1 – جەلتوقساننان باستاپ اتقارىلاتىن جاڭا بەلگىلەمەلەر: ۋيچات ارقىلى نەسيەلىك كارتاعا اقشا قايتارساڭىز اقى الىنادى
2017.12.01 14:26 كەلۋ قاينارى : حالىق تورابى
عالامتورداعى بۇلتتى ساقتاۋ بوستىعىنا بادىك ينفورماتسيالاردى ساقتاعانداردىڭ قىلمىستىق ىستەر جاۋاپكەرشىلىگى زاڭ بويىنشا قۋزاستىرىلادى؛ ۋيچات ارقىلى نەسيەلىك كارتاعا ايىنا قايتاراتىن اقشاڭىزدىڭ 5000 يۋاننان اسقان بولەگىنە %0.1 رەسميەت اقىسى الىنادى؛ «ەرىكتىلەردىڭ قىزمەت وتەۋ ەرەجەسىندە» ءارقانداي ۇيىم مەن جەكەنىڭ ەرىكتىلەر مەن ەرىكتىلەر ۇيىمىن ەرىكتى قىزمەت وتەۋگە زورلىقپەن بۇيىرۋىنا بولمايتىنى بەلگىلەنەدى؛ 187 ءتۇرلى تۇتىنۋ بۇيىمىن يمپورت ەتۋ كەدەن باجىسى تومەندەتىلەدى... 1 – جەلتوقساننان باستاپ، تۇرمىسىزعا ساياتىن ءبىر توپ جاڭا بەلگىلەمەلەر اتقارىلادى.
1 – جەلتوقساننان باستاپ، عالامتورداعى بۇلتتى ساقتاۋ بوستىعىنا بادىك ينفورماتسيا ساقتاعانداردىڭ قىلمىستىق ىستەر جاۋاپكەرشىلىگى زاڭ بويىنشا قۋزاستىرىلادى
«ەڭ جوعارى حالىق سوتى مەن ەڭ جوعارى حالىق پروكۋراتۋراسىنىڭ عالامتورداعى بۇلتتى ساقتاۋ بوستىعىنان پايدالانىپ ەلەكتروندىق بادىك ينفورماتسيالاردى جاساۋ، كوشىرۋ، ساتۋ، تاراتۋ ارقىلى پايدا تابۋ ارەكەتىنە قىلمىس تۇراقتاندىرۋ، جازا كەسۋ ماسەلەسى جونىندەگى بەكىتۋى» 2017 – جىلى 1 – جەلتوقساننان باستاپ اتقارىلىپ، پايدا تابۋدى ماقسات ەتىپ، عالامتورداعى بۇلتتى ساقتاۋ بوستىعىنان پايدالانىپ ەلەكتروندىق بادىك ينفورماتسيالاردى جاساۋ، كوشىرۋ، ساتۋ، تاراتۋ ارەكەتىنىڭ قىلمىستىق ىستەر جاۋاپكەرشىلىگىن قۋزاستىرۋ كەرەك پە، جوق پا دەگەن ماسەلەگە، قىلمىستىق ىستەر زاڭى مەن «ەڭ جوعارى حالىق سوتى مەن ەڭ جوعارى حالىق پروكۋراتۋراسىنىڭ عالامتوردان، جىلجىمالى حابارلاسۋ تەرمينالدارىنان، ينفورماتسيالىق قىزمەت وتەۋ تەكشەلەرىنەن پايدالانىپ ەلەكتروندىق بادىك ينفورماتسيالاردى جاساۋ، كوشىرۋ، ساتۋ، تاراتۋ سىندى قىلمىستىق ارەكەتتەردى ءبىرجاقتى ەتۋدە ناقتى قولدانىلاتىن زاڭ جونىندەگى ءبىرقانشا ماسەلەگە تۇسىنىكتەمەدەگى»، «ەڭ جوعارى حالىق سوتى مەن ەڭ جوعارى حالىق پروكۋراتۋراسىنىڭ عالامتوردان، جىلجىمالى حابارلاسۋ تەرمينالدارىنان، ينفورماتسيالىق قىزمەت وتەۋ تەكشەلەرىنەن پايدالانىپ ەلەكتروندىق بادىك ينفورماتسيالاردى جاساۋ، كوشىرۋ، ساتۋ، تاراتۋ سىندى قىلمىستىق ارەكەتتەردى ءبىرجاقتى ەتۋدە ناقتى قولدانىلاتىن زاڭ جونىندەگى ءبىرقانشا ماسەلەگە تۇسىنىكتەمەدەگى II» قاتىستى بەلگىلەمەلەر بويىنشا جاۋاپ قاراستىرىلادى.
ۋيچات بويىنشا نەسيەلىك كارتاعا اقشا اي سايىن قايتاراتىن اقشاڭىزدىڭ 5000 يۋاننان اسقان بولەگىنە 1 – جەلتوقساننان باستاپ %0.1 اقى الىنادى
جۋىردا، ۋيچات ۇجىمى «ۋيچاتتا نەسيەلىك كارتاعا اقشا قايتارۋدان اقى الۋ بەلگىلەمەسى تۋرالى تۇسىنىكتەمەنى» جاريالادى: 2017 – جىلى 1 – جەلتوقساننان باستاپ، بارلىق تۇتىنۋشىلاردىڭ ءار ايدا ۋيچات ارقىلى نەسيەلىك كارتاعا قايتاراتىن اقشاسىنىڭ 5000 يۋاننان اسقان بولەگىنە %0.1 اقى الىنادى (ەڭ تومەن بولعاندا 0.1 يۋان، 5000 يۋاننان اسپايتىن بولەگى ءالى دە تەگىن بولادى.
