مەملەكەت بويىنشا %90 تەن استام كەدەي قىستاقتا شارۋالار كاسىپتىك سەلبەستىك كووپەراتيۆى قۇرىلدى
2020.07.29 15:58 كەلۋ قاينارى : حالىق تورابى
شينحۋا اگەنتتىگى، 7 - ايدىڭ 27 - كۇنى، لانجوۋ (ءتىلشى چىڭ نان). ءتىلشىنىڭ 7 - ايدىڭ 27 - كۇنى گانسۋ ولكەسىنىڭ فۋلۇڭنان قالاسىندا اشىلعان مەملەكەتتىك كاسىپ سالاسى بويىنشا كەدەيلەردى سۇيەمەلدەۋ قىزمەتىن ىلگەرىلەتۋ ماجىلىسىنەن ۇعىسۋىنشا، قازىر مەملەكەت بويىنشا %90 تەن استام كەدەي قىستاقتىڭ بارىندە شارۋالار كاسىپتىك سەلبەستىك كووپەراتيۆى بار ەكەن، 832 كەدەي اۋدان 682 مىڭ سەلبەستىك كووپەراتيۆىن قۇرىپ، 21 ميلليون 978 مىڭنان استام كەدەي حالىق سانىن كەدەيلىكتەن ارىلىپ، كىرىستى ارتتىرۋعا تىكەلەي جەتەكتەگەن.
مەملەكەتتىك كەڭەستىڭ كەدەيلەردى سۇيەمەلدەۋ كەڭسەسىنىڭ پارتيا باسشىلىق گرۋپپاسى شۋجيى، مەڭگەرۋشىسى ليۋ يۇڭفۋ بىلاي دەدى: 7 جىلدان استام ۋاقىت كەدەيلەردى دالمە - ءدال سۇيەمەلدەۋ، اسىرەسە، جاقىنعى 5 جىلداعى كەدەيلىكتەن ارىلتۋدان قامال الۋ شايقاسى ارقىلى ەلىمىزدىڭ قازىرگى ولشەمىندەگى اۋىل - قىستاق كەدەيلەرى 2012 - جىلدىڭ سوڭىنداعى 98 ميلليون 990 مىڭ ادامنان 2019 - جىلدىڭ سوڭىنداعى 5 ميلليون 510 مىڭ ادامعا ازايدى. كاسىپ سالاسى ارقىلى كەدەيلەردى سۇيەمەلدەۋ ماڭىزدى رولىن ساۋلەلەندىردى، كوپتەگەن كەدەي اۋداندار مەن كەدەي قىستاقتاردىڭ كەدەيلەردى سۇيەمەلدەۋ كاسىبى جوقتان بار بولىپ، بىرتىندەپ ساپالىلانىپ، قارىشتاپ دامۋدى جۇزەگە اسىردى.
مەملەكەتتىك كەڭەس كەدەيلەردى سۇيەمەلدەۋ كەڭسەسىنىڭ ساناعىنا قاراعاندا، بۇكىل ەلدەگى كەدەيلەردىڭ %92 ى كاسىپ سالاسى ارقىلى كەدەيلەردى سۇيەمەلدەۋگە قاتىناسىپ، كەدەيلىكتەن ارىلعانداردىڭ %72 ى كاسىپ سالاسى ارقىلى كەدەيلەردى سۇيەمەلدەۋ جاعىنان قولداۋعا يە بولعان.
كاسىپ سالاسى ارقىلى كەدەيلەردى سۇيەمەلدەۋدە اناعۇرلىم زور ونىمدىلىككە قول جەتكىزۋ ءۇشىن، بۇكىل ەلدىڭ جەر - جەرى تۇرگە ءبولىپ شارا قولدانىپ، كەدەيلىكتەن ارىلتۋعا باستايتىن نەگىزگى تۇلعالاردى جەتىلدىردى. بيىل 6 - ايدىڭ سوڭىنا دەيىن بۇكىل ەل بويىنشا كەدەي قىستاقتاردا يگىلىك جاراتۋعا، بايۋ باستاماشىلارىنان 414 مىڭ ادام تاربيەلەندى، ولار شامامەن 4 ميلليون 60 مىڭ كەدەيدى كەدەيلىكتەن ارىلۋعا جەتەكتەدى.
مەملەكەتتىك كەڭەستىڭ كەدەيلەردى سۇيەمەلدەۋ كەڭسەسى مىنالاردى تالاپ ەتتى: تاياۋدان بەرى تاسقىن اپاتىنىڭ ىقپالىنا ۇشىراعان كەدەيلەردى كاسىپ سالاسى بويىنشا سۇيەمەلدەۋ كولەمىنە ەنگىزىپ، تەز ءونىم بەرەتىن اۋلا شارۋاشىلىعىن دامىتۋ جاعىنان قولداۋ كورسەتىپ، اپاتتىڭ كەدەيلىكتەن ارىلتۋدان قامال الۋعا جاسايتىن ىقپالىن ەڭ تومەنگى شەككە تۇسىرۋگە شىنايى كەپىلدىك ەتۋ كەرەك.
كەلۋ قاينارى؛ حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
