سۋدان پايدالانۋدىڭ تۇرلەرىنە قاراي پارىقتى باجى الىنىپ، سۋ بايلىعىن ۇنەمدەۋ، قورعاۋ جەبەلەدى
9 ولكە كەلەر ايدان باستاپ سۋ بايلىعى باجىسىن جينايدى
2017.11.29 16:04 كەلۋ قاينارى : حالىق تورابى
«حالىق گازەتى»، 28 – قاراشا، بەيجيڭ (ءتىلشى ۋ چيۋيۇي). قازىنا مينيسترلىگى، باجى باس مەكەمەسى، سۋ مينيسترلىگى 28 – قاراشادا «سۋ بايلىعى باجىسىن جيناۋدى تۇيىندە سىناق ەتۋ اۋماعىن كەڭەيتۋ جونىندەگى اتقارۋ ءادىسىن» (تومەندە قىسقاشا «اتقارۋ ءادىسى» دەلىنەدى) جاريالادى، 1 – جەلتوقساننان باستاپ بەيجيڭ، تيانجين، سانشي، ىشكى موڭعۇل، حىنان، شاندۇڭ، سىچۋان، شانشي، نيڭشيا سىندى 9 ولكە، اۆتونوميالى رايون، توتە قاراستى قالا سۋ بايلىعى باجىسىن جيناۋدى تۇيىندە سىناق ەتۋ كولەمىنە ەنگىزىلەدى. سۋ بايلىعى اقىسىن جيناۋ سۋ بايلىعى باجىسىنا وزگەرتىلىپ، تۇيىندە سىناق ەتۋ اۋماعىن كەڭەيتۋ ارقىلى سۋ بايلىعىن ۇنەمدەۋ، قورعاۋ جەبەلىپ، سۋ بايلىعى باجى ءتۇزىمىن جاپپاي اتقارۋعا تاجىريبە توپتالىپ، شارت ازىرلەنەدى.
ەلىمىز 2016 – جىلى 1 – شىلدەدەن باستاپ سۋ بايلىعى باجىسىن جيناۋدى الدىمەن حىنان ولكەسىندە تۇيىندە سىناق ەتتى، سونان بەرگى ءبىر جىلدان استام ۋاقىتتا بۇل قىزمەت ورنىقتى، ءتارتىپتى ىلگەرىلەتىلىپ، سۋ بايلىعىن ۇنەمدەپ پايدالانۋدى جەبەدى. بۇل قىزمەت سونداي – اق ادەتتەگى ونەركاسىپ – ساۋدا كاسىپورىندارى مەن تۇرعىنداردىڭ قالىپتى ءوندىرىس پەن تۇرمىستا سۋدان پايدالانۋ اۋىرتپالىعىن جالپى جاقتان ارتتىرىپ جىبەرگەن جوق.
وسى رەت جاريالانعان «اتقارۋ ادىسىنە» نەگىزدەلگەندە، بەلگىلەنگەن جاعدايدان تىس، سۋ بايلىعى باجىسىن تاپسىرۋشىلار داريادان، وزەننەن، كولدەن (سۋ قويماسى قامتىلادى) جانە جەر استىنان سۋ بايلىعىن تىكەلەي الۋشى ورىندار مەن جەكەلەر بولادى. ادەتتەگى سۋ ىستەتۋ جاعدايىنا قاراتا ناقتى ىستەتكەن سۋ مولشەرىنە قاراي باجى الىنادى. سونىمەن بىرگە، سۋ بايلىعى باجىسىنىڭ رەتتەۋ – مەڭگەرۋ رولىن ساۋلەلەندىرۋ ءۇشىن، سۋدىڭ تۇرلىشە سيپاتىنا قاراي پارىقتى باجى الىنادى، جەر استى سۋىنان الىناتىن باجى جەر بەتىن سۋىنان الىناتىن باجىدان جوعارى بولادى، سۋى قالىپتان تىس پايدالانىلعان وڭىردەگى جەر استى سۋىنان الىناتىن باجى سۋى قالىپتان اسپاي پايدالانىلعان وڭىردەگى جەر استى سۋىنان الىناتىن باجىدان جوعارى بولادى، سۋى قالىپتان تىس پايدالانىلعان وڭىردەگى جەر استى سۋىنان الىناتىن باجى ادەتتەگى جاعدايدان 1 – 4 ەسە جوعارى الىنادى، سۋ جوسپاردان تىس پايدالانىلعان وڭىردەگى جەر استى سۋىنان الىناتىن باجى ادەتتەگى جاعدايدان 1 – 3 ەسە جوعارى الىنادى، ەرەكشە كاسىپ تۇرلەرىنە قاراتا جوعارى باجى الىنادى، بەلگىلەنگەن شەكتەن اسقان اۋىل شارۋاشىلىق وندىرىسىندە سۋدان پايدالانۋ، اۋىل – قىستاقتاعى اۋىز سۋدان شوعىرلى پايدالانۋ ينجەنەرياسى سياقتىلارعا تومەن باجى الىنادى. ناقتى باجى مولشەرىن ولكە دارەجەلى حالىق ۇكىمەتى ءوز ءوڭىرىنىڭ سۋ بايلىق جاعدايىنا، ەكونوميكا، قوعام دامۋ دەڭگەيىنە جانە سۋ بايلىعىن ۇنەمدەۋ، قورعاۋ تالابىنا قاراي تۇراقتاندىرادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
