2017 – جىلعى ەل ىشىندەگى ون ءىرى حابار
2017.12.29 14:04 كەلۋ قاينارى : حالىق تورابى
1. پارتيا 19 – قۇرىلتايى تابىسپەن اشىلدى
كۇللى الەم كوز تىككەن جۇڭگو كوممۋنيستىك پارتياسىنىڭ مەملەكەتتىك 19 – قۇرىلتايى 18 – قازاننان 24 – قازانعا دەيىن بەيجيڭدە تابىسپەن اشىلدى، بۇل رەتكى قۇرىلتاي جاپپاي دوڭگەلەك داۋلەتى قوعام قۇرۋدىڭ جەڭىسىنە قول جەتكىزەتىن، جۇڭگوشا سوتسياليزمنىڭ جاڭا داۋىرگە قادام تاستاعان شەشۋشى ساتتە اشىلعان ءبىر رەتكى توتەنشە ماڭىزدى قۇرىلتاي بولىپ، جاڭا داۋىردەگى جۇڭگوشا سوتسياليزمنىڭ ۇلى جەڭىسىنە قول جەتكىزۋدىڭ اتوي سالۋ دابىلىن قاقتى. قۇرىلتاي شي جينپيڭنىڭ پارتيا 18 – كەزەكتى ورتالىق كوميتەتى اتىنان جاساعان بايانداماسىن، ورتالىق ءتارتىپ تەكسەرۋ كوميتەتىنىڭ قىزمەت بايانداماسىن ماقۇلدادى، «جۇڭگو كوممۋنيستىك پارتياسىنىڭ ۋستاۆىن (تۇزەتۋ ەنگىزىلگەن نۇسقا)» قاراپ ماقۇلدادى، جاڭا كەزەكتى ورتالىق كوميتەت پەن ورتالىق ءتارتىپ تەكسەرۋ كوميتەتىن سايلادى. قۇرىلتاي پارتيا 18 – كەزەكتى ورتالىق كوميتەتىنىڭ قىزمەتىنە جوعارى باعا بەردى، پارتيانىڭ 18 – قۇرىلتايىنان بەرگى بەس جىلدىڭ پارتيا مەن مەملەكەتتىڭ دامۋ ۇردىسىندەگى وتە وزگەشە بەس جىل ەكەنىن، رەفورما جاساپ، ەسىك اشۋ مەن سوتسياليستىك وسىزامدانداندىرۋ قۇرىلىسىندا تاريحي تابىستارعا قول جەتكەنىن اتاپ كورسەتتى. شي جينپيڭنىڭ جاڭا داۋىردەگى جۇڭگوشا سوتسياليزم يدەياسىن پارتيا ۋستاۆىنا جازىپ، پارتيانىڭ، ءسوزسىز، ۇزاق ۋاقىت بويى تاباندى بولاتىن جەتەكشى يدەياسى ەتىپ تۇراقتاندىردى. پارتيا 19 – كەزەكتى ورتالىق كوميتەتىنىڭ ءبىرىنشى جالپى ءماجىلىسى 25 – قازاندا شي جينپيڭدى ورتالىق كوميتەتتىڭ باس شۋجيلىعىنا سايلادى.
2. شيۇڭ – ان جاڭا رايونى قۇرىلدى
پارتيا ورتالىق كوميتەتى مەن مەملەكەتتىك كەڭەس ناۋرىز ايىندا ۇقتىرۋ جاريالاپ، حىبەيدىڭ شيۇڭ – ان جاڭا رايونىن قۇرۋدى بەكىتتى، جوسپار كولەمىنە حىبەي ولكەسىنىڭ شيۇڭ – ان، رۇڭچىڭ، انشين سىندى 3 اۋدانى مەن ماڭىنداعى ءىشىنارا وڭىرلەر ەنگىزىلدى. بۇل شىنجىن ەكونوميكالىق ەرەكشە رايونى، شاڭحاي پۋدۇڭ جاڭا رايونىنان كەيىنگى تاعى ءبىر مەملەكەتتىك ءمان الاتىن جاڭا رايون بولىپ، ۇزاق بولاشاقتىق جوسپار، مەملەكەتتىك كەلەلى ءىس. شيۇڭ – ان جاڭا رايونىن قۇرۋدى جوسپارلاۋ ـــ پارتيا ورتالىق كوميتەتىنىڭ بەيجيڭ – تيانجين – حىبەيدى سايكەستىرە دامىتۋدا ورتاعا قويعان كەلەلى شەشىمى جانە ورنالاستىرۋى، جان سانىندىق ەكونوميكا شوعىرلانعان وڭىرلەردى الدىمەن كوركەيتۋدىڭ جاڭا قالىبىن جاراتۋ جولىنداعى ىزدەنىس جاساۋ، بەيجيڭ – تيانجين – حىبەي وڭىرىندە قالالاردىڭ ورنالاسۋى مەن كەڭىستىكتىك قۇرىلىمىن رەتكە سالۋ جانە كەمەلدەندىرۋ، جاسامپازدىقتى قوزعاۋشى كۇش ەتكەن دامۋعا تىڭ قوزعاۋشى كۇش جەتىلدىرۋدە كەلەلى رەال ماڭىزعا جانە تەرەڭ تاريحي ماڭىزعا يە.
