الداۋدىڭ مىناداي تۇرلەرىنەن ساق بولىڭىز
2017.12.27 13:22 كەلۋ قاينارى : حالىق تورابى
ءبىرىنشى، باسقالاردىڭ اتىن جامىلىپ الداۋ
1. ساقشى، پروكۋرور، سوتشى بولىپ الداۋ: ساقشى، پروكۋرو، سوتشى بولىپ زياندالۋشىلارعا تەلەفون جالعاپ، ولاردان قاراجاتىن مەملەكەتتىڭ ەسەبىنە وتكىزىپ، تەكسەرۋگە سايكەسۋدى تالاپ ەتەدى.
2. ۋيچاتتا سالاۋاتىن جاسىرىپ الداۋ: دوس رەتىندە قوسىپ، كوڭىل جەتەرلىك دەڭگەيگە دەيىن سەنىمدىلىككە يە بولعان سوڭ، قولىم قىسقا بولىپ تۇر، وتباسىمدا قيىنشىلىق تۋىلدى دەگەندەي ءتۇرلى سىلتاۋلارمەن اقشا الداپ الادى.
3. QQ دوسىنىڭ اتىن جامىلىپ الداۋ: QQ ءنومىرىنىڭ يەسىنىڭ اتىن جامىلىپ، QQ دوستارىنان «اۋىر ناۋقاسقا شالدىعۋ، قاتىناس شىرعالاڭىنا ۇشىراۋ»، «شۇعىل اقشا قاجەت بولۋ» سىندى شۇعىل جاعدايلاردى سىلتاۋراتىپ اقشا الداپ الادى.
4. ءۇي مايلاۋشى بولىپ كەلتە حاتپەن الداۋ: ءۇي مايلاۋشىنىڭ اتىن جامىلىپ، توپتىق كەلتە حات جولداپ، ءۇي يەسىنىڭ بانكە كارتۋچكاسى وزگەردى دەپ، ءۇي مايلاۋشىلاردان ماياقىنى باسقا كارتۋچكا نومىرىنە سالۋدى تالاپ ەتەدى.
ەكىنشى، جالعان بازالىق ستانسيا ارقىلى توپتىق كەلتە حات جولداۋ، تەلەفون جالعاۋ ارقىلى الداۋ
1. بانكە قارىز بەرەدى دەپ الداۋ: توپتىق كەلتە حات جولداۋ ارقىلى قاراجات كەرەك بولعاندارعا بانكە قارىز بەرەتىنىن، ءوسىمى تومەن، كەپىل بولۋ قاجەتسىز ەكەنىن ايتادى. سونان كەيىن، ءوسىمىن الدىمەن تولەۋ، كەپىلدىك سوماسى قاتارلى جولدارمەن الدامشىلىق ىستەيدى.
2. فينانس ساۋدا – ساتتىق الدامشىلىعى: الدامشىلار بەلگىلى باعالى قاعاز سەرىكتەستىگىنىڭ اتىندا ينتەرنەت، قولفون، كەلتە حات سىندى تاسىلدەرمەن جارنا بازارىنىڭ بەتالىسى تۋرالى جالعان اقپار جاريالاپ، اقشا الداپ الادى.
3. ەمدەۋ قامسىزداندىرۋىن، الەۋمەتتىك قامسىزداندىرۋدى سىلتاۋراتىپ الداۋ: ەمدەۋ قامسىزداندىرۋىڭىز بەن الەۋمەتتىك قامسىزداندىرۋىڭىزدا قالىپسىز جاعداي تۋىلدى دەپ، ايتىلمىش «حاۋىپسىز نومىرگە» اقشا سالۋعا شىرعالاۋ تاسىلىمەن الدامشىلىق ىستەيدى.
4. جينالعان ءنومىردى اۋىستىرىپ الۋعا جەتەلەۋ ارقىلى الداۋ: قولفونىڭىزداعى جينالعان نومىرمەن ءبىر زەردەلى قولفون اۋىستىرىپ الۋىڭىزعا بولادى دەپ الداپ، جەتپەي قالعان بولەگىن تولىقتاپ سالىڭىز دەپ ەسەپ ءنومىرىن بەرەدى؛ نەمەسە كەلتە حاتپەن سەنىمدىلىك كارتۋچكاڭىزداعى جينالعان ءنومىردى ناق اقشاعا اۋىستىرىپ الۋىڭىزعا بولادى دەگەن تاسىلدەرمەن الدايدى.
5. ەمتيحان سۇراۋلارىن بەرەمىن دەپ الدايدى: ەمتيحانعا قاتىناسۋ الدىندا تۇرعان وقۋشىلارعا تەلەفون جالعاپ، ەمتيحان سۇراۋلارىن نەمەسە جاۋابىن بەرەمىن دەپ، ولاردان اقىنىڭ ءبىر بولەگىن الدىمەن جولداپ جىبەرۋدى تالاپ ەتەدى.
