ازاتتىق ارميانىڭ، قارۋلى ساقشى بولىمدەرىنىڭ كوماندير ـ جاۋىنگەرلەرىنەن جانە حالىق جاساعى زاپاس كۇشتەرىنەن 33 مىڭنان استام ادام انحۇيدىڭ تاسقىنعا قارسى اتتانىپ، قاتەردەن قۇتقارۋ ءبىرىنشى شەبىندە شايقاس جاساۋدا
2020.07.28 16:33 كەلۋ قاينارى : حالىق تورابى
شينحۋا اگەنتتىگى، 7 - ايدىڭ 26 - كۇنى، حىفەي (ليۋ پەيجۇن، شۋە ۋەيگاۋ). انحۇي وڭىرىندە 7 - ايدىڭ 26 - كۇنى جالپى بەتتىك نوسەر جاۋىپ، حۋايحى وزەنى الابىندا تاسقىننان ساقتانۋ، تاسقىنعا قارسى اتتانۋ جاعدايى وتە قيىنعا سوقتى. چاڭجياڭ، حۋايحى وزەندەرىندە، چاۋحۋ كولىندە قاتەردەن اراشالاۋ، اپاتتان قۇتقارۋدان قامال الۋ شايقاسىندا، ۇزاققا سوزىلاتىن وسى شايقاستا جەڭىسكە جەتۋ ءۇشىن، ازاتتىق ارميانىڭ، قارۋلى ساقشى بولىمدەرىنىڭ كوماندير ـ جاۋىنگەرلەرىنەن جانە حالىق جاساعى زاپاس كۇشتەرىنەن 33 مىڭنان استام ادام انحۇيدىڭ تاسقىنعا قارسى اتتانىپ، قاتەردەن قۇتقارۋ ءبىرىنشى شەبىندە تىزە قوسا شايقاس جاساپ، توسپانى بوگەپ، قۇبىرلاردى بىتەپ، كومەسكى قاتەرلەردى ءبىر جاقتى ەتىپ، حالىق بۇقاراسىنىڭ ءومىرى مەن مال - مۇلكىنىڭ اماندىعىن قورعاۋعا بار كۇشىن سالۋدا.
6 - ايدىڭ 25 ـ كۇنى ساعات 12 دەن باستاپ چاڭجياڭ، حۋايحى وزەندەرى، چاۋحۋ كولى الاپتارىنا قاتىستى وڭىرلەر تاسقىننان شۇعىل ساقتانۋ مەزگىلىنە ءوتتى. شىعىس سوعىستىق رايونى انحۇي باعىتىنداعى قولباسشىلىق گرۋپپاسى سول جەر ۇكىمەتىنىڭ اسكەر ىستەتۋ قاجەتىن ۋاعىندا يگەرىپ، ارميا مەن جەرگىلىكتى ورىننىڭ اۋا رايى، سۋ رايى تارماقتارىنىڭ بىرلەستىگىن ۇيىمداستىرىپ، اسكەر كۇشىن اۋىستىرۋ ورنالاستىرۋىن زەرتتەپ، «جاعدايعا قاراي اسكەر ىستەتۋ، جاقىن ماڭدا اسكەر ىستەتۋ، بىرلەسىپ اسكەر ىستەتۋ» تالابىن ورىندادى.
حاۋىپ - قاتەر − بۇيرىق. قولباسشىلىق گرۋپپاسى انچيڭ، ليۋ - ان، تۇڭليڭ، فۋياڭ، حۋاينان سىندى 5 باعىتتان تاسقىن اۋىر بولعان چاۋحۋ كولى رايونىنا 3 مىڭ ادامدى شۇعىل جىبەردى، ولار قازىر مىندەت اتقارۋ وڭىرىنە تۇگەلىمەن جەتتى.