3. ازاماتتىق زاڭىنىڭ جالپى ەرەجەسى ماقۇلدانىپ اتقارىلدى
ازاماتتىق زاڭىنىڭ كىرىسپەسى رەتىندە، «جۇڭحۋا حالىق رەسپۋبليكاسىنىڭ ازاماتتىق زاڭىنىڭ جالپى ەرەجەلەرى» 15 – ناۋرىزدا مەملەكەتتىك 12 – كەزەكتى حالىق قۇرىلتايىنىڭ 5 – ماجىلىسىندە داۋىس بەرىپ ماقۇلدانىپ، 2017 – جىلى 1 – قازاننان باستاپ اتقارىلدى. بۇل ازاماتتىق زاڭىن جاساۋدا ماڭىزدى قادام تاستاعانىمىزدان دەرەك بەرەدى. ازاماتتىق زاڭىنىڭ جالپى ەرەجەلەرى 206 تارماقتان قۇرالادى، ازاماتتىق ىستەر نەگىزگى تۇلعاسىنىڭ زاڭدى ۇقىق – مۇددەسىن قورعاۋ، ازاماتتىق ىستەر قارىم – قاتىناسىن دۇرىس رەتكە سالۋ، قوعامدىق جانە ەكونوميكالىق تارتىپتەردى قورعاۋ جاقتارىندا ماڭىزدى رول اتقارادى. ازاماتتىق ىستەر زاڭىنىڭ جالپى ەرەجەلەرى مەملەكەتتى زاڭمەن باسقارۋدى جاپپاي ىلگەرىلەتىپ، مەملەكەتتى جونگە سالۋ قابىلەتىن جوعارىلاتۋعا قۋاتتى قوزعاۋشى كۇش قوسىپ، ەلىمىز ازاماتتارىنىڭ ۇقىق – مۇددەسىنە كەپىلدىك ەتۋدى زاڭمەن باسقارۋدىڭ جاڭا ءداۋىرىن اشتى.
4. ءبىر بەلدەۋ، ءبىر جول حالىقارالىق سەلبەستىك سامميتى وتكىزىلدى
«ءبىر بەلدەۋ، ءبىر جول» حالىقارالىق سەلبەستىك سامميتى 14 – مامىردان 15 – مامىرعا دەيىن بەيجيڭدە وتكىزىلدى. بۇل تۇڭعىش رەت جۇڭگونىڭ ۇندەۋىمەن وتكىزىلگەن «ءبىر بەلدەۋ، ءبىر جول» قۇرىلىسى اياسىنداعى دارەجەسى ەڭ جوعارى، كولەمى ەڭ زور حالىقارالىق ءماجىلىس بولىپ، شەتەلدىك 29 ەل باسى مەن ۇكىمەت باسشىسىن قامتىعان، 130 مەملەكەت پەن 70 نەشە حالىقارالىق ۇيىمنان كەلگەن 1500دەن استام ۋاكىل قاتىناستى. مەملەكەت ءتوراعاسى شي جينپيڭ تاقىرىپتىق لەكسياسىندا، بەيبىت سەلبەسۋ، اشىق جانە كەڭ تىنىستى، ءوزارا ۇيرەنۋ مەن تاجىريبە قابىلداۋ، ءوزارا پايدا جەتكىزۋ مەن بىرگە تيىمدىلىككە كەنەلۋ سىندى جىبەك جولىنىڭ وزەكتى رۋحىنا تاباندى بولىپ، «ءبىر بەلدەۋ، ءبىر جول» قۇرىلىسىنىڭ ورنىقتى دا باياندى بولۋىن قول ۇستاسا ىلگەرىلەتۋدى، «ءبىر بەلدەۋ، ءبىر جولدى» بەيبىت، گۇلدەنگەن، اشىق، جاسامپازدىققا تولى، وركەنيەتتى جول ەتىپ قۇرىپ شىعىپ، اناعۇرلىم كوركەم بولاشاققا قادام تاستاۋدى باسا دارىپتەدى.