«ەرىكتىلەردىڭ قىزمەت وتەۋ ەرەجەسى» 1 – جەلتوقساننان باستاپ اتقارىلادى
جۋىردا، مەملەكەتتىك كەڭەس «ەرىكتىلەردىڭ قىزمەت وتەۋ ەرەجەسىن» جاريالادى، 2017 – جىلى 1 – جەلتوقساننان باستاپ اتقارىلادى. «ەرەجەگە» نەگىزدەلگەندە ، ەرىكتى قىزمەت وتەيتىن ۇيىمدار، ەرىكتىلەر ەرىكتى قىزمەت وتەۋ وبيەكتىسىنىڭ ادامدىق ار – نامىسىنا قۇرمەت ەتۋى، ەرىكتى قىزمەت وتەۋ وبيەكتىسىنىڭ جەكەلىك قۇپيالىعىنا قول سۇقپاۋى، ەرىكتى قىزمەت وتەۋ وبيەكتىسىنەن اقى الماۋى نەمەسە ءتۇرى وزگەرگەن اقى الۋ ارەكەتىن ىستەمەۋى كەرەك. ءارقانداي ۇيىم مەن جەكەنىڭ ەرىكتىلەردى، ەرىكتىلەر ۇيىمىن ەرىكتى قىزمەت وتەۋگە زورلاۋىنا بولمايدى.
قازىنا مينيسترلىگى: 1 – جەلتوقساننان باستاپ، يمپورت ەتىلەتىن ءىشىنارا تۇتىنۋ بۇيىمدارىنىڭ كەدەن باجىسى تومەندەتىلەدى
قازىنا مينيسترلىگى تورابى جۋىردا «مەملەكەتتىك كەڭەستىڭ كەدەن باجىسى ەرەجەسىن بەلگىلەۋ كوميتەتىنىڭ يمپورت ەتىلەتىن ءىشىنارا تۇتىنۋ بۇيىمدارىنىڭ كەدەن باجىسىن تومەندەتۋ جونىندەگى ۇقتىرۋىن» جاريالادى. «ۇقتىرۋعا» قاراعاندا، 2017 – جىلى 1 – جەلتوقساننان باستاپ، باجى سالىستىرماسى ءتاسىلىن توقتاتا تۇرۋ ارقىلى، يمپورت ەتىلەتىن ءىشىنارا تۇتىنۋ بۇيىمدارىنىڭ كەدەن باجىسىن تومەندەتەدى.
بۇدان بۇرىنعى باجىنى تومەندەتۋ نەگىزىندە، 2017 – جىلى 1 – جەلتوقساننان باستاپ، باجى سالىستىرماسى ءتاسىلىن توقتاتا تۇرۋ ارقىلى، يمپورت ەتىلەتىن ءىشىنارا تۇتىنۋ بۇيىمدارىنىڭ باجى مولشەرىن تومەندەتەدى، بۇل بۇيىمدار ىشىندە جەمەك – ىشپەك، دەنساۋلىق ساقتاۋ بۇيىمدارى، ءدارى – دارمەك، تۇرمىستىق تۇتىنۋ بۇيىمدارى، كيىم – كەشەك، اياق كيىم جانە باس كيىم،وتباسىندا ىستەتىلەتىن جابدىقتار، مادەنيەت – كوڭىل اشۋ بۇيىمدارى، كۇندەلىكتى ءتۇرلى بۇيىمدار قاتارلى تۇتىنۋ بۇيىمدارى قامتىلادى.
«بوبەكتەردىڭ توقىمادان جاسالعان توسەك-ورىن بۇيىمدارى» جونىندەگى مەملەكەتتىك ولشەم 1 – جەلتوقساننان باستاپ اتقارىلادى
ەلىمىز 2015 – جىلى مەملەكەت جاعىنان ءماجبۇرلى تۇردە اتقارىلاتىن «بوبەكتەر مەن بالالارعا ارنالعان توقىما بۇيىمداردىڭ حاۋىپسىزدىك تەحنيكاسىن ارناعا ءتۇسىرۋ» GB31701-2015 ولشەمىن جاريالادى، 2016 – جىلى 1 – ماۋسىمنان باستاپ اتقارىلدى. ولشەمدە بوبەكتەر مەن بالالاردىڭ توسەك - ورىن بۇيىمدارىن قامتىعان ءتۇرلى توقىما بۇيىمداردىڭ ساپاسى مەن حاۋىپسىزدىك كورسەتكىشى جاپپاي ارناعا ءتۇسىرىلدى.
«بوبەكتەر مەن بالالارعا ارنالعان توقىما بۇيىمداردىڭ حاۋىپسىزدىك تەحنيكاسىن ارناعا ءتۇسىرۋ» نەگىزىندە، سابيلەرگە ارنالعان توسەك –ورىن بۇيىمدارىنىڭ ساپاسىنا قاراتىلعان جاڭا ولشەم قاتىستى بۇيىمدارعا اناعۇرلىم قاتاڭ، باعىتتامالى تۇردە ساپالىق تالاپ قويىپ، ەلىمىزدە بوبەكتەردىڭ توسەك-ورىن بۇيىمدارىنىڭ ساپاسىنا ارناۋلى قويىلاتىن ولشەم بولماۋ تاريحىن اياقتاتادى. «بوبەكتەردىڭ توقىمادان جاسالعان توسەك – ورىن بۇيىمدارى» GB/T33734-2017 ولشەمى 1 – جەلتوقساننان باستاپ اتقارىلادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
