اۆتونوميالى وبلىستىڭ تۇڭعىش زەردەلى ماشينا ادام زاۆودى وندىرىسكە قوسىلدى
جۇڭگونىڭ جوعارى تەحنيكالى ەلەكتروندىق ونىمدەرى «ءبىر بەلدەۋ، ءبىر جول» ارقىلى ورتا ازيا، ءتىپتى، ەۆروپا بازارلارىندا ساتىلماقشى
2017.05.23 14:41
اۆتونوميالى وبلىستىڭ تۇڭعىش زەردەلى ماشينا ادام زاۆودى - قورعاس بوشىحاۋ ەلەكتروندىق عىلىم – تەحنيكا شەكتى سەرىكتىگى مامىردىڭ 10 – كۇنى جۇڭگو – قازاقستان قورعاس حالىقارالىق سەلبەستىك ورتالىعىنىڭ جۇڭگو جاق قىزمەت رايونىنىڭ 1 – مەرزىمدىك رايونىندا (ۋنيۆەرسالدى قورعامالى باجى رايونى) رەسمي وندىرىسكە قوسىلدى. بۇل «ءبىر بەلدەۋ، ءبىر جول» شىعىس جەلى ارقىلى جۇڭگونىڭ جوعارى تەحنيكالى ەلەكتروندىق ونىمدەرىنىڭ ورتا ازيا، ءتىپتى، ەۆروپا بازارلارىندا ساتىلاتىندىعىن ۇعىندىرادى.
وبلىستىق پارتكومنىڭ تۇراقتى مۇشەسى گاۋ تيانشان جۇمىس باستاۋ سالتىنا قاتىناستى ءارى قورعاس بوشىحاۋ ەلەكتروندىق عىلىم – تەحنيكا شەكتى سەرىكتىگىنىڭ زەردەلى ماشينا ادام قۇراستىرۋ رايونىن كوزدەن كەشىرىپ، سەرىكتىكتىڭ تاياۋ جىلدان بەرى ەل ىشىندەگى زەردەلى ماشينا ادام، زەردەلى تەرمينال كاسىبىن دامىتۋ جاقتارىندا قول جەتكىزگەن كورنەكتى ناتيجەلەرى مەن زەردەلى ونىمدەردى پايدالانۋ يقۋاتىن، پايدالانۋ سالاسىن، يقۋات ابزالدىعىن ەگجەي – تەگجەيلى ۇعىسىپ، سەرىكتىكتىڭ ءوزى زەرتتەپ جاساعان زەردەلى ماشينا ادام، شوفەرسىز وسىمدىك باپتاۋ ماشيناسى سياقتى زەردەلى تەرمينال جابدىقتارىنىڭ ۇلگى ارقىلى ءتۇسىندىرۋ جاعدايىن ناق مايداننان كوزدەن كەشىردى.
سول كۇنى ءتىلشى سەرىكتىكتىڭ قۇراستىرۋ سەحىنان زەردەلى ماشينا ادامنىڭ ۇلاسپالى جۇمىس ارقىلى قۇراستىرىلاتىندىعىن ءبىلدى. ۇلگى ارقىلى ءتۇسىندىرۋ زالىندا بۇل ارانى تاماشالاۋعا كەلگەن ءار ۇلت بۇقاراسى زەردەلى ماشينا اداممەن سويلەستى، ول سول ادامنىڭ بۇيرىعى بويىنشا جاۋاپ قايتارىپ وتىردى.
«قوجايىن ورنىڭىزدان تۇرىڭىز، قايىرلى تاڭ، بۇگىن بولمە ءىشىنىڭ تەمپەراتۋراسى 28 سەلتسي گرادۋس، اۋانىڭ ساپاسى توتەنشە جاقسى». زەردەلى ماشينا ادام قوجايىننىڭ الدىن – الا ورنالاستىرعان تالابى بويىنشا اۆتوماتتى تۇردە سۇراۋعا جاۋاپ قايتارادى ءارى ەسكەرتۋ بەرۋ، سەرىك بولۋ رولىن اتقارادى. بۇدان تىس، زەردەلى وتباسى ەلەكتروندىق جابدىقتارى بولسا، وعان قاتىستى تالاپ بويىنشا مىندەتتەردى ورىنداي الادى.
