- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ورتا شىعىستا لاڭكەستىككە قارسى تۇرۋ ماسەلەسىن قايتكەندە ءونىمدى تۇردە تۇبىرىنەن شەشۋگە بولادى
2015.12.22 15:20 كەلۋ قاينارى : حالىق تورابى
حالىق تورابى، 22 - جەلتوقسان، بەيجيڭ. (مۇحيت امانتاي ۇلى) وتكەن ءبىر جىلدا، لاڭكەستىك ءورتى ورتا شىعىس رايونىنا اۋىر اپات اكەلىپ قالماستان، بىرتىندەپ ەۆروپا مەن سولتۇستىك امەريكا قۇرلىعىن دا شارپىدى، حالىقارادا لاڭكەستىككە قارسى تۇرۋداعى قىسىم دا كۇننەن – كۇنگە كۇشەيىپ، لاڭكەستىككە قارسى تۇرۋ جاعدايى بارعان سايىن قيىنداي تۇسۋدە.
اسىرەسە، ۇشقارى ۇيىم «ءىسلام مەملەكەتىنىڭ» باس كوتەرۋى ورتا شىعىستى بۇكىل الەمدەگى لاڭكەستىككە قارسى تۇرۋدىڭ الدىڭعى شەبى مەن نەگىزگى شايقاس مايدانىنا اينالدىردى. «ءىسلام مەملەكەتىنە» سوققى بەرۋدىڭ ءونىمدى ءتاسىلىن تابۋ، لاڭكەستىكتى تۇبىرىنەن جويۋدىڭ جولىن تابۋ بۇكىل ادامزاتتىڭ مۇلدە كەشىكتىرۋگە بولمايتىن بورىشى بولىپ وتىر.
بىلتىر قىركۇيەك ايىندا ا ق ش باس بولىپ ۇيىمداستىرعان حالىقارالىق لاڭكەستىككە قارسى تۇرۋ وداعى قۇرىلعاننان بەرى، «ءىسلام مەملەكەتىنە» سوققى بەرۋ اسكەري قيمىلى ءبىر ءسات تە توقتاماعانىمەن، «لاڭكەستىك سوققىلاعان سايىن ونان ارى ورشەلەنەتىن» جاعداي كورىندى. مۇنىڭ كەيبىر مەملەكەتتەردىڭ ءوز پايداسىن كوزدەپ، لاڭكەستىككە سوققى بەرۋدە ءونىمدى تۇردە سايكەسپەۋىندەي سەبەپپەن دە قاتىسى بار.
ا ق ش قاتارلى باتىس مەملەكەتتەرى مەن رەسەيدىڭ لاڭكەستىككە قارسى تۇرۋداعى نىساناسى بىردەي بولعانىمەن، سيريا داعدارىسىن قالاي شەشۋ ماسەلەسىندە، اسىرەسە پرەزيدەنت باشاردىڭ ورنىندا تۇرۋ نەمەسە ورنىنان ءتۇسۋ ماسەلەسى جونىندەگى الاۋىزدىق توتەنشە كۇشتى بولعاندىقتان، «ءىسلام مەملەكەتىنە» سوققى بەرۋدە بىرىككەن كۇش قالىپتاستىرۋ مۇمكىن بولماي وتىر. بۇدان سىرت، ورتا شىعىستاعى كەيبىر ءىرى مەملەكەتتەردىڭ وزىندىك ەسەبىنىڭ بولۋى دا بۇل ماسەلەگە مۇرىندىق بولۋدا.
كوپ جىلداردان بەرى ورتا شىعىس رايونىنداعىلار سوعىس لاڭى مەن لاڭكەستىكتىڭ قاسىرەتىن ابدەن تارتتى، بۇل تامىرى تەرەڭدە جاتقان ءدىني توپتار اراسىنداعى قاقتىعىسپەن تىكەلەي قاتىستى ءارى باتىستاعى ءىرى ەلدەردىڭ كيلىگۋمەن دە قاتىستى بولىپ وتىر.
