قوعام حاۋىپسىزدىگى مينيسترلىگى بازار تۇلعالارىن قورعاۋ، قولداۋ ساياساتىن تياناقتاندىرۋدى تالاپ ەتتى
ەكونوميكالىق داۋ - شارعا ۇيلەسىمسىز ارالاسۋ قاتاڭ تەكسەرىلەدى
2020.07.28 16:18 كەلۋ قاينارى : حالىق تورابى
«حالىق گازەتى»، 7 - ايدىڭ 27 - كۇنى، بەيجيڭ (ءتىلشى جاڭ سۇڭ). قوعام حاۋىپسىزدىگى مينيسترلىگى بىرنەشە كۇننىڭ الدىندا ءماجىلىس اشىپ، ءار دارەجەلى قوعام حاۋىپسىزدىگى ورگاندارىنان فۋنكتسيالىق رولىن تولىق ساۋلەلەندىرىپ، زاڭمەن باسقارۋدى قامتاماسىزداندىرۋدى كۇشەيتىپ، قىزمەت وتەۋدى، باسقارۋدى ساپالىلاندىرىپ، بازار تۇلعالارىن قورعاۋ، قولداۋ، بازار تۇلعالارىنىڭ ومىرشەڭدىگىن قاۋلاتۋ جونىندەگى ساياساتتىق شارالاردى شىنايى تياناقتاندىرۋدى تالاپ ەتتى.
قوعام حاۋىپسىزدىگى مينيسترلىگى مىنانى تالاپ ەتتى: كاسىپورىنداردىڭ ءوندىرىس، تيجاراتىنا كەدەرگى بولاتىن زاڭعا قايشى قىلمىستىق ارەكەتتەرگە زاڭ بويىنشا سوققى بەرىپ، كاسىپورىنداردىڭ اڭىسى كۇشتى بولعان توقتام الدامكوستىگى، زاڭسىز تيجارات، «الدامشىلىق قارىزى»، ءبىلىم مەنشىگى ۇقىعىنا قول سۇعۋ سياقتى كورنەكتى ماسەلەلەردى قاداعالاپ، ءتۇيىندى رايونداردى جانە ءتۇيىندى كاسىپ، سالالاردى قاداعالاپ، ارناۋلى سوققى بەرۋدى، جونگە سالۋدى دەر كەزىندە ورىستەتىپ، قاساقانا زاقىمداۋ، زاڭسىز قاماپ قويۋ، قوقان - لوقى جاساۋ، مال - مۇلىكتى ءبۇلدىرۋ سياقتى تيجارات تۇلعالارىنىڭ باس اماندىعىنا زيان جەتكىزەتىن زاڭعا قايشى قىلمىستىق ارەكەتتەرگە قاتاڭ سوققى بەرىپ، زورلىق - زومبىلىق ىستەۋ، زورلىقپەن ساتىپ الۋ، زورلىقپەن ساتۋ، جات نيەتپەن جۇمىس توقتاتۋ، قارىزدى زورلىقتى كۇشپەن قايتارىپ الۋ سياقتى قارا، سۇرقيا كۇشتەردىڭ زاڭعا قايشى قىلمىستىق ارەكەتتەرىنە قاتاڭ سوققى بەرىپ، كاسىپورىندار مەن تيجاراتشىلاردىڭ زاڭدى ۇقىق - مۇددەسىن باتىل قورعاۋ كەرەك. كەڭشىلىك ەتۋ مەن قاتاڭ جازالاۋ ۇشتاستىرىلعان قىلمىستىق ىستەر ساياساتىندا تاباندى بولىپ، قاماۋ سيپاتىندىق ماجبۇرلەۋ شارالارىن قولدانۋدى زاڭ بويىنشا ازايتىپ، مال - مۇلىككە بايلانىستى ماجبۇرلەۋ شارالارىن بايسالدىلىقپەن قولدانىپ، قىلمىستىق ىستەر بويىنشا دەلو تۇرعىزۋدى، دەلو قاراستىلىعىن جانە ءوڭىر اتتاپ سەلبەستىك جاساۋدى قاتاڭ ارناعا ءتۇسىرىپ، زاڭ اتقارۋ، ءادىليا ارەكەتتەرىنىڭ كاسىپورىننىڭ قالىپتى ءوندىرىس - تيجاراتىنا جاسايتىن ىقپالىن مۇمكىندىكتىڭ بارىنشا ازايتۋ كەرەك.
