شي جينپيڭ جيليندە قىزمەت تەكسەرگەندە بىلاي دەپ دارىپتەدى
جاڭا دامۋ ۇستانىمىندا تاباندى بولىپ، شىعىس سولتۇستىكتى گۇلدەندىرۋ ستراتەگياسىن ىشكەرىلەي اتقارىپ، جاڭا داۋىردەگى جيليننىڭ جالپى بەتتىك گۇلدەنۋىن، جان - جاقتى گۇلدەنۋىن جەدەل ىلگەرىلەتۋ كەرەك
2020.07.27 16:29 كەلۋ قاينارى : حالىق تورابى
«حالىق گازەتى»، 7 - ايدىڭ 24 - كۇنى، چاڭچۇن. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جاقىندا جيليندە قىزمەت تەكسەرگەندە بىلاي دەپ دارىپتەدى: پارتيا ورتالىق كوميتەتىنىڭ شەشىم، ورنالاستىرۋلارىن شىن مانىندە تياناقتاندىرىپ، ورنىقتىلىق بارىسىندا ىلگەرىلەۋ قىزمەت جالپى ارناسىنان جازباي، جاڭا دامۋ ۇستانىمىندا تاباندى بولىپ، ءۇش ءىرى قامال الۋ شايقاسىن باتىل ويداعىداي جۇرگىزىپ، «التىنى ورنىقتىرۋ» قىزمەتىن تىڭعىلىقتى ويداعىداي ىستەپ، «التىنى قامتاماسىز ەتۋ» مىندەتىن جاپپاي تياناقتاندىرىپ، شىعىس سولتۇستىكتى گۇلدەندىرۋ ستراتەگياسىن ىشكەرىلەي اتقارىپ، جاپپاي دوڭگەلەك داۋلەتتى قوعام ورناتۋدىڭ جەڭىسىنە قول جەتكىزىپ، كەدەيلىكتەن ارىلتۋدان قامال الۋ شەشۋشى شايقاسىن جۇرگىزىپ، پارتيا مەن مەملەكەت قىزمەتىنىڭ جالپى جاعدايىنا قىزمەت ەتۋ بارىسىندا جاڭا جاۋاپكەرلىكتى ايگىلەپ، ساپاسى اناعۇرلىم جوعارى، ونىمدىلىگى اناعۇرلىم جاقسى، قۇرىلىمى اناعۇرلىم ساپالى، ابزالدىعى تولىق جارىققا شىعارىلاتىن دامۋ جاڭا جولىمەن جۇرۋدە تىڭعا قۇلاش سەرمەپ، جاڭا داۋىردەگى جيليننىڭ جالپى بەتتىك گۇلدەنۋىن، جان - جاقتى گۇلدەنۋىن جەدەل ىلگەرىلەتۋ ساپارىندا تىڭ ىسكەرلىك ايگىلەۋ كەرەك.
شي جينپيڭ بىلاي دەپ اتاپ كورسەتتى: كەلەر جىلى ەلىمىز «14 - بەس جىلدىق» جوبانى اتقارا باستايدى. «14 - بەس جىلدىق» مەزگىلى − ەلىمىز جاپپاي سوتسياليستىك وسىزاماندانعان مەملەكەت قۇرۋ جاڭا جورىعىن باستايتىن ءبىرىنشى بەس جىلدىق، «14 - بەس جىلدىق» مەزگىلىندەگى دامۋدى ويداعىداي جوبالاۋ توتەنشە ماڭىزدى. قازىرگى تاڭداعى دۇنيە ءجۇزى عاسىردا بولماعان ۇلكەن وزگەرىستەردى باستان كەشىرۋدە، ەلىمىز دامۋىنىڭ ىشكى شارت - جاعدايى مەن سىرتقى ورتاسىندا تەرەڭ دە كۇردەلى وزگەرىستەر جارىققا شىعۋدا. ءبىز ەكونوميكانىڭ، قوعامنىڭ باياندى اقاۋسىز دامۋىن ساقتاۋ ءۇشىن، ءسوز جوق، ىشكەرىلەي تۇجىرىم جاساۋىمىز، ىشكەرىلەي تەكسەرۋ جۇرگىزۋىمىز، عىلمي شەشىم جاساۋىمىز كەرەك. پارتيا ورتالىق كوميتەتى «14 - بەس جىلدىق» مەزگىلىندەگى ەكونوميكالىق، قوعامدىق دامۋ جوبا ۇسىنىستارىن جاساۋدى ۇيىمداستىرۋدا. شي جينپيڭ جەر - جەردەن ىشكەرىلەي تەكسەرۋ - زەرتتەۋ جۇرگىزىپ، نازاردى ءدوپ كەلىپ وتىرعان كونە، قيىن ماسەلەلەر مەن جاڭا سىن - سايىستارعا شوعىرلاندىرىپ، «14 - بەس جىلدىق» مەزگىلىندەگى دامۋ نىساناسىن، وي جەلىسىن، شاراسىن مۇقيات جوبالاۋدى ءۇمىت ەتتى.
