پروكۋراتۋرا ورگاندارى الدىڭعى جارتى جىلدا ىندەتتەن ساقتانۋ - تىزگىندەۋگە كەدەرگىلىك جاساۋ، زيان كەلتىرۋ جونىندە 4 مىڭ 527 دەلوعا قاتىستى 5 مىڭ 565 ادام ۇستىنەن ايىپتاۋ ءتۇسىردى
2020.07.27 16:38 كەلۋ قاينارى : حالىق تورابى
شينحۋا اگەنتتىگى، 7 - ايدىڭ 26 - كۇنى، بەيجيڭ (ءتىلشى چىن فەي). ءتىلشىنىڭ 7 - ايدىڭ 26 - كۇنى ەڭ جوعارى حالىق پروكۋراتۋراسىنان ۇعىسۋىنشا، بيىل الدىڭعى جارتى جىلدا بۇكىل ەلدەگى پروكۋراتۋرا ورگاندارى ىندەتكە ساياتىن دەلولاردى زاڭ بويىنشا قاتاڭ باسقارىپ، ىندەتتەن ساقتانۋ - تىزگىندەۋگە كەدەرگى بولعان 4 مىڭ 480 دەلوعا قاتىستى 5 مىڭ 370 ادامدى قولعا الۋدى بەكىتىپ، 4 مىڭ 527 دەلوعا قاتىستى 5 مىڭ 565 ادامعا ايىپتاۋ جۇرگىزگەن.
ەڭ جوعارى حالىق پروكۋراتۋراسىنىڭ قاتىستى جاۋاپتىسى تانىستىرىپ بىلاي دەدى: ارىز بەرىلگەن دەلولاردا جالعان، جاراقسىز ىندەتتەن ساقتانۋ بۇيىمدارىن جاساۋ، ساتۋ قىلمىسى، ىندەتتەن ساقتانۋ بۇيىمدارىن جالعان ساتۋ، الداپ ساتۋ قىلمىسى، ىندەتتەن ساقتانۋ بۇيىمدارىنىڭ، ءوندىرىس بۇيىمدارىنىڭ، حالىق تۇرمىسىنا قاجەتتى زاتتىق بۇيىمداردىڭ باعاسىن جوعارىلاتۋ سياقتى قىلمىستار ءبىرشاما كورنەكتى بولدى.
تانىستىرۋعا قاراعاندا، ەڭ جوعارى حالىق پروكۋراتۋراسى ەڭ جوعارى حالىق سوتى مەكەمەسى قاتارلى ورىندارمەن سەلبەسىپ جەتەكشى پىكىر جاريالاپ، جالعان، جاراقسىز زاتتاردى جاساۋ، ساتۋ سياقتى 9 ءتۇرلى قىلمىستى سوققى بەرۋدىڭ ءتۇيىنى ەتىپ، ىندەتتەن ساقتانۋ - تىزگىندەۋ قوعام ءتارتىبىن قورعاعان؛ قوعام حاۋىپسىزدىگى مينيسترلىگىمەن سەلبەسىپ «زات باعاسىن دۇرمەكپەن ءوسىرۋ قىلمىسىن وتكىزۋ تيپتىك دەلولارىن زاڭ بويىنشا قاتاڭ جازالاپ»، زاڭسىز ەلەمەنتتەرگە قاتاڭ ەسكەرتۋ بەرگەن؛ كەيبىر جەرلەردە شيپاگەرلەردى مازالاۋ وقيعاسىنىڭ ءۇرتىس تۋىلۋىنا قاراتا، مەملەكەتتىك دەنساۋلىق ساقتاۋ، سالاماتتىق كوميتەتىمەن بىرگە ۇقتىرۋ شىعارىپ، قاتىستى تيپتىك دەلولاردى دەر كەزىندە جاريالاپ، ەمدەۋگە ساياتىن 7 ءتۇرلى قىلمىستى قاتاڭ جازالاعان.
ءتىلشىنىڭ ۇعىسۋىنشا، كاسىپورىنداردىڭ ءوندىرىس – تيجاراتتى جەدەل قالپىنا كەلتىرۋىنە دەم بەرۋ ءۇشىن، پروكۋراتۋرا ورگاندارى دەلو ىستەۋ ءتاسىلىن ساپالىلاندىرىپ، دەلو ىستەۋ اياق الىسىن شىنايى تەزدەتكەن. تولىقتاپ بارلاۋعا قايتارۋ قىزمەتىنىڭ ساپاسىن جوعارىلاتۋعا باسا ءمان بەرىپ، ارىز - شاعىم بۋىندارى مەن دەلو ىستەۋ مەرزىمىن ۇتىمدى قىسقارتقان. الدىڭعى جارتى جىلدا بۇكىل ەلدەگى پروكۋراتۋرا ورگاندارى ىندەتكە قاتىستى 6 مىڭ 289 دەلونى الدىن الا قابىلداعان، بۇل ىندەتكە قاتىستى تەكسەرىپ ايىپتالعان دەلولاردىڭ %92.8 ىن ۇستاعان؛ قىلمىستىق ىستەر دەلوسىنان جاي ءتارتىپ بويىنشا 17 مىڭ 394 دەلونى قاراپ اياقتاتقان، 77 مىڭ 649 دەلوعا تەز كەسىم جاساۋ ءتارتىبىن قولدانعان؛ تەكسەرىپ ايىپتالعان دەلولاردى ءبىر جاقتى ەتۋدە تەكسەرۋگە قايتارىلعان دەلو سانى وتكەن جىلدىڭ ۇقساس مەزگىلىندەگىدەن %21.3 تومەندەگەن، قاراۋ مەرزىم شەگىن ۇزارتۋ مولشەرى وتكەن جىلدىڭ ۇقساس مەزگىلىندەگىدەن %28.4 تومەندەگەن؛ 5 مىڭ 222 دەلو وزدەرى تولىقتاپ بارلاۋعا جىبەرىلىپ، وتكەن جىلدىڭ ۇقساس مەزگىلىندەگىمەن سالىستىرعاندا 8 ەسەدەن استام جوعارىلاعان.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