قوعام حاۋىپسىزدىگى جۇيەسىندەگى ۇكىمەت قۇرىلىمدارىن ىقشامداپ، ۇقىقتى تومەنگە بەرۋ، ۇقىقتى تومەنگە بەرۋ مەن باسقارۋدى ۇشتاستىرۋ، قىزمەت وتەۋدى ساپالىلاندىرۋ رەفورماسىن اناعۇرلىم تەرەڭدەتۋ ءۇشىن، قوعام حاۋىپسىزدىگى مينيسترلىگى ەكونوميكالىق، قوعامدىق دامۋعا قىزمەت وتەۋدەگى، كاسىپورىندارعا، بۇقاراعا قىزمەت وتەۋدەگى 60 ءتۇرلى شارانى ىشكەرىلەي ىلگەرىلەتىپ، «ينتەرنەت + قوعام حاۋىپسىزدىگى اكىمشىلىك قىزمەت وتەۋ» تەكشەسى قۇرىلىسىن ءۇرتىس ىلگەرىلەتىپ، ناپوس باسقارۋ، جول قاتىناسى، كوشپەندىلەر جانە شەكارادان كىرىپ - شىعۋ قاتارلى باسقارۋ، قىزمەت وتەۋ سالالارىندا ۇزدىكسىز كۇش سالىپ، كاسىپورىنداردىڭ دامۋىنا قىزمەت وتەپ، بازار تۇلعالارىنىڭ ومىرشەڭدىك كۇشىن تاسقىنداتاتىن جاڭا ساياسات، جاڭا شارالاردى ۇزدىكسىز زەرتتەپ العا قويۋدى تالاپ ەتتى.
ۇكىمەت پەن ساۋدانىڭ ەتەنە، پاك قاتىناسىن ورناتۋدى ىلگەرىلەتىپ، كاسىپورىنداردىڭ ساۋدا ورتاسىن ساپالىلاندىرۋ ءۇشىن، قوعام حاۋىپسىزدىگى مينيسترلىگى زاڭ اتقارۋ، دەلو ىستەۋ بارىسىنداعى ۇقىعىنان پايدالانۋ، بەتكە قاراپ زاڭدى بۇزۋ، ۇقىقتى مايعا الۋ ماسەلەسىن، ۇقىق پەن اقشا ساۋداسى، ساۋدا پاراقورلىعى سياقتى اكىمشىلىك پەن ساۋدانىڭ قاتىناسى مەن ساۋدا ورتاسىنا زيان جەتكىزۋ ماسەلەلەرىنە قاداعالاي نازار اۋدارۋدى، 12389 كاسىپورىندارعا باعىتتالعان ارىز - شاعىم تەكشەسىنىڭ دەرەكتەرىن قابىلداۋ جانە تەكسەرۋ قىزمەتىن ويداعىداي ىستەۋدى تالاپ ەتتى. قوعام حاۋىپسىزدىگى ورگاندارى الدا كاسىپورىندارعا قاتىستى دەلولاردا زاڭدى ءادىل اتقارماي، زاڭ اتقارۋدا قاتاڭ بولماي، دەلو بولا تۇرا تۇرعىزباۋ، باسىپ قويىپ تەكسەرمەۋ، كوڭىلگە قاراپ دەلو ىستەۋ، بايلانىسقا قاراپ دەلو ىستەۋ، اقشاعا قاراپ دەلو ىستەۋ قاتارلى ماسەلەلەردى شوعىرلى جونگە سالادى، قىلمىستىق ىستەر ءادىلياسى ءتاسىلى بويىنشا ەكونوميكالىق داۋ ـ شارلارعا ورىنسىز كيلىگۋ، ۇقىقتان، كولەمنەن، مولشەردەن، ۋاقىت شەگىنەن اسىرا پەشەتتەۋ، ۇستاپ قالۋ، مۇزداتۋ، كاسىپورىندار مەن بۇقارانىڭ قالىپتى ءوندىرىس - تيجاراتىنا ىقپال جاساۋ ماسەلەلەرىن باتىل تەكسەرىپ ءبىر جاقتى ەتەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
