- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
وبلىسىمىز قىستاق دارەجەلى ۇيىمداردىڭ تىرەكتىلەرىن تاربيەلەۋ كۋرسىن اشتى
2014.12.18 13:40
ءتىلشىمىز حوۋ شۋو حابارلايدى. جەلتوقساننىڭ 13 – كۇنى اۆتونوميالى وبلىستىڭ قىستاق دارەجەلى ۇيىمداردىڭ تىرەكتى ۇلگىلەرىن تاربيەلەۋ كۋرسى وبلىستىق پارتيا مەكتەبىندە باستالدى. وبلىستىق پارتكومنىڭ تۇراقتى مۇشەسى، ۇيىمداستىرۋ ءبولىمىنىڭ باستىعى جاڭ شينشىڭ كۋرستىڭ باستالۋ سالتىنا قاتىناستى.
ۇعىسۋعا قاراعاندا، سول كۇنى وبلىس، اۋدان سىندى ەكى دارەجەلى ورىنداردىڭ قىستاق دارەجەلى ۇيىمدارىنىڭ تىرەكتىلەرىن 4 اي ۋاقىتپەن تاربيەلەۋ كۋرسى ءبىر ۋاقىتتا باستالعان. وسى جولعى كۋرستىڭ نەگىزگى ماقساتى – جۋىقتا قىستاق پارتيا ۇيىمىنىڭ شۋجيلىعىنا تاعايىندالاتىن ءبىر توپ تىرەكتى كانديداتتاردى ءتۇيىندى تۇردە تاربيەلەۋ. بۇرىنعىمەن سالىستىرعاندا وسى جولعى كۋرستىڭ مىناداي ءتورت ءتۇرلى ەرەكشەلىگى بار: ءبىرىنشى، دەڭگەيى جوعارى، اۆتونوميالى رايون ءبىر تۇتاس ورنالاستىرعان، اۆتونوميالى رايون، وبلىس، اۋدان سىندى ءۇش دارەجەلى ورىن بىردەي اتسالىسقان؛ ەكىنشى، كولەمى كەڭ، وبلىس، اۋدان، قالالار بولىپ جالپى ءبىر مىڭ 321 ادام تاربيەلەنەدى؛ ءۇشىنشى، ۋاقىتى ۇزاق، تاربيەلەۋ مەرزىمى 4 اي، مۇنىڭ 2 ايىندا شوعىرلى تاربيەلەنەدى، قالعان ەكى ايدا پراكتيكا كورىپ شىنىعادى؛ ءتورتىنشى، باعىتتامالىلىعى كۇشتى، كۋرسقا قاتىناسقانداردىڭ بارلىعى قىستاق دارەجەلى ۇيىمداردىڭ تىرەكتىلەرى.
جاڭ شينشىڭ كۋرستىڭ باستالۋ سالتىندا مىنانى اتاپ كورسەتتى: وسى جولعى تاربيەلەنەتىن اۋىل – قىستاق ءبىرىنشى شەبىندەگى تىرەكتىلەر قىستاق پارتيا ۇيىمىنىڭ شۋجيلىعى سىندى ماڭىزدى ورىنعا تاعايىندالۋ ورايىنا يە. سوندىقتان ولار قىستاق پارتيا ياچەيكا شۋجيى ورنىنىڭ ماڭىزدىلىعىن جەتە ءتۇسىنۋى كەرەك. قىستاق پارتيا ياچەيكا شۋجيىلارى قوسىنى - قىستاق دارەجەلى ورىنداردىڭ ءتۇرلى ىستەرىن ىستەيتىن تىرەكتىلەر. اۋىل – قىستاق قىزمەتىنىڭ جاقسى – جامان بولۋى، ءتۇرلى ىستەرىنىڭ دامۋىنىڭ تەز – باياۋ بولۋى قىستاق كادرلارىنىڭ، وتە – موتە، قىستاق پارتيا ياچەيكا شۋجيلارى قوسىنى قۇرىلىسىنىڭ ورەسىمەن تىكە قاتىستى. ىلە جونىنەن ايتقاندا، جۋىق جىلداردان بەرى قۇرۋ تەبىنى ۇزدىكسىز ارتتىرىلۋ، تاربيەلەۋ كۇشەيتىلۋ ارقىلى قازىر قىستاق كادرلارى قوسىنى جالپى جاقتان جاقسى، سەنىمدى، تياناقتى، جاۋىنگەرلىك قۋاتقا يە، مامەتجان ومەر، لي يۋانمين قاتارلى جولداستار ۋاكىلدىك ەتكەن مەملەكەت بويىنشا ءبىر توپ ۇزدىك تيپتەر جارىققا شىقتى.
الايدا ءىشىنارا قىستاقتاردا ساياسيدا سەنىمدى، قىزمەتتە ىسكەر، ستيلى قاتاڭ، ءار ۇلت بۇقاراسى سەنىم ارتا الاتىن قىستاق پارتيا ياچەيكا شۋجيلەرى ءالى دە سايلانباي وتىرعاندىعىن سەرگەكتىكپەن كورە ءبىلۋىمىز كەرەك.
جاڭ شينشىڭ بىلاي دەدى: قىستاق پارتيا ياچەيكا شۋجيلارى قوسىنى – پارتيانىڭ بۇقارامەن ەتەنە بولۋىنداعى دانەكەر. اۋىل – قىستاق قىزمەتى جاپالى دا قاربالاس، جاعدايى كۇردەلى، قىستاق كادرلارى، اسىرەسە، قىستاق پارتيا ياچەيكا شۋجيلەرى وي – سانانى سەرگەك ۇستاپ، ءتۇيىندى دۇرىس تاۋىپ، ارقالاعان قىزمەت مىندەتىن شىنايى يگەرۋى ءتيىس. ۇزدىك قىستاق پارتيا ياچەيكا شۋجيى بولۋدىڭ قاجەتتى شارتتارىن تەرەڭ ءتۇسىنىپ، سەنىمدى، ۇلەس قوسۋدى دارىپتەپ، قابىلەتتى، ءمورالدى بولۋى كەرەك.
ۇعىسۋعا قاراعاندا، وسى جولعى تاربيەلەۋ كۋرسىسىندا ساياسي نازاريا، ۇلت – ءدىن، شينجياڭنىڭ «ءۇش تاريحى»، قوعامدىق باسقارۋ، نەگىزگى ساتى ۇيىمى جانە بيلىك قۇرىلىسى، بۇقارالىق قىزمەت، مادەنيەت - ۇگىت، حالىق تۇرمىسى قۇرىلىسى، «اۋىل – شارۋاشىلىعى، اۋىل – قىستاق، شارۋالار» قىزمەتى سىندى 9 ارناۋلى تاقىرىپ ورنالاستىرىلعان، پارتيا نازارياسى مەن قىزمەت امالياتى، ساباقحانا وقىتۋى مەن ناق مايدان كوزدەن كەشىرۋ بىرلەستىرىلىپ، باعىتتامالىلىق پەن قولدانىلمالىلىق كۇشەيتىلىپ، كۋرسانتتاردىڭ ۇيرەنۋ ونىمدىلىگى كورنەكتىلەندىرىلەدى.
كەلۋ قاينارى: «ىلە گازەتى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
