شينجياڭ ينتەرنەت ينفورماتسيا كەڭسەسى قاتارلى قاتىستى تاراۋلار ىندەتكە قاتىستى وسەك – اياڭدى قۇراستىرعان جانە تاراتقان تيپتىك دەلولاردان التى دەلونى انىقتادى ءارى ءبىرجاقتىلى ەتتى
2020.07.22 13:08 كەلۋ قاينارى : حالىق تورابى
تيانشان تورابىنىڭ حابارى. جۋىردا شينجياڭدا جاڭا تيپتى ايدارشا ۆيروس وكپە قابىنۋ ىندەتىنە شالدىقتى دەپ جاڭادان دياگنوز قويىلعان ناۋقاستار مەن اۋرۋ بەلگىسى جوق جۇعىمدالۋشىلار بايقالدى، بۇل ءىس بۇكىل ەل حالقىن الاڭداتتى. وسىعان بايلانىستى اۆتونوميالى رايوندىق پارتكوم مەن اۆتونوميالى رايوندىق حالىق ۇكىمەتى دەرەۋ ورنالاستىرۋ جاساپ، ءار ۇلت جۇرتشىلىعى بەلسەندى ءۇن قوسىپ، باۋىرلاس ولكەلەر جەدەل جاردەمدەسىپ، ىندەتكە توتەپ بەرۋ ارەكەتىنە جۇدىرىقتاي جۇمىلدى، الايدا، كەيبىر توراپتاستار ينتەرنەتتە ىندەتكە قاتىستى وسەك – اياڭداردى قۇراستىرىپ جانە تاراتىپ، ىندەتتەن ساقتانۋ جانە ونى تىزگىندەۋ ءتارتىبىن ءبۇلدىرىپ، قوعامدا ناشار ىقپال تۋدىردى. شينجياڭ ۇيعۇر اۆتونوميالى رايوندىق ينتەرنەت ينفورماتسيا كەڭسەسى مەن اۆتونوميالى رايوندىق قوعام حاۋىپسىزدىگى مەكەمەسى جۇرتشىلىق مالىمدەگەن ءجىپ ۇشتارىنا نەگىزدەلە وتىرىپ، «جۇڭحۋا حالىق رەسپۋبليكاسىنىڭ اماندىق باسقارۋعا قايشىلىق جاساعانداردى جازالاۋ زاڭى»، «ينتەرنەتتە ينفورماتسيالىق قىزمەت وتەۋ ىستەرىن باسقارۋ ءادىسناماسى»، «شينجياڭ ۇيعۇر اۆتونوميالى رايوندىق ينتەرنەتتە جالعان ينفورماتسيالاردى تاراتۋدان ساقتانۋ جانە تاراتۋشىلاردى جازالاۋ – جونگە سالۋ ەرەجەسى» قاتارلى زاڭ – تۇزىمدەرگە ساي، وسەك – اياڭ تاراتقان قاتىستى ادامداردى انىقتادى ءارى ءبىرجاقتىلى ەتتى.
ءبىرىنشى دەلو، قاشقار ايماعىنداعى ليۋ X، تۇڭ X قاتارلى 4 توراپتاستىڭ ىندەتكە قاتىستى وسەك – اياڭ قۇراستىرۋ ءارى تاراتۋ دەلوسى
2020 – جىلى 7 – ايدىڭ 17 – كۇنى، توراپتاستار ليۋ X (ايەل، حانزۋ، 27 جاستا، نوپوسى جياڭسۋ ولكەسى شۇيجوۋ قالاسىندا)، تۇڭ X (ەر، حانزۋ، 41 جاستا، نوپوسى قاشقار ايماعى قاشقار قالاسىندا)، حۋاڭ X (ەر، جۋاڭزۋ، 34 جاستا، نوپوسى گۋاڭشي جۋاڭزۋ اۆتونوميالى رايونى چۇڭزو قالاسىندا)، جاي X (ەر، حانزۋ، 29 جاستا، نوپوسى حىنان ولكەسى لوياڭ قالاسىندا) قاتارلىلاردىڭ ۋيچات توبىندا «قاشقاردا X X ادامنىڭ دياگنوزى تۇراقتاندىرىلىپتى» دەگەن وسەك – اياڭدى قۇراستىرعانىن ءارى تاراتقانىن مالىمدەگەن. تەكسەرۋ ارقىلى ءارى قاتىستى زاڭ – تۇزىمدەرگە نەگىزدەلە وتىرىپ، قوعام حاۋىپسىزدىگى ورگانى زاڭ بويىنشا ليۋ X، تۇڭ X قاتارلى ءتورت ادامعا ەسكەرتۋ بەرۋ جازاسىن بەردى.