7 - ايدىڭ 22 - كۇنىنەن 24 - كۇنىنە دەيىن شي جينپيڭ جيلين ولكەلىك پارتكومنىڭ شۋجيى بايىنچاۋلۋدىڭ، ولكە باستىعى جيڭ جۇنحايدىڭ سەرىك بولۋىمەن ىلگەرىندى - كەيىندى سىپيڭ، چاڭچۇن سياقتى جەرلەرگە بارىپ، اۋىل - قىستاقتى، الەۋمەتتىك اۋماقتاردى، عىلىم - تەحنيكا باقشا رايوندارىن، كاسىپورىنداردى ارالاپ، ىندەتتەن ساقتانۋ - تىزگىندەۋدى ۇدايىلاندىرۋ مەن ەكونوميكالىق، قوعامدىق دامۋ قىزمەتىن ءبىر تۇتاس جوسپارلاپ ىلگەرىلەتۋ، شىعىس سولتۇستىكتىڭ گۇلدەنۋىن ىلگەرىلەتۋ، «14 - بەس جىلدىق» مەزگىلىندەگى ەكونوميكالىق، قوعامدىق دامۋدى جوبالاۋ جونىندە تەكسەرۋ - زەرتتەۋ جۇرگىزدى.
جيليننىڭ سۇڭلياۋ جازىعىنىڭ «التىن جۇگەرى بەلدەۋى» جانە «سويابۇرشاق مەكەنى» دەگەن ادەمى اتى بار، مەملەكەتتىڭ نەگىزگى استىق القاپتارىنىڭ ءبىرى. 7 - ايدىڭ 22 - كۇنى تۇستەن كەيىن شي جينپيڭ الدىمەن سۇڭلياۋ جازىعىنىڭ قويناۋىنداعى ليشۋ اۋدانىنا كەلىپ، مەملەكەتتىڭ ميلليون مۋ جاسىل ازىق - تۇلىك شيكىزاتىن (جۇگەرى) ولشەمدەندىرىپ ءوندىرۋ بازاسىنىڭ وزەكتى ۇلگى كورسەتۋ اۋماعى بولىگىندە جيلين ولكەسى مەن ليشۋ اۋدانىنىڭ اۋىل شارۋاشىلىعىنىڭ دامۋى جانە ماشينالاندىرىلعان، كولەمدەندىرىلگەن ەگىمشىلىگىنىڭ جاعدايى جونىندەگى مالىمەتىن تىڭدادى. شىلىڭگىر ىستىقتا ماساتىداي قۇلپىرعان جاپ - جاسىل قۇنارلى دالادا ۇشقىشسىز ۇشاق بۇركۋ جۇمىسىن اتقارىپ ءجۇر. شي جينپيڭ بىلاي دەپ اتاپ كورسەتتى: مەن استىق ءوندىرىسى مەن حاۋىپسىزدىگىنە ەرەكشە كوڭىل بولەمىن. بيىل جازعى استىقتان مول ءونىم الىناتىنى بەلگىلى بولدى، كۇزگى استىقتان دا ايتارلىقتاي ءونىم الۋعا ۇمتىلۋ كەرەك. جيلين استىق حاۋىپسىزدىگىن قامتاماسىز ەتۋدى كورنەكتى ورىنعا قويىپ، استىق ءوندىرىسىن تيتتەي دە بوساڭسىماستان ويداعىداي يگەرىپ، اۋىل شارۋاشىلىعىنىڭ دامۋ تاسىلىنە بۇرىلىس جاساۋدى جەدەلدەتىپ، وسى زامانعى اۋىل شارۋاشىلىعىنىڭ دامۋ جولىن قاراستىرۋدا اناعۇرلىم كوپ تاجىريبە جاراتۋى كەرەك.
شي جينپيڭ جۇگەرى اتىزىنا كەلىپ، قارا توپىراقتىڭ تاجىريبە جاسالاتىن ۇلگىسىن جانە كورمەگە قويىلعان جۇگەرىنىڭ تاڭداۋلى سورتىن كورىپ، اۋىل شارۋاشىلىعى عىلىم - تەحنيكاسىن زەرتتەۋ - اشۋ، پايدالانۋ، قارا توپىراقتى قورعاۋ جاعدايىن ۇعىستى. شي جينپيڭ بىلاي دەپ دارىپتەدى: اۋىل شارۋاشىلىعىن وسىزامانداندىرۋدىڭ تەتىگى اۋىل شارۋاشىلىعى عىلىم - تەحنيكاسىن وسىزامانداندىرۋدا. اۋىل شارۋاشىلىعى مەن عىلىم - تەحنيكانىڭ توعىسۋىن كۇشەيتۋ، اۋىل شارۋاشىلىعى عىلىم - تەحنيكاسىندا جاڭالىق جاراتۋدى كۇشەيتۋ كەرەك، عىلمي زەرتتەۋ قىزمەتكەرلەرى ديسسەرتاتسيانى بايتاق دالادا جازىپ، شارۋالاردىڭ ەڭ جاقسى تەحنيكامەن ەڭ جاقسى استىقتى ەگۋىنە مۇمكىندىك جاساۋى كەرەك. ليشۋ ۇلگىسىن مۇقيات قورىتىندىلاپ جانە جالپىلاستىرىپ، ۇتىمدى شارالار قولدانىپ، قارا توپىراق سىندى «ەگىستىك جەردىڭ مىسىق ايۋىن» شىن مانىندە ويداعىداي قورعاپ، ويداعىداي پايدالانىپ، ول ارقىلى حالىقتى ماڭگى باقىتقا كەنەلتۋ كەرەك. (ەگجەي – تەگجەيلى مازمۇنىن حالىق تورابىنىڭ حانزۋشا ارناسىنان وقي الاسىزدار)
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
