كاسىپسىزدىك قامسىزداندىرۋ قاراجاتى كاسىپتىك قابىلەتتى جوعارىلاتۋعا جۇمسالادى
قامسىزداندىرۋعا قاتىناسقاندارعا كاسىپتىك تەحنيكا بويىنشا تاربيەلەۋ، ورنىقتى كاسىپتەنۋ، كاسىپسىز قالۋدان ساقتانۋ تولىقتاما قاراجاتى بەرىلەدى
2017.05.23 16:11 كەلۋ قاينارى : حالىق تورابى
«حالىق گازەتى»، 22 – مامىر، بەيجيڭ (ءتىلشى باي تيانلياڭ). كاسىپسىزدىك قامسىزداندىرۋ قاراجاتى قامسىزداندىرۋعا قاتىناسقانداردىڭ كاسىپتىك قابىلەتىن جوعارىلاتۋ ءۇشىن تولىقتاما قاراجات رەتىندە جۇمسالادى. ادام كۇشى بايلىعى جانە قوعامدىق قامتاماسىزداندىرۋ مينيسترلىگى، قازىنا مينيسترلىگى تاياۋدا «كاسىپسىزدىك قامسىزداندىرۋ قاراجاتىنىڭ قامسىزداندىرۋعا قاتىناسقان جۇمىسشى – قىزمەتكەرلەردىڭ كاسىپتىك - تەحنيكالىق قابىلەتىن جوعارىلاتۋعا قولداۋ كورسەتۋىنە قاتىستى ماسەلەلەر جونىندەگى ۇقتىرۋىن» بىرلەسىپ باسىپ تاراتىپ، مىنالاردى ايقىن بەلگىلەدى: كاسىپسىزدىك قامسىزداندىرۋىنا زاڭ بويىنشا قاتىناسىپ ءارى جالپى اقى تاپسىرعان ۋاقىتى 36 ايدان اسقان، 2017 – جىلى 1 – قاڭتاردان باستاپ تومەن، ورتا، جوعارى دارەجەلى كاسىپتىك تولىمدىلىق كۋالىگىن العان نەمەسە كاسىپتىك - تەحنيكالىق دارەجە كۋالىگىن العان كاسىپورىندارداعى قىزمەتكەرلەردىڭ قامسىزداندىرۋعا قاتىناسقان جۇمىسشى – قىزمەتكەرلەر كاسىپتىك قابىلەتىن جوعارىلاتۋ تولىقتاما قاراجاتىن الۋعا ءوتىنىش بەرۋىنە بولادى، قاجەتتى قارجى كاسىپسىزدىك قامسىزداندىرۋى قورىنان شىعارىلادى. مەجەگە قاراعاندا، جىل سايىن كاسىپورىنداردىڭ 2 ميلليون جۇمىسشى – قىزمەتكەرى وسى جاڭا ساياساتتىڭ يگىلىگىن كورىپ كەلەدى ەكەن.
ادام كۇشى بايلىعى جانە قوعامدىق قامتاماسىزداندىرۋ مينيسترلىگى كاسىپسىزدىك قامسىزداندىرۋى مەڭگەرمەسىنىڭ جاۋاپتىسى بىلاي دەدى: بۇل ساياسات كاسىپسىزدىك قامسىزداندىرۋى قاراجاتىنىڭ كاسىپتەنۋدى جەبەۋدەگى رولىن كۇشەيتەتىن ماڭىزدى شارا بولىپ، ءبىر جاعىنان كاسىپورىندارداعى جۇمىسشى – قىزمەتكەرلەردى كاسىپسىزدىك قامسىزداندىرۋىنا ۇزاق ۋاقىت قاتىناسۋعا شابىت بەرسە، ەندى ءبىر جاعىنان جۇمىسشى – قىزمەتكەرلەردىڭ كاسىپتىك تەحنيكا ۇيرەنۋ بەلسەندىلىگىن تەزگە سالىپ، ورنىقتى كاسىپتەنۋ، كاسىپسىز قالۋدان ساقتانۋعا سەپتىگىن تيگىزەدى. ەڭبەكشىنىڭ ەڭ كوڭىل بولەتىنى تولىقتاما قاراجاتتىڭ ولشەمى. «ۇقتىرۋدا» مىنالار بەلگىلەندى: تولىقتاما قاراجات ولشەمىن ولكە دارەجەلى ەڭبەك كادرلار تاراۋلارى، قازىنا تاراۋلارى جەرگىلىكتى ورىندارداعى كاسىپسىزدىك قامسىزداندىرۋى قورىنىڭ اينالىس جاعدايى، كاسىپتىك - تەحنيكالىق تاربيەلەۋ، باعالاۋ ولشەمى سىندى فاكتورلارعا ساي ۋنيۆەرسالدى تۇراقتاندىرادى ءارى ۇيلەسىمدى ۋاقىتتا رەتتەيدى. سونىمەن بىرگە، تولىقتاما قاراجات ولشەمىنىڭ ەڭ جوعارعى شەگى دە ايقىن بەلگىلەندى، بۇندا تومەن دارەجەلى جۇمىسشى - قىزمەتكەردىڭ ولشەمى 1000 يۋاننان، ورتا دارەجەلى جۇمىسشى - قىزمەتكەردىڭ ولشەمى 1500 يۋاننان، جوعارى دارەجەلى جۇمىسشى – قىزمەتكەردىڭ ولشەمى 2000 يۋاننان اسپايدى، قوسىمشا قاراجات ولشەمى وڭىرلەرگە شۇعىل قاجەتتى تۇرلىشە جۇمىس تۇرلەرىنە بەيىمدەلەدى.
كەلۋ قاينارى: حالىق تورابى
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