ەكىنشى دەلو، قارامايلى قالاسىنداعى شيڭ X توراپتاستىڭ ىندەتكە قاتىستى وسەك – اياڭ قۇراستىرۋ جانە تاراتۋ دەلوسى
2020 – جىلى 7 – ايدىڭ 17 – كۇنى، توراپتاستار شيڭ X نىڭ (ايەل، حانزۋ، 33 جاستا، نوپوسى شانشي ولكەسى شي – ان قالاسىندا) ۋيچات توبىندا «قارامايلى قالاسىندا دياگنوزى تۇراقتانعان ناۋقاس شىقتى» دەگەن وسەك – اياڭدى قۇراستىرعانىن ءارى تاراتقانىن مالىمدەگەن. تەكسەرۋ ارقىلى جانە قاتىستى زاڭ – تۇزىمدەرگە نەگىزدەلە وتىرىپ، قوعام حاۋىپسىزدىگى ورگانى زاڭ بويىنشا شيڭ X گە ەسكەرتۋ بەرۋ جازاسىن بەردى.
ءۇشىنشى دەلو، اقسۋ ايماعىنداعى توراپتاستار لي X مەن چىن X نىڭ ىندەتكە قاتىستى وسەك – اياڭ قۇراستىرۋ جانە تاراتۋ دەلوسى
2020 – جىلى 7 – ايدىڭ 17 – كۇنى، توراپتاستار لي X (ەر، حانزۋ، 28 جاستا، نوپوسى حىنان ولكەسى انياڭ قالاسىندا) مەن چىن X دىڭ (ەر، حانزۋ، 23 جاستا، نوپوسى اقسۋ ايماعى شايار اۋدانىندا) ۋيچات توپتارىندا «شايار اۋدانى تۇستەن كەيىن تۇيىقتالادى ەكەن» دەگەن وسەك – اياڭدى قۇراستىرعانىن جانە تاراتقانىن مالىمدەگەن. تەكسەرۋ ارقىلى ءارى قاتىستى زاڭ – تۇزىمدەرگە نەگىزدەلە وتىرىپ، قوعام حاۋىپسىزدىگى ورگانى زاڭ بويىنشا لي X مەن چىن X ەكەۋىن سىن ايتىپ، تاربيە بەردى ءارى 500 يۋاننان اقشالاي ايىپ سالدى.
ءتورتىنشى دەلو، ءۇرىمجى قالاسىنداعى جين X توراپتاستىڭ ىندەتكە قاتىستى وسەك – اياڭ قۇراستىرۋ جانە تاراتۋ دەلوسى
2020 – جىلى 7 – ايدىڭ 18 – كۇنى، توراپتاستار
جين X (ايەل، حانزۋ، 64 جاستا، نوپوسى ءۇرىمجى قالاسى تيانشان رايونىندا) ۋيچات توبىندا «وسى جولى ۇرىمجىدە تۋىلعان ىندەت قازاقستاننان كەلگەن ايەلدىڭ نۋكلەين قىشقىلىن تەكسەرتپەۋى جانە اۋاشالاۋ شاراسىن اتقارماۋى سەبەپتى تۋىلعان» دەگەن وسەك – اياڭ قۇراستىرعانىن جانە تاراتقانىن مالىمدەگەن. تەكسەرۋ ارقىلى ءارى قاتىستى زاڭ – تۇزىمدەرگە نەگىزدەلە وتىرىپ، قوعام حاۋىپسىزدىگى ورگانى زاڭ بويىنشا جين X دى اكىمشىلىك جاقتان قاماۋعا العان ءارى وعان اقشالاي 500 يۋان ايىپ سالعان.
بەسىنشى دەلو، ءۇرىمجى قالاسىنداعى توراپتاس شىن X دىڭ ىندەتكە قاتىستى وسەك – اياڭ قۇراستىرۋ جانە تاراتۋ دەلوسى
2020 – جىلى 7 – ايدىڭ 9 – كۇنى، توراپتاستار شىن X (ەر، حانزۋ، 64 جاستا، نوپوسى ءۇرىمجى قالاسى سايباق رايونىندا) ۋيچات توبىندا ىندەتكە قاتىستى وسەك – اياڭ تاراتقانىن مالىمدەگەن. تەكسەرۋ ارقىلى ءارى قاتىستى زاڭ – تۇزىمدەرگە نەگىزدەلە وتىرىپ، قوعام حاۋىپسىزدىگى ورگانى شىن X دى زاڭ بويىنشا ءبىرجاقتىلى ەتتى.
