- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
باسىڭدى كوتەر اعايىن
2014.12.18 14:13
قولفونىمدا نەشە جۇزدەگەن توردوسىم بار، ءبىراق ۇنەمى جالعىزسىراعانداي كۇي كەشەمىن. مەن ءار كۇنى ولارمەن اڭگىمەدە بولامىن، ءبىراق ولار مەنى تۇبەگەيلى تۇسىنە بەرمەيدى. بۇل كۇندە ادامدار ارا قاتىناستىڭ وزگەرىسى سول، جۇزبە - ءجۇز وتىرىپ سىرلاسۋدان قالدىق. كۇندەردىڭ كۇنىندە ءبىز قوعامدىق قارىم - قاتىناس جەلىسىنىڭ ناقتىلى كەيىپ - كەسپىرىن كورگەنىمىزدە بارىپ، ونىڭ ءبىز ويلاعانداي كەرەمەت دۇنيە ەمەس ەكەنىن سەزىنەمىز.
ءبىز كومپيۋتەردى نەمەسە قولفوندى اشقانىمىزدا، قاسىمىزداعىلارمەن سىرلاسۋدان سىرت اينالامىز. ءبىزدىڭ مۇنداعى كورەتىنىمىزدىڭ ءبارى دە جالعان دۇنيەلەر، ەگەر ءبىر كۇنى ينتەرنەت اياسىنان الىستاعان ساتتە، ءوزىمىزدىڭ ەڭ ءبىر قورقىنىشتى دۇنيەدە جاساپ جاتقانىمىزدى سەزىنەمىز.
ءاسىلى ءبىز مەڭگەرۋگە ءتيىستى دۇنيە ءبىزدى مەڭگەرىپ، ءار كىم ءوز مۇددەسىن كوزدەپ، ءوز اتاق - ابىرويىن جارنامالاپ جاتادى. مۇندا ساۋداگەرلەر زاتىن تىقپالاپ ساتۋدا، ال ءبىز بولساق ءوزىمىزدىڭ جىلتىراعان جاعىمىزدى عانا كورسەتىپ، ناقتىلى كەيىپ - كەسپىرىمىزدى كورسەتكىمىز كەلمەيدى.
ومىردەگى ەڭ قۋانىشتى ءىس ــ ول ءومىردىڭ ەڭ كوركەم تۇستارىن باسقالارمەن ءبولىسۋ، ەگەر باسقالار قاسىڭدا بولماسا بۇدان نە ءلاززات تاباسىڭ؟
ءبىز ۇنەمى باسقالاردىڭ قولداۋىنا يە بولۋ ءۇشىن وڭدەۋدەن وتكەن، اسىرا ماقتالعان حابار وشارلاردى جالعاپ تاراتامىز. دوستار اۋماعىن تىنباي ارالاپ، ونداعى سۇلۋ سوزدەرمەن سۋرەتتەرگە بەينە ءوز باسىمىزداعى قۋانىشتاي تامسانامىز، ونى شىنايى كوڭىل قويىپ قانشا ادام كورىپ جاتقانىن ويلامايمىز.
توراپتان اۋلاعىراق بول اعايىن، مۇندا سارىپ قىلعان ۋاقىتىڭدى، ءبىر كىتاپ وقىپ، نەمەسە اتا - اناڭنىڭ قاسىندا بولىپ، نەمەسە ساياحاتقا شىعۋعا جۇمىسا. رەال ومىرگە مويىن بۇرىپ، ماڭايىڭداعى شارۋالارىڭا كىرىسىپ، قىمباتتى ۋاقىتىڭدى ماعىنالى ىستەرگە پايدالان. جاقىن دوستارىڭمەن كەزدەسكەندە، قولىڭداعى قولفونىڭا نەمەسە كومپيۋتەرگە تەلمىرە بەرمەي، ولارمەن ەمەن - جارقىن اڭگىمەدە بول.