5. تۇڭعىش وتاندىق اۆياماتكا سۋعا ءتۇسىرىلدى
ەلىمىز ءوزى زەرتتەپ جاساعان تۇڭعىش اۆياماتكا 26 – ساۋىردە تۇڭعىش رەت كەمە تۇراعىنان شىعارىلىپ، سۋعا ءتۇسىرىلدى. بۇل ەلىمىزدىڭ ەكىنشى اۆياماتكاسى. تۇڭعىش وتاندىق اۆياماتكانىڭ سۋعا ٴتۇسىرىلۋى جۇڭگو تەڭىز ارمياسىنىڭ قارۋ – جاراق ورەسىنىڭ بىردەن جوعارىلاعانىن ايگىلەپ، ەلىمىزدىڭ اۆياماتكانى ءوزى جوبالاپ جاساۋ جاعىندا كەلەلى كەزەڭدىك تابىسقا قول جەتكىزگەنىنەن دەرەك بەرەدى، جۇڭگونىڭ جالپى تۇلعالىق مەملەكەت قۋاتىنىڭ جوعارىلاعانىن ايگىلەيدى. قازىر اتالعان اۆياماتكانىڭ نەگىزگى تۇلعاسى جاسالىپ، قوزعاۋشى كۇش، ەلەكتر قۋاتى سىندى ماڭىزدى جۇيەلەرى ورنالاستىرىلىپ بولدى، جۇيەلىك قۇرىلىعىلارىنا تەڭشەۋ جۇرگىزۋ جانە كەمە جابدىقتارىن ورنالاستىرۋ، سونداي – اق، كەمەنى توقتاتۋ – جۇرگىزۋ سىناقتارى ىستەلۋدە.
6. ارميا قۇرىلعانىنىڭ 90 جىلدىنا وراي سالتاناتتى پارات وتكىزىلدى
جۇڭگو حالىق ازاتتىق ارمياسى قۇرىلعانىنىڭ 90 جىلدىعىنا وراي، 30 – شىلدە كۇنى تۇستەن بۇرىن جۋرىحى بىرلەسكەن جاتتىعۋ بازاسىندا سالتاناتتى پارات وتكىزىلدى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ قوسىنداردى كوزدەن كەشىردى ءارى ماڭىزدى ءسوز سويلەدى. پاراتقا قاتىناسقان 12 مىڭ كوماندير – جاۋىنگەر، 600 نەشە دانا اۆتو – قۇرالدار جيىلىپ قاتار تۇزەدى، 100 نەشە اسكەري ۇشاق 6 اۋەجايدا ساپ تۇزەدى. بۇل جۇڭگو حالىق ازاتتىق ارمياسىنىڭ تۇڭعىش رەت ارميا مەرەكەسى بايلانىسىمەن سالتاناتتى پارات وتكىزۋى، بۇل دالالىق شايقاس، ناقتى شايقاس مايدانىنا اسكەرلەردى ازىرلەۋ، حالىق ارمياسىنىڭ تۇلعالىق، تۇبىرلىك وزگەرىستەردەن كەيىن جاڭاشا بەينەدە ەل كوزىنە كورىنۋى ەسەپتەلەدى.