التىنشى دەلو، سانجى حۇيزۋ اۆتونوميالى وبلىسىنداعى ما X توراپتاستىڭ ىندەتكە قاتىستى وسەك – اياڭ تاراتۋ دەلوسى
2020 – جىلى 7 – ايدىڭ 20 – كۇنى، توراپتاستار ما X (ايەل، حانزۋ، 44 جاستا، نوپوسى سانجى وبلىسى سانجى قالاسىندا) ءوزىنىڭ دوستار شەڭبەرىندە «7 – ايدىڭ 20 – كۇنى تۇستەن بۇرىن! شينجياڭداعى ءبىر جۇعىمدالۋشى اشۋعا باسىپ، الەۋمەتتىك اۆتوبۋستى ورتەپ جىبەرىپ، 47 ادامدى تىرىدەي كۇيدىرىپ ءولتىردى، ناق مايداندا شىڭعىرعان داۋىستار شوشىنارلىق!!» دەگەن تاقىرىپتاعى وسەك – اياڭدى جوتكەپ تاراتقانىن مالىمدەگەن. تەكسەرۋ ارقىلى ءارى قاتىستى زاڭ – تۇزىمدەرگە نەگىزدەلە وتىرىپ، قوعام حاۋىپسىزدىگى ورگانى ما X عا زاڭ بويىنشا ەسكەرتۋ بەرۋ جازاسىن بەردى.
ينتەرنەت ينفورماتسيا كەڭسەسى مەن قوعام حاۋىپسىزدىگى ورگانى مىنانى قايتالاي ەسكەرتەدى: ينتەرنەت زاڭنان تىسقارى جەر ەمەس، بارشا توراپتاستار ىندەتكە قاتىستى ينفورماتسيالاردى، ءسوزسىز، بەدەلدى اقپارات قۇرالدارىنان جانە رەسمي جولدار ارقىلى ۇعىسۋى كەرەك، كەلۋ قاينارى بەلگىسىز، راستاۋدان وتپەگەن ىندەتكە قاتىستى ينفورماتسيالارعا وڭاي سەنە كەتپەۋى جانە تاراتپاۋى، وزىنشە دولبارلاۋ ارقىلى ىندەتكە قاتىستى جالعان ينفورماتسيالار مەن ىندەتتەن ساقتانۋ جانە ونى تىزگىندەۋگە قاتىستى جالعان شارالاردى قۇراستىرماۋى جانە تاراتپاۋى قاجەت، ينتەرنەتتە وسەك – اياڭ تاراتىپ، الەۋمەتتىك ءتارتىپتى بۇلدىرەتىن وسەك – اياڭ تاراتۋ سىندى زاڭعا قايشى ارەكەتتەردى قاتىستى تاراۋلار زاڭ – ءتۇزىم بويىنشا ءبىرجاقتىلى ەتەدى. بارشا توراپتاستاردىڭ زاڭدى ءبىلىپ، زاڭدى قورعاپ، تومەنگى شەكتەن اتتاماۋىن، وسەك – اياڭ قۇراستىرماۋىن، وسەك – اياڭعا سەنبەۋىن، وسەك – اياڭ تاراتپاۋىن، تاماشا ينتەرنەت ورتاسىن بىرگە قورعاپ، ءبىر نيەتپەن ىنتىماقتاسا وتىرىپ، جۇدىرىقتاي جۇمىلىپ، ىندەتتەن ساقتانۋ جانە ونى تىزگىندەۋدىڭ توسقاۋىلداپ سوققى بەرۋ شايقاسىنىڭ جەڭىسىنە قول جەتكىزۋگە كۇش سالۋىن ءۇمىت ەتەمىز.
سونىمەن بىرگە، قالىڭ توراپتاستاردىڭ ينتەرنەتتەگى زاڭ – تۇزىمگە قايشى جاريالاعان ينفورماتسيالاردى بەلسەندى تۇردە مالىمدەۋىن قارسى الامىز، مالىمدەۋدە ەڭبەك كورسەتكەندەر سيلانادى.
مالىمدەۋ تاسىلدەرى:
توراپ ءادىرىسى: www.xjwljb.com
تەلەفون: 0991-2384777
ەلحات: xjwljb@xjts.cn
ميكروبلوگ: @新疆网络举报
ۋيچات تەكشەسى: 新疆网络举报
ساقشىعا مالىمدەۋ تەلەفونى: 110
كەلتە حات ارقىلى ساقشىعا مالىمدەۋ ءنومىرى: 12110
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