«ۇيىمە زەردەلى جابدىقپەن مەڭگەرىلەتىن پەردە ورناتقاننان كەيىن ماشينا ادام ساتىپ الۋ ويىم بار. تاڭەرتەڭ وياتۋدان تىس، تاعى ءۇيدىڭ پەردەسىن اشىپ، اۋا تەڭشەگىشتى تەڭشەيدى. بىلمەگەن نارسەڭىزدى سۇراساڭىز، ءبارىن ايتىپ بەرەدى. جايشىلىقتا ونىمەن اڭگىمەلەسۋگە دە بولادى، كوڭىلسىز كەزدە يندۋكسيالىق اسپابىن تۇرتسەڭىز، ءازىل – قالجىڭ ايتىپ كوڭىلىڭىزدى كوتەرەدى»، - دەدى قورعاس قالاسىنىڭ تۇرعىنى شۇي چيڭ.
قورعاس جىبەك جولى ەكونوميكالىق بەلدەۋىنىڭ وزەكتى رايونىنداعى ماڭىزدى ءتۇيىن رەتىندە ەرەكشە ابزال ساياسات جانە ءتيىمدى قاتىناس شارت – جاعدايىنا سۇيەنە وتىرىپ، كوپتەگەن كاسىپورىندى باۋرادى.
قورعاس بوشىحاۋ ەلەكتروندىق عىلىم – تەحنيكا شەكتى سەرىكتىگىن شىنجىن قالالىق بوشىحاۋ ماشينا ادام شەكتى سەرىكتىگى قارجى قوسىپ قۇرعان. وندا زەردەلى ماشينا ادامنىڭ جوعارى ورەلى جابدىقتارى شوعىرلانعان، جىلجىمالى حابارلاسۋ ونىمدەرىن تەحنيكالىق زەرتتەۋ – اشۋ، ءوندىرۋ، ساتۋ، قىزمەت وتەۋ ءبىر تۇلعالانعان كاسىپورىن. سەرىكتىك رەسمي وندىرىسكە قوسىلعاننان كەيىن جىلىنا 100 مىڭ دا 200 مىڭ دانا ماشينا ادام وندىرەدى. نىساندا ەكى مەرزىمگە ءبولىنىپ قۇرىلىس جۇرگىزۋ، جالپى ءبىر ميلليارد يۋان قارجى قوسۋ جوسپارلانعان. نىساننىڭ 1 – مەرزىمدىك قۇرىلىسى جۇڭگو جاق قىزمەت رايونىنىڭ ۋنيۆەرسالدى قورعامالى باجى رايونىندا سالىنادى، بۇعان 300 ميلليون يۋان قارجى قوسىلىپ، قىزمەت رايونىنداعى 26 مىڭ شارشى مەتر ولشەمدى زاۆود ۇيىندە ءوندىرىس جۇرگىزەدى. نىساننىڭ 2 – مەرزىمدىك قۇرىلىسىنا 700 ميلليون يۋان قارجى قوسىلادى، بۇل ۋنيۆەرسالدى قورعامالى باجى رايونىنىڭ سىرتىندا 200 مىڭ شارشى مەتر ولشەمدى زاۆود ءۇيى سالىنادى ءارى بۇعان ماشينا ادام جاساۋ جۇمىسىنا قاتىناساتىن تۇلعالى كاسىپورىندار ىرگە تەبەدى.
سەرىكتىكتىڭ باس جوراسى يان تاۋياڭ تىلشىگە بىلاي دەدى: سەرىكتىك وڭتۇستىكتەگى ەرەكشە رايوننان قورعاسقا كەلىپ، قارجى قوسىپ، شارۋاشىلىعىن وركەندەتپەكشى، مۇنداعى كوزدەگەنىمىز قورعاستىڭ جەرگىلىكتى جانە ساياساتتىق ابزالدىعى. سەرىكتىكتىڭ شەتەلدەگى قاريدارى نەگىزىنەن روسسيادا، قازىرگە دەيىنگى ءوندىرىس سەحىنىڭ مۇندا كەلۋى - تاسىمال شىعىمىن ۇنەمدەپ قانا قالماستان، «ءبىر بەلدەۋ، ءبىر جول» ورايىنان پايدالانىپ ءوندىرىستى تاعى ورتا ازيا، ءتىپتى، ەۆروپا بازارلارىنا دەيىن كەڭەيتۋگە مۇمكىندىك بەردى. 2016-جىلى كەلىسىمگە قول قويعان سەرىكتىك 2017- جىلى بىرنەشە اي عانا ۋاقىت جۇمساپ، العاشقى مەرزىمدەگى قىزمەتتەردى ءساتتى اياقتاتتى ءارى جۇمىس باستادى. جەرگىلىكتى ۇكىمەت ىقىلاستى، جان-جاقتى قىزمەت وتەدى جانە ءىس ءبىتىرۋ ونىمدىلىگى ارقىلى كاسىپورىننىڭ قورعاستا دامۋ، 2020-جىلى نەگىزگى بازارعا ويىسۋ سەنىمىن بەكەمدەدى، بۇل ارانىڭ ۇزاققا بارماي جۇڭگونىڭ ەكىنشى شىنجىنى بولاتىندىعىنا سەنىمىم كامىل.