7. وتاندىق C919 ءىرى ۇشاعىنىڭ تۇڭعىش ۇشۋى ءساتتى بولدى
ەلىمىزدىڭ ەڭ جاڭا حالىقارالىق ۇشۋ ولشەمى بويىنشا زەرتتەپ جاساعان تۇڭعىش نەگىزگى جەلىلىك حالىقتىق اۆياتسيا C919 ۇشاعى 5 – مامىر كۇنى تۇڭعىش ۇشۋىن ءساتتى ورىندادى. بۇل ەلىمىزدىڭ حالىقتىق اۆياتسيا تەحنيكاسىندا شوعىرلى تۇردە تابىسقا جەتىپ، دۇنيە جۇزىندەگى ءىرى تۇرپاتتى جولاۋشىلار ۇشاعىن ءوزى زەرتتەپ جاساي الاتىن قۋاتى بار ساناۋلى ەلدەردىڭ ءبىرى بولىپ، جۇڭگونىڭ اۆياتسيا قۇرىلعىلارىن جاساۋ ورەسى جاڭا دەڭگەيگە قادام تاستادى. جىل باسىنان بەرى، ەلىمىز ءوزى زەرتتەپ جاساعان تۇڭعىش جۇك تاسىمالى الەم كەمەسى تيانجوۋ – 1 ۇشىرىلدى، تۇڭعىش رەت تەڭىز الابىنان تابيعي گازدىڭ سۋداعى قوسپاسىن سىناق رەتىندە الۋ ءساتتى بولدى ... جۇڭگونىڭ عىلىم – تەحنيكاسى جاڭا ورەگە قادام تاستادى.
8. مەملەكەتتىك قاداعالاۋ تۇزىلىسىنە رەفورما جاساۋدى تۇيىندە سىناق ەتۋ بۇكىل ەلىمىز كولەمىندە جالپىلاستىرىلدى
مەملەكەتتىك 12 – كەزەكتى حالىق قۇرىلتايى تۇراقتى كوميتەتى 3 – ءماجىلىسى 4 – قاراشا كۇنى بۇكىل ەلىمىز كولەمىندە مەملەكەتتىك باقىلاۋ ءتۇزىلىسى رەفورماسىن تۇيىندە سىناق ەتۋ قىزمەتى جونىندەگى قاۋلىنى ماقۇلدادى،سونىمەن رەفورمانى تۇيىندە سىناق ەتۋ بۇكىل ەلىمىز كولەمىندە ورىستەتىلدى.
9. دۇنيە جۇزىلىك ساياسي پارتيالار تاماشا الەمدى بىرگە قۇرۋ جونىندە كەڭەستى
جۇڭگو كوممۋنيستىك پارتياسى مەن دۇنيە جۇزىندەگى ساياسي پارتيالاردىڭ باسشىلارىنىڭ كەڭەسى 30 – قاراشادان 3 – جەلتوقسانعا دەيىن بەيجيڭدە وتكىزىلدى، تاقىرىبى: «ادامزاتتىڭ تاعدىرلاس ورتاق تۇلعانىن قۇرىپ، تاماشا الەمدى بىرگە كوركەيتەيىك: ساياسي پارتيالاردىڭ جاۋاپكەرشىلىگى». ج ك پ ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ اشىلۋ سالتىنا قاتىناستى ءارى ماڭىزدى ءسوز سويلەدى.
10. شياڭگاڭ – جۋحاي – اۋمىن كوپىرىنىڭ نەگىزگى تۇلعالىق قۇرىلىسى بۇكىل لەنيا بويىنشا تۇتاستىرىلدى
شياڭگاڭ – جۋحاي – اۋمىن كوپىرىنىڭ تەڭىز استىنداعى تۋنەلى 7 – شىلدە كۇنى تۇتاستىرىلدى، بۇل ىلگەرىندى – كەيىندى 13 جىل بويى دالەلدەۋ، جوبالاۋ، قۇرىلىس جۇرگىزۋدەن سوڭ، «عاسىرلىق ينجەنەريا» دەپ اتالعان شياڭگاڭ – جۋحاي – اۋمىن كوپىرىنىڭ نەگىزگى تۇلعالىق قۇرىلىسىنىڭ بۇكىل لەنيا بويىنشا تۇتاستىرىلعانىن كورسەتەدى. كوپىردىڭ جالپى ۇزىندىعى 55 كيلومەتر، ول شياڭگاڭ، جۋحاي جانە اۋمىندى تۇتاستىراتىن ەرەكشە ءىرى تۇرپاتتى تەڭىز اتتاعان جول بولىپ، «التى ءتۇرلى ەڭدى» جاراتتى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
