- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
شاڭحايدان قۇلجاعا قاتىناعان تۇڭعىش كەزەكتى جۇردەك پويەز قۇلجاعا جەتتى
جۇردەك پويەز ەكى جەر اراسىندا قارسى باعىتتا رەسمي قاتىناپ، قۇلجادان شاڭحايعا قاتىنايتىن پويەزدىڭ 20 ـ جەلتوقسانعا دەيىنگى بەلەتى ساتىلىپ بولدى
2014.12.18 13:39
ءوز حابارىمىز. شاڭحايدان قۇلجاعا كەلەتىن T205 كەزەكشى جۇردەك پويەز جەلتوقساننىڭ 15-كۇنى 20 ساعات 30 مينۋتتا قۇلجا پويەز بەكەتىنە جەتىپ، قۇلجا مەن شاڭحاي اراسىندا قارسى باعىتتا جۇردەك پويەز قاتىناۋدىڭ بەتاشارىن اشتى. جىڭجوۋدان كەلەتىن شەشەسىن توسىپ تۇرعان ۋاڭ يان: بۇرىن شەشەم ىلەگە كەلەتىن بولسا، ۇرىمجىدەن الدىنا شىعىپ الىپ كەلەتىنمىن، كەيىن بالالى بولعان سوڭ، دوس-جاراندارىما ايتىپ، ولار ۇرىمجىدەن توسىپ الىپ، قۇلجاعا باراتىن پويەزگە سالىپ قوياتىن، ەلدى اۋرەلەگەنىمە اسا قىنجىلاتىنمىن، قازىر شەشەم شاڭحايدان قۇلجاعا كەلەتىن پويەزگە وتىرىپ جالعىز ءوزى كەلە بەرەتىن بولدى، ءبىز دە كوپ الاڭدامايتىن بولدىق،- دەدى.
شاڭحايدان قۇلجاعا كەلەتىن تۇڭعىش كەزەكشى جۇردەك پويەزدىڭ باستىعى گاۋ جۇن بىلاي دەدى: بۇل پويەزگە شاڭحاي پويەز ستانسياسىنان 361 جولاۋشى شىقتى، جىڭجوۋ، شاڭچيۋ، شي-ان، ۋشۇي پويەز بەكەتتەرىندە كوپتەگەن جولاۋشى پويەزدەن ءتۇسىپ قالىپ، قۇلجا پويەز بەكەتىنە كەلگەندە نە بارى 259 جولاۋشى قالدى. پويەز شينجياڭ شەكاراسىنا كەلگەن كەزدە قالىڭ قار جاۋعاندىقتان اسىلىندە 19 ساعات 39 مينۋتتا قۇلجا پويەز بەكەتىنە كەلەتىن پويەز 51 مينۋت كەشىگىپ كەلدى. دەسە دە ىشكى ولكەدەن كەلگەن جولاۋشىلار مامىق قارعا ورانىپ كوركەم بەينەگە ەنگەن تابيعات كورىنىسىنە ءتانتى بولىپ، پويەزدىڭ كەشىككەنىن دە ەلەمەدى.
قۇلجا پويەز بەكەتىنىڭ جوسپار قىزمەتكەرى لي شاشا بىلاي دەدى: جەلتوقساننىڭ 10-كۇنىنەن 15-كۇنىنە دەيىن قۇلجا پويەز بەكەتىنەن شاڭحايعا 6 كەزەكشى پويەز ءجۇرىپ، رەت سانى بويىنشا 5 مىڭ 61 جولاۋشى جونەلتىلدى. مۇنىڭ ىشىندە شاڭحايعا توتە باراتىن جولاۋشى 261 ادام، باسقا ولكە، قالالارعا باراتىندار ءبىرشاما كوپ. قازىر ىلەدە جۇمىس ىستەيتىن جۇمىسكەرلەردىڭ اۋىلىنا قايتۋىنىڭ قاۋىرت كەزەڭى بولعاندىقتان، ءار رەت شاڭحايعا باراتىن كەزەكشى پويەز جولاۋشىعا لىق تولۋدا. قازىرگە دەيىن 20-جەلتوقساننان بۇرىنعى پويەزدىڭ ورىندىقتى پويەز بەلەتى ساتىلىپ بولدى، تەك از مولشەردە ورىندىقسىز ورىننىڭ بەلەتى قالدى. قۇلجا مەن شاڭحاي اراسىندا قارسى باعىتتا جۇردەك پويەزدىڭ قاتىناۋى قاتىناستىڭ قاۋىرت كەزەڭىندەگى بەلەت ساتىپ الۋدىڭ قيىن بولۋ ماسەلەسىن باسەڭدەتكەنىمەن، بەلەت ساتىلۋدىڭ قازىرگى جاعدايىنان قاراعاندا، كوكتەم مەرەكەسىنىڭ الدى-ارتىنداعى قاتىناس قاۋىرت كەزدە سىرتقا شىعۋدى ويلاسقاندار ەڭ جاقسىسى كۇنى بۇرىن بەلەت ساتىپ الىپ، كەزىندەگى اۋرەشىلىكتەن ساقتانعانىءجون.
كەلۋ قاينارى: «ىلە گازەتى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
