الدىڭعى جارتى جىلدا باجىنى، اقىنى ازايتۋ مولشەرى ءبىر تريلليون 500 ميلليارد يۋاننان استى
ىندەتتىڭ ىقپالىنا ۇتىمدى توتەپ بەرىلىپ، بازار تۇلعالارىنىڭ قيىنشىلىق قىسپاعىنان شىعىپ، دامۋىنا قولداۋ كورسەتىلدى
2020.08.07 16:52 كەلۋ قاينارى : حالىق تورابى
«حالىق گازەتى»، 8 - ايدىڭ 6 - كۇنى، بەيجيڭ (تىلشىلەر چۇي جىحان، ۋاڭ گۋان). باجىنى، اقىنى ازايتۋ كاسىپورىندارعا، حالىققا تىكەلەي تيىمدىلىك جاسادى، ءادىل، ءونىمدى بولدى، بۇل ەكونوميكالىق قىسىمعا توتەپ بەرۋدەگى كەلەلى شارا سانالادى. بيىل ەلىمىزدىڭ باجىنى، اقىنى ازايتۋ تەبىنى بۇرىن بولىپ كورىلمەگەن دارەجەدە ارتتى، قازىنا مينيسترلىگى 8 - ايدىڭ 6 - كۇنى جاريالاعان «2020 – جىلدىڭ العاشقى جارتىسىنداعى جۇڭگونىڭ قازىنا ساياساتىنىڭ اتقارىلۋ احۋالى جونىندەگى بايانداماسىندا» كورسەتىلۋىنشە، الدىڭعى جارتى جىلدا ءىس جۇزىندە ازايتىلعان باجى، اقى مولشەرى ءبىر تريلليون 500 ميلليارد يۋاننان اسىپ، ىندەتتىڭ ىقپالىنا ۇتىمدى توتەپ بەرىلىپ، بازار تۇلعالارىنىڭ قيىنشىلىق قىسپاعىنان شىعىپ، دامۋىنا قولداۋ كورسەتىلگەن.
باياندامادا كورسەتىلۋىنشە، الدىڭعى جارتى جىلدا بۇكىل ەل بويىنشا ازايتىلعان باجى، اقىنىڭ تىڭنان ارتقان جيىنتىق مولشەرى ءبىر تريلليون 504 ميلليارد 500 ميلليون يۋان بولعان. مۇنىڭ ىشىندە بيىل جاڭادان ورتاعا قويىلعان ىندەتتەن ساقتانۋ - تىزگىندەۋ جانە ەكونوميكالىق، قوعامدىق دامۋدى قولداۋ جونىندەگى ساياساتتىق شارالار بويىنشا ازايتىلعان باجى، اقى تىڭنان 894 ميلليارد 100 ميلليون يۋان ارتقان، 2019 - جىلى شىعارىلعان ساياساتتىڭ ىقپالىمەن 2020 - جىلى ازايتىلعان باجى، اقى تىڭنان 610 ميلليارد 400 ميلليون يۋان ارتقان، بۇل ىندەتتىڭ ىقپالىنا ۇتىمدى توتەپ بەرىپ، كاسىپورىنداردىڭ قيىنشىلىعىن شەشۋدە، جۇمىستى قالپىنا كەلتىرىپ، ءوندىرىستى قالپىنا كەلتىرۋدى قولداۋدا ماڭىزدى رول اتقارعان.
ساندى مالىمەتتە كورسەتىلۋىنشە، ىندەتتەن ساقتانۋ - تىزگىندەۋ زاتتىق ماتەريالدارىن وندىرەتىن ءتۇيىندى كاسىپورىنداردى قولداۋ جاعىندا، 5 - ايدىڭ سوڭىنا دەيىن، 2020 - جىلى 1 - ايدىڭ 1 - كۇنىنەن كەيىنگى ارتقان قۇن باجىسىنا دولايلاستىرۋ ساياساتى بويىنشا 10 ميلليارد 202 ميلليون يۋان قايتارىلىپ، كاسىپورىنداردىڭ ناق اقشا اينالىمى كوبەيتىلىپ، زاتتىق بۇيىمداردى وندىرىسىنە كەپىلدىك ەتۋگە دەم بەرىلگەن.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
