڭ ۇزاق ۋاقىت باۋلۋى مەن تاربيەلەۋىنىڭ، مەكتەپ پەن جولداستاردىڭ كومەگى مەن قولداۋىنىڭ ارقاسى. سيلىق العان سول ساتتە مەن سيلىق اقشانى تۇگەلدەي جىلۋعا بەرىپ، مەملەكەتكە، مەكتەپكە قارىمجى قايتارۋ ويىنا كەلگەنمىن، مۇنى ءۇي ىشىمىزدەگىلەر دە ءبىر اۋىزدان قولدادى» دەدى ليۋ يۇڭتان.
1953 - جىلى ليۋ يۇڭتان، فىڭ بيڭرۇي حاربين ونەركاسىپ داشۋەسىنە وقۋعا بارادى، كەيىن ەكەۋى دە مەكتەپتە قالىپ وقىتۋشىلىقپەن شۇعىلدانادى. 60 نەشە جىلدان بەرى ەرلى - زايىپتى ەكەۋى عىلمي زەرتتەۋدىڭ، وقىتۋدىڭ ءبىرىنشى شەبىندە بەرىك تۇرىپ، وقۋ ـ اعارتۋ ىستەرىنە ۇلەس قوستى، انا مەكتەپتەرىمەن تەرەڭ سۇيىسپەنشىلىك ورناتتى. ليۋ يۇڭتان بىلاي دەدى: يۇڭرۇي قورىن قۇرۋداعى باستى ماقساتىمىز، مەملەكەت قورعانىسى، ەلەكترون ينجەنەرياسى سالاسىنا نازار اۋدارىپ، مەكتەپتىڭ ءتىپتى دە كوپ دارىندى تاربيەلەۋىنە، ەلىمىزدىڭ اناعۇرلىم كوپ ماڭىزدى قارۋىن قالىپتاستىرۋىنا دەم بەرۋ.
حاربين ونەركاسىپ داشۋەسى پارتكومىنىڭ شۋجيى شيۇڭ سىحاۋ بىلاي دەدى: بيىل − حاربين ونەركاسىپ داشۋەسى قۇرىلعانىنىڭ 100 جىلدىعى، ليۋ يۇڭتان اكادەميك بارلىق وقىتۋشى ـ وقۋشىلارعا ۇلەس قوسىپ، كورنەكتى ناتيجە جاراتۋدىڭ ۇلگىسىن قالىپتاستىردى. مەكتەبىمىز دارىندىلاردى جەتىلدىرۋ رەفورماسىن، عىلمي زەرتتەۋ ءتۇزىلىسى رەفورماسىن جانە كادرلار ءتۇزىمى رەفورماسىن جەدەل ىلگەرىلەتىپ، جاسامپاز دارىندىلاردى تاربيەلەۋدى ىشكەرىلەي ىلگەرىلەتىپ، جاڭا داۋىردە «بەدەلدى ۇستاز + زەرتتەۋ توبى» ۇلگىسىندەگى زور توپتاعى زەرتتەۋ توبىن قالىپتاستىرىپ، عىلىم - تەحنيكادا اناعۇرلىم كوپ، جاڭا، كەلەلى ناتيجە جاراتادى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
