- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
سولتۇستىك كورەيانىڭ باسقارىلمالى بومبى تەحنيكاسى قايدان كەلگەن
2013.01.07 14:00 كەلۋ قاينارى : شينجياڭ حالىق راديو ستانسياسى تورابى
سولتۇستىك كورەيانىڭ بىلتىر 12-جەلتوقساندا جاساندى سەرىك ۇشىرۋى حالىقارادا كۇشتى اڭىس قوزعادى. حالىقاراداعى اقپارات قۇرالدارى سولتۇستىك كورەيانىڭ باسقارىلمالى بومبى تەحنيكاسىن زەرتتەۋىن وتكەن عاسىردىڭ 70-جىلدارى ەگيپەتتىڭ سولتۇستىك كورەياعا ساتىپ بەرگەن سوۆەت وداعىندا جاسالعان «جەل اياق» اتتى قىسقا ارالىقتى باسقارىلمالى بومبىسىمەن بايلانىستىرادى.
يزرايل 1973-جىلى 15-تامىزدا سولتۇستىك كورەيا ارمياسىنىڭ ەگيپەتتە يزرايگە قارسى تۇرۋ ارەكەتىنە قاتىناسقاندىعىن جاريالاپ، حالىقارادا تالاس-تارتىس تۋدىرعان بولاتىن. ەگيپەت پەن سولتۇستىك كورەيا مۇنى تەرىسكە شىعارعاندىقتان، حالىقارالىق قوعام بۇل ءىستىڭ بايىبىنا بارا الماعان. الايدا جۋىقتا تۋىلعان «ار-نامىستى قورعاۋ كۇنى سوعىسى» يزرايدىڭ كەزىندە ايتقاندارىنىڭ شىن ەكەندىگىن دالەلدەدى.
يزرايل 1967-جىلى«6 كۇندىك سوعىس» ارقىلى ەگيپەت سياقتى ەلدەردى ويىسراتا جەڭگەن، ەگيپەتتىڭ بۇرىنعى زۇڭتۇڭى ناسىر 1970-جىلى كوز جۇمعاننان كەيىن، ونىڭ ءىزباسارى سادات يزرايل جاۋلاپ العان جەرلەردى قايتارىپ الۋعا ۋادە بەرگەن. سوۆەت وداعى ەگيپەتتى قارۋ-جاراقپەن قامداۋ ۋادەسىندە تۇرماعاندىقتان، سادات 1972-جىلى ماۋسىمدا سوۆەت وداعىنىڭ اقىلشىلىق سالاۋاتىن، سونداي-اق سوۆەت وداعى قوسىنىنىڭ ەگيپەتتەگى مىندەتىن كۇشىنەن قالدىرعاندىعىن جاريالاعان.
سوۆەت وداعىنىڭ اسكەرلەرى ەگيپەتتەن شەگىنگەننەن كەيىن، ەگيپەتتىڭ اۋە ارمياسى مۇشكىل كۇيدە قالعان. سونىمەن سادات پەن اۋە ارمياسىنىڭ قولباسشىسى مۇباراك ەگيپەتكە قول ۇشىن بەرەتىن ەلدەردى ىزدەۋگە كىرىسكەن. وسى كەزدە نازارى سولتۇستىك كورەياعا اۋعان. سەبەبى، سولتۇستىك كورەيا 1968-جىلى ا ق ش-نىڭ ءبىر بارلاۋشى ۇشاعىن قولعا تۇسىرگەن، 1969-جىلى تاعى ءبىر بارلاۋشى ۇشاعىن اتىپ تۇسىرگەن.
وڭتۇستىك كورەيا اقپارات قۇرالدارىنىڭ حابارىنا قاراعاندا، سولتۇستىك كورەيا حالىق ارمياسىنىڭ قولباسشىسى جاڭ جىڭحىڭ 1973-جىلى ناۋرىزدا ەگيپەتكە ساپارلاي بارعاندا مۇباراكتىڭ جانە ەگيپەت ارمياسى باس قولباسشىسىنىڭ سەرىك بولۋىندا سۆەيش كانالىنداعى سوعىس شەبىن كوزدەن كەشىرگەن. وسى ورايدا ەگيپەت سولتۇستىك كورەيانىڭ ۇشقىشتارىن جىبەرىپ كومەك كورسەتۋىن تالاپ ەتكەن. سولتۇستىك كورەيا بۇلاي ىستەۋدىڭ ەكى جاققا دا ءتيىمدى ەكەندىگىن كوزدەپ، ولاردىڭ تالابىنا قوسىلعان. سول جىلى ساۋىردە مۇباراك سولتۇستىك كورەياعا ساپارلاي بارىپ، كيم-يەرسەنمەن كەزدەسىپ، ەگيپەتكە ۇشقىش جىبەرۋ ماسەلەسىن تالقىلاعان. ءبىر مىڭ 500 ادامنان ۇيىمداسقان سولتۇستىك كورەيا اسكەري اقىلشىلار ۇيىرمەسى 1973-جىلى ماۋسىمدا ەگيپەتكە جاسىرىن بارىپ، ەگيپەتتىڭ اۋە قورعانىسىنا جانە باسقارىمالى بومبى جاساۋ جۇمىسىنا كومەكتەسكەن.
1973-جىلى 6-قازاندا«ار-نامىستى قورعاۋ كۇنى سوعىسى» تۋىلعان. ەگيپەت اۋە ارمياسى سولتۇستىك كورەيانىڭ كومەگىندە 200 سوعىس ۇشاعىنان ۇيىمداسقان شابۋىلداۋشى قوسىندى ىسكە قوسىپ، يزرايل ارمياسى بازاسىن ءساتتى بومبىلاعان. ەگيپەت پەن سولتۇستىك كورەيا سودان باستاپ توننىڭ ىشكى باۋىنداي بولىپ كەتكەن. ەگيپەت سولتۇستىك كورەياعا العىس ايتۋ ءۇشىن، سوۆەت وداعىندا جاسالعان وزىق« R-17E» تۇرپاتتى باسقارىلمالى بومبىدان ەكەۋىن ساتىپ بەرگەن. وسىدان كەيىن سولتۇستىك كورەيا وسى باسقارىلمالى بومبىلارعا ەلىكتەپ« حۋاچىڭ-5» تۇرپاتتى باسقارىلمالى بومبىسىن جاساپ شىققان.
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