بايشىتيان وزەنىنە جاقىن ورنالاسقان حىفەي قالاسى لۋجياڭ اۋدانى تۇڭداۋەي نانزا قىستاعىندا 1.2 كيلومەترلىك تاسقىننان ساقتانۋدىڭ قاتەرلى بولەگى ەڭ سوڭعى سىناققا ءدۇپ كەلگەن بولاتىن. 6 - ايدىڭ 26 - كۇنى تاڭعى ساعات 2 مەزگىلى، بايشىتيان وزەنىنىڭ وڭتۇستىك جاعالاۋىندا شىراقتار جارقىراپ تۇر، توسپاعا كومەككە باراتىن 71 - قۇراما ارميانىڭ بەلگىلى اۋە قورعانىس بريگاداسىنداعى 400 دەن استام كوماندير - جاۋىنگەر ناق مايداندا بوگەتتى بەكەمدەۋدە. 14 ساعات بويى تىنباي شايقاس جاساعان كوماندير - جاۋىنگەرلەر شارشاپ - شالدىققانىنا قاراماي، نوسەر جاۋۋدان بۇرىن تۇڭداۋەيگە جاقىن كەلەتىن 1.2 كيلومەترلىك قاتەرلى بولەكتى بەكەمدەپ بولدى.
چاۋحۋ كولى سۋ دەڭگەيىنىڭ تاريحتاعى ەڭ جوعارى ماننەن اسۋىنا بايلانىستى حىفەي قالاسى لۋجياڭ اۋدانىنىڭ شىداۋەي دەگەن جەرىندە توسپانىڭ كوپ جەرى جىرىلىپ، تارماق سۋ الاپتارىندا سۋ دەڭگەيى توسپادان اسىپ كەتتى. 6 - ايدىڭ 25 - كۇنى كۇن - ءتۇن دەمەي 10 ساعات ىستەپ، جوعارى كۇشەمەلىكتەگى جۇمىستى ەندى عانا ورىنداعان 71 - قۇراما ارميانىڭ بەلگىلى زەڭبىرەكشىلەر بريگاداسىنداعى 300 دەن استام كوماندير - جاۋىنگەر تاعى دا شايقاس كۇيىنە ءوتىپ، تۇندەلەتىپ توسپانى بەكەمدەۋ، جول جوندەۋ، قورشاۋ جاساۋ، قۇبىرلاردى بەكىتۋ سياقتى قىزمەتتەردى ورىستەتتى.
فۋياڭ قالاسى يىڭشاڭ اۋدانىندا 6 - ايدىڭ 26 ـ كۇنى تۇستەن بۇرىن، جياڭتاڭ كولىنىڭ تاسقىن ىركۋ رايونىنداعى دايجيا كولى توسپاسىنىڭ قاقپاعى بۇلىنەدى، تاسقىن ىركۋ رايونىنداعى تاسقىن تىكەلەي دايجياحۋ قىستاعى، مياۋتاي قىستاعى سياقتى كوپتەگەن قىستاققا اعىلادى. 71 - قۇراما ارميانىڭ بەلگىلى بريگاداسىنداعى 300 كوماندير - جاۋىنگەر سول جەردەگى 11 مىڭنان استام قىستاق تۇرعىنىنىڭ شۇعىل شەگىنۋىنە كومەكتەسەدى.
قاي جەردە حاۋىپ - قاتەر بولسا، اسكەر كۇشىن سول جەرگە جوتكەۋ كەرەك. جياڭسۋدا تۇراتىن بەلگىلى ءبولىم 6 - ايدىڭ 25 - كۇنى جوعارىنىڭ نانزا قىستاعىنىڭ تاسقىن جاعدايى شۇعىل كۇيگە تۇسكەنى جونىندەگى ۇقتىرۋىن تاپسىرىپ العاننان كەيىن دەرەۋ ءۇن قوسىپ، 2 بولىمشە اترەتتەن 600 ادامدى نانزا قىستاعىنىڭ تاسقىنعا قارسى اتتانۋ ءبىرىنشى شەبىنە اتتاندىرادى، 4 ساعاتتان كەيىن تاعى دا 175 ادامدى تۇندەلەتىپ كومەككە جىبەرەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