ادامعا شىنايىلىققا تولى قارىم - قاتىناس كەرەك. مەن ءار ۋاقىت دوستارىممەن كەزدەسىپ بىرگە اسقا وتىرعاندا ولاردىڭ باسىن تومەن سالىپ، قولفونمەن جاعالاسقانىنان ابدەن مەزى بولامىن. ءوزارا اڭگىمەمىز ازايعان سوڭ، بىرتە - بىرتە ارامىز دا الشاقتاي باستادى.
ماڭايىمىزداعى بالالار ءبىزدىڭ تىرلگىمىزدى بەينە اۆتوماتتى مەڭگەرىلەتىن ماشينا ادامدارعا ۇقساتۋى دا مۇمكىن. بالا كۇنىمىزدە قازىرگى بالالارداي ۇنەمى ءۇي كۇشىك بولىپ جاتپاۋشى ەدىك. دوستارىمىزبەن بىرگە كۇن بويى دالادا ويناپ، شاقايدى جىرتىپ، تىزەنى جارالاپ قايتساق تا تابيعاتتىڭ سول ناعىز بەينەسىنەن ءلازاتتانۋشى ەدىك. ال قازىر مۇنداي كۇندەر كەلمەسكە كەتىپ، قولفونعا بايلانىپ، باسىمىز اينالىپ، موينىمىزدى سالبىراتىپ قالدىق.
سوندىقتان، باسىڭدى كوتەر اعايىن، قولفونىڭدى تاستاپ ،ماڭايىڭداعى ادامدارمەن اقجارقىن اڭگىمەگە كوش. ءبىز ناعىز شىنايلىقتى قاجەت ەتەمىز، باسقان - تۇرعانىڭدى قولفونىڭ ارقىلى الەمگە جاريا ەتۋىڭنىڭ ماڭىزى شامالى.
ءۇيلى - باراندى بولىپ، تۇڭعىش رەت ءسابيىڭدى قۇشاعىڭا العان ساتتەرىڭ؛ ءتۇن ۇيقىڭدى ءتورت ءبولىپ، تاڭ اتقانشا وعان قاراعانىڭ دۇنيەدەگى ەڭ باقىتتى دا ءلاززاتتى قاربالاستىق. ەگەر ول ەرجەتىپ، وتباسىن قۇرىپ، نەمەرە سۇيگەنىڭدە، نەمەرەڭنىڭ سەنى «اتا» دەپ شاقىرۋىنان - اق، بۇل ءومىردىڭ قامشىنىڭ سابىنداي قىسقا ەكەنىن سەزىنەسىڭ. ارتىڭا بۇرىلىپ قاراعانىڭدا، ءومىرىڭنىڭ بوسقا وتپەگەنىن سەزەسىڭ. قىمباتتى عۇمىرىڭدى استە جالعان دۇنيەلەرگە قور قىلما.
ءدال وسى ساتتە ءبىز توقتاۋسىز تۇردە، ءمان - ماعىناسىز اقپارلاردى قابىلداپ، تۇس - تۇسقا جولداپ جاتامىز. مۇندايدا ءبىز تۇپ - تۋرا ءومىرىمىزدىڭ ءبىر كۇنىن سارىپ ەتسەك تە، وزگەلەر ءۇشىن ونىڭ قۇنى كوك تيىن. ەڭ سوراقىسى وسى.
تۇرمىسىڭدى توراپقا بيلەتىپ، باسقالاردىڭ قۇرالىنا اينالما. ميىڭدى سىلكىپ، باسىڭدى كوتەر دە تەلەفونىڭدى قوي اعايىن، مىناۋ رەال ومىرگە بەت تۇزەپ، جاڭاشا ومىرگە قادام تاستا.
حانزۋشادان اۋدارعان: بەكمۇقامەت نۇردانبەك ۇلى (نىلقى اۋداندىق مادەنيەت دەنە تاربيە راديو - تەلەۆيزيا مەكەمەسى)
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
