شينجياڭ ءتۇرلى شارالار ارقىلى وقۋ تاۋىساتىن ستۋدەنتتەردىڭ كاسىپتەنۋىنە دەم بەردى
قىزمەت وتەۋدە تۇگەل قامتىپ، قىزمەتكەر قابىلداۋدى جاپپاي ورىستەتتى
2020.08.03 14:33 كەلۋ قاينارى : حالىق تورابى
حالىق گازەتىنىڭ ءتىلشىسى ارداقتىڭ 8 – ايدىڭ 2 – كۇنى ۇرىمجىدەن بەرگەن حابارى. 8 – ايدىڭ 1 – كۇنى شينجياڭ ۇيعۇر اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسى پارتگرۋپپاسىنىڭ ورىنباسار شۋجيى، مەڭگەرمە باستىعى راحمانجاننىڭ تانىستىرۋىنشا، شينجياڭ مەكتەپ تاۋىسسا دا، ءالى دە كاسىپتەنە الماعان جوعارى مەكتەپتەن وقۋ تاۋىسقانداردى باستى ءتۇيىن ەتە وتىرىپ، كاسىپتەنۋگە قىزمەت وتەۋدى اناعۇرلىم كەمەلدەندىرىپ، كاسىپتەنبەگەن جوعارى مەكتەپتەن وقۋ تاۋىسقانداردىڭ ەرتەرەك كاسىپتەنۋىنە دەم بەردى.
جالپى بەتتىك قامتىعان تىزىمگە الۋ قىزمەتىن ورىستەتتى. ادام كۇشى بايلىعى جانە قوعامدىق قامتاماسىزداندىرۋ مەڭگەرمەسى «شينجياڭداعى جوعارى مەكتەپتەن وقۋ تاۋىسقانداردىڭ شىن اتى – ءجونى ينفورماتسيا جۇيەسى» ارقىلى، اۆتونوميالى رايون بويىنشا مەكتەپتەن قول ۇزگەنىمەن، ءالى كاسىپتەنبەگەن جوعارى مەكتەپ تاۋىسقانداردىڭ شىن اتى – ءجونىن تۋعان جەرى بويىنشا شينجياڭداعى ءارقايسى ايماق، وبلىس، قالالارعا، ءارقايسى اۋدان، قالا، رايوندارعا تۇگەل جوتكەپ بەردى. جەر – جەر «العاش تىزىمدەگەن ورىن جاۋاپتى بولۋ ءتۇزىمىن» اتقارىپ، الەۋمەتتىك اۋماق پەن قىستاقتى نەگىز ەتىپ، باسقارۋ اۋماعىنداعى جوعارى مەكتەپتەن وقۋ تاۋىسقاندارمەن ءبىر – بىرلەپ تۇگەل حابارلاسىپ، جوعارى مەكتەپتەن وقۋ تاۋىسقان كاسىپتەنبەگەندەردىڭ قىزمەت ىزدەۋ تىلەكتەرىن، قىزمەت وتەۋ جاعىنداعى قاجەتسىنۋلەرىن ءتۇيىندى تۇردە اداقتاپ، شىن اتى بويىنشا ەستەلىككە الۋ ءتۇزىمىن ورناتتى. جالپى بەتتىك ۇگىتتەۋ قىزمەتىن ورىستەتتى.
«شينجياڭ ادام كۇشى بايلىعى جانە قوعامدىق قامتاماسىزداندىرۋ مەڭگەرمەسىنىڭ» رەسمي دوۋيىن تەكشەسى، شينجياڭ ادام كۇشى بايلىعى جانە قوعامدىق قامتاماسىزداندىرۋ مەڭگەرمەسىنىڭ رەسمي تورابى، شينجياڭ الەۋمەتتىك كاسىپتەنۋگە قىزمەت وتەۋ تورابى قاتارلى ينتەرنەتتىك قىزمەت وتەۋ تەكشەلەرى ارقىلى كاسىپتەنۋ جاعىنداعى ساياساتتاردى، قىزمەت ورىندارى جونىندەگى ينفورماتسيالاردى، قىزمەت وتەۋ باعدارنامالارىن جاريالادى. كاسىپتەنۋگە جاپپاي قىزمەت وتەۋدى ورىستەتتى. شينجياڭ قىزمەتكەر قابىلداۋشى ورىندار مەن جوعارى مەكتەپتەن وقۋ تاۋىسقانداردى «شينجياڭ الەۋمەتتىك كاسىپتەنۋگە قىزمەت وتەۋ تورابى»، «شينجياڭ جوعارى مەكتەپتەن وقۋ تاۋىسقانداردىڭ كاسىپتەنۋىنە قىزمەت وتەۋ تەكشەسى» ۋيچات شاعىن پروگرامماسى قاتارلىلار ارقىلى ينتەرنەتتە قوس باعىتتا تاڭداۋعا، ينتەرنەت ارقىلى كەلىسىمشارتقا قول قويۋعا شابىتتاندىرىپ، جوعارى مەكتەپتەن وقۋ تاۋىسقانداردىڭ كاسىپتەنۋ كەلىسىمشارتىنا «بەتپە – بەت كەزدەسپەي» قول قويۋدى جولعا قويدى، سونىمەن بىرگە، ءتۇرلى كاسىپورىنداردىڭ، ۇكىمەت قارجىلاندىرعان نىسانداردىڭ، ءىس ورىنداردىڭ قىزمەتكەر قابىلداۋ ينفورماتسيالارىن شوعىرلاندىرىپ، قىزمەتكەر قابىلداۋ ينفورماتسيالارىن ءجيى جاريالاپ، ينتەرنەتتە ارناۋلى تۇردە قىزمەتكەر قابىلداۋ جينالىستارىن ۇزدىكسىز ورىستەتتى.
7 – ايدىڭ 31 – كۇنىنە دەيىن، شينجياڭ ۇيعۇر اۆتونوميالى رايونىنا قاراستى جاي جوعارى مەكتەپتەردەن وقۋ تاۋىسقانداردىڭ سانى 102 مىڭ 300 ادام بولىپ، مۇندا 66975 ادام كاسىپتەنىپ بولعان، كاسىپتەنۋ مولشەرى %65.5 بولعان؛ ىشكى ولكەلەردەگى جاي جوعارى مەكتەپتەردەن وقۋ تاۋىسىپ، شينجياڭعا قايتىپ تىزىمدەلگەن شينجياڭدىق وقۋشىلاردىڭ سانى 18625 ادام بولىپ، مۇندا 12269 ادام كاسىپتەنىپ بولعان، كاسىپتەنۋ مولشەرى %65.87 بولىپ، بىلتىرعى وسى مەزگىلدەگىمەن سالىستىرعاندا نەگىزىنەن ۇقساس ورەنى ساقتاعان.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