ۇعىسۋعا قاراعاندا، جۇڭگو-قازاقستان قورعاس حالىقارالىق شەكارا سەلبەستىك ورتالىعىنداعى جۇڭگو جاقتىڭ 1-مەرىزىمدەگى قۇرىلىسى - «زەردەلى ماشينا جانە زەردەلى تەرمينال جاساۋ كاسىپ باقشاسى» نىسانىنىڭ يەلەگەن جەر كولەمى 300 مۋ ەكەن، وندا 200 مىڭ شارشى مەتر كەلەتىن ولشەمدى زاۆود قۇرىلىسىن سالۋ جوبالانعان، وعان قۇلتەمىر وندىرەتىن سايكەستى 12 كاسىپورىن ورنالاسپاق. تاپسىرىس قاجەتىنەن شىعۋ ءۇشىن 1-مەرزىمدەگى نىسان ۋنيۆەرسالدى A5 رايونىنداعى 3 عيماراتتىڭ 26 مىڭ شارشى مەتر زاۆود ءۇيىن مايعا الىپ ءوندىرىس جۇرگىزەدى. مۇندا جالپى تۇلعانى قۇراستىرۋ، سۋلياۋمەن پىشىندەۋ، ماركا شاپتاۋ، بەس مەتال، قوسىمشا ماتەريالدار زاۆودى سىندى7 كاسىپورىن جۇمىس جۇرگىزبەكشى، 2 دانا زەردەلى ماشينا ادام جاساۋ ۇلاسپالى جەلىسى ورناتىلىپ، مەجەمەن جىلدىق ءوندىرىس قۇنىن 3 ميلليارد يۋان ورىنداۋدى جۇزەگە اسىرماقشى. 2017-جىلى 100 مىڭ دانادان 300 مىڭ داناعا دەيىن قۇلتەمىر ءوندىرۋ بەلگىلەندى. قولفون، تاقتا كومپيۋتەر، سيفرلى اپپارات، كومپيۋتەر سياقتى ءداستۇرلى ەلەكتر بۇيىمدارىن جىلدىق ءوندىرۋ مولشەرى 3 تە 5 ميلليون دانا.
بو شىحاۋ «زەردەلى ماشينا ادام جانە زەردەلى تەرمينال جاساۋ كاسىپ باقشاسى» نىسانى- وبلىسقا توتە قاراستى ورىندار تۇڭعىش رەت ەنگىزگەن جوعارى، جاڭا تەحنيكالى كاسىپ نىسانى. ول قورعاستىڭ، ءتىپتى، تۇتاس اۆتونوميالى وبلىستىڭ كاسىپ تيپىنە بۇرىلىس جاساپ، دارەجەسىن جوعارىلاتۋعا تاماشا نەگىز قالادى. بۇدان كەيىن قورعاس دامۋدى جاڭالىق جاراتۋ ارقىلى جەبەۋ ستراتەگياسى بويىنشا ءداستۇرلى، ابزال كاسىپتەردىڭ دارەجەسىن جوعارىلاتىپ، ءبىرقىدىرۋ جاڭا، جوعارى تەحنيكالى كاسىپورىنداردى باۋلۋ، جاڭالىق جاراتۋ ارقىلى جەبەۋدى قورعاستى دامىتاتىن قوزعاۋشى كۇشكە اينالدىرىپ، جاڭالىق جاراتۋ سيپاتىنداعى ەكونوميكانىڭ، ەكونوميكانى دامىتۋدىڭ نەگىزگى تۇلعاسى ەتپەكشى.
كەلۋ قاينارى: «ىلە گازەتى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