ا ق ش قاتارلى باتىس ەلدەرىنىڭ «دەموكراتيا»، «ادامدىق ۇقىق» دەگەندى جەلەۋ ەتىپ، افعانستان سوعىسىن، يراق سوعسىن، ليۆيا سوعىسىن، سيريا قاقتىعىسىن تۋدىرۋى جانە وعان كيلىگۋى، سونىمەن قاتار ولاردىڭ كوپتەگەن مەملەكەتتەردى اتالمىش «رەڭدى توڭكەرىسىن» قوزعاۋعا جەلىكتىرۋى، بۇل رايوندارداعى ساياسي قايشىلىقتى، ءدىني توپتار ارا قايشىلىقتى، ۇلتتىق قايشىلىقتى جانە ەكونوميكالىق قايشىلىقتى بارىنشا اسقىندىرىپ، ۋشىققان اۋمالى –توكپەلى جاعدايدى قالىپتاستىرىپ، لاڭكەستىككە جول اشتى.
كەيبىر مەملەكەتتەردەگى ۇزاق ۋاقىت جالعاسقان الاساپىران جاعداي سول مەملەكەتتىڭ ەكونوميكاسىن قۇلدىراتىپ، حالقىن كۇيزەلىستى كۇيگە ءتۇسىردى. جاستار كەمەلدى وقۋ – اعارتۋ مەن كاسىپتەنۋ ورايىنىڭ جوقتىعىنان، كەيبىرەۋىندە قوعامنان ءوش الۋ نەمەسە قوعامعا قارسىلىق ءبىلدىرۋ ويى پايدا بولىپ، لاڭكەستىكتىڭ بارعان سايىن ۇلعايىپ، ورشۋىنە وراي ازىرلەدى.
جاعدايعا قاراي ىستەگەندە عانا، ماسەلەنى تۇبىرىنەن شەشۋگە بولادى. ورتا شىعىس رايونىندا لاڭكەستىككە كورىنىستەگى ماسەلەنى دە ءتۇبىرلى ماسەلەنى دە شەشۋدەي يدەيانى جەتەكشى ەتە وتىرىپ قارسى تۇرعاندا عانا، بەيبىتشىلىك قوعام ورناپ، قايتا دامۋدان اۋىز اشۋعا بولادى.
مۇندا بىرىنشىدەن، ورتا شىعىستاعى مەملەكەتتەر ەجەلگى كەكتى كەشىپ، بەرەكە -بىرلىكتى بولىپ، حالىقارالىق قوعاممەن بىرگە لاڭكەستىككە سوققى بەرۋى كەرەك. ورتا شىعىستاعى ءارقايسى مەملەكەتتەر شارا قولدانىپ، ءارقايسى توپتاردىڭ باسىن قوسىپ، لاڭكەستەردىڭ جەلىكتىرۋىنە جانە ءدىني، ۇلتتىق قايشىلىقتان پايدالانىپ، ءدىندى جەلەۋ ەتىپ، ادام توپتاۋى مەن كۇشىن مولايتۋىنا تيىم سالۋ كەرەك.
ەكىنشىدەن، حالىقارالىق قوعام، اسىرەسە ءىرى مەملەكەتتەر ءىسلام مەملەكەتى» سياقتى ۇشقارى ۇيىمعا سوققى بەرۋ قيمىلى جاعىندا ءوز ارا تىعىز سايكەسۋ كەرەك، باتىس ەلدەرى، ءسوز جوق، ەكى جاقتىلى ولشەمنەن ۋاز كەشىپ، سايكەسۋ مەن مالىمەتتى ورتاقتاستىرۋدى ءارى توراپ ينفورماتسياسىن باقىلاۋدى كۇشەيتىپ، لاڭكەستەردىڭ قارجى قاينارىن تۇبىرىنەن ءۇزۋ كەرەك.
ۇشىنشىدەن، باتىس ەلدەرى ۇزاق مەرزىمدەر بويى جالعاستىرىپ كەلە جاتقان باسقا ەلدەردىڭ ىشكى ىسىنە كيلىگۋ ساياساتىن قويىپ، حالىقارالىق قوعاممەن ءبىر نيەتتە بولىپ، ورتا شىعىس ەلدەرىنىڭ ەكونوميكاسىنىڭ، قوعامىنىڭ دامۋ ارناسىنا تۇسۋىنە كومەكتەسىپ، بۇل مەملەكەتتەردىڭ ورنىقتى بولىپ، گۇلدەنىپ - كوركەيۋىنە جاردەمدەسۋى كەرەك.
كەلۋ قاينارى: حالىق تورابى
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