6. جوعارى ەڭبەكاقىمەن قىزمەتكەر قابىلدايمىز دەپ الدايدى: توپتىق كەلتە حات ارقىلى ايلىق ەڭبەكاقىسى نەشە ون مىڭ يۋاندىق قىزمەتكە بەلگىلى كاسىپتەن وقۋ تاۋىسقان كاسىپتىك ادامداردى قابىلدايمىز دەپ جولداپ، تاربيەلەۋ اقىسى، كيىم – كەشەك اقىسى، كەپىلدىك سوماسى سىندى جەلەۋلەرمەن الدايدى.
ءۇشىنشى، عالامتوردا قارماق تاستاۋ ارقىلى شابۋىلعا ءوتۋ الدامشىلىعى
1. جالعاننان مەيىر باعىشتاۋ دەگەن اتپەن الدامشىلىق ىستەۋ: ادام ىزدەۋ، قيىنشىلىعى بارلارعا كومەكتەسۋ سىندى جالعان حابارلاردى مەيىر باعىشتاۋ تاسىلىمەن دوستىق شەڭبەرىنە جولدايدى، ولاردىڭ حابارلاسۋ تاسىلدەرى دەپ جولداعان تەلەفون نومىرلەرىنىڭ كوبى امالياتتا سىرت جەردىكى بولىپ، تەلەفون جالعاساڭىز تەلەفون اقىڭىزدى جالمايتىن نەمەسە تەلەفوندا الدايتىنداردىڭ ءنومىرى بولىپ شىعادى.
2. ۋيچاتتا جۇرەكشە تالاپ ەتۋ ارقىلى الداۋ: ساۋدا دۇكەندەرىنىڭ اتىن جامىلىپ، «جۇرەكشە بەرسەڭ سيلىق بار» دەگەن حابارلاردى جاريالاپ، قاتىناسۋشىلاردان اتى – ءجونى، تەلەفون ءنومىرى سىندى جەكەلىك ينفورماتسيالارىن ۋيچات تەكشەسىنە جولداۋدى تالاپ ەتەدى، «رەسميەت اقى»، «كۋالاندىرۋ اقىسى»، «كەپىلدىك سوما» سىندى تاسىلدەرمەن الدامشىلىق ىستەيدى.
3. جالعان جالعانىم الدامشىلىعى: جالعان بازالىق ستانسيا ارقىلى ينتەرنەت بانكەسىنىڭ فۋنكتسياسىن جوعارىلاتۋ، 10086 جىلجىمالى حابارلاسۋ بازارىنان ناق اقشا اۋىستىرىپ الۋ سىندى جالعان جالعانىمداردى جىبەرەدى، الدانۋشى بۇل جالعانىمداردى باسقاننان كەيىن، قولفونعا بانكە ءنومىرىن، قۇپيا سيفرىن جانە قولفون ءنومىرىن ءتۇسىرىپ الاتىن تروي ۆيروسى كىرەدى دە، قىلمىستىلار وسى ارقىلى الدامشىلىعىن جالعاستىرادى.
ءتورتىنشى، سيلىققا يە بولۋ تۋرالى جالعان ينفورماتسيامەن الدايدى
1. سيلىققا يە بولۋ جونىندەگى ەلەكتروندىق حات الدامشىلىعى: ينتەرنەت ارقىلى سيلىققا يە بولدىڭىز دەگەن ەلەكتروندىق حات جولداپ، «جەكەلىك تابىس باجىسى»، «كۋالاندىرۋ اقىسى»، «ەسەپ جوتكەۋ رەسميەت اقىسى» سىندى ءتۇرلى سىلتاۋلارمەن اقشا سالۋدى تالاپ ەتەدى.
2. ايگىلى كاسىپورىنداردىڭ سيلىعىنا يە بولدىڭىز دەپ الدايدى: ايگىلى كاسىپورىنداردىڭ اتىن جامىلىپ، سيلىققا يە بولعان كارتانى جالعاننان جاساپ، پوچتامەن نەمەسە جەدەل جەتكىزۋ قىزمەتىمەن جەتكىزىپ بەرەمىز دەپ، رەسميەت اقى، كەپىلدىك اقى جانە جەكەلىك تابىس باجىسىن سۇرايدى.
3. كوڭىل اشۋ باعدارلامالارىنىڭ سيلىعىنا يە بولدىڭىز دەپ الدايدى: تەلەۆيزوردا كورىلىمى جوعارى بولىپ جاتقان كوڭىل اشۋ باعدارلامالارىنىڭ اتىنان قولفوندا سيلىققا يە بولدىڭىز دەگەن توپتىق كەلتە حات جولدايدى، سوڭىنان رەسميەت اقى، كەپىلدىك سوما جانە جەكەلىك تابىس باجىسىن سۇرايدى.
بەسىنشى، عالامتوردا زات جانە بەلەت ساتىپ العاندا شىرعالاپ الداۋ
1. اقشانى قايتارىپ بەرۋ دەگەن اتپەن الداۋ: تاۋباۋ سەرىكتەستىگىنىڭ قىزمەتكەرى بولىپ تەلەفون جالعاپ نەمەسە كەلتە حات جولداپ، العان زاتىڭىز تاۋسىلىپ كەتكەندىكتەن، اقشاڭىزدى قايتارامىز دەپ، بانكە كارتۋچكاڭىزدىڭ ءنومىرىن جانە قۇپيا سيفرىن سۇراپ، وسى ارقىلى الدامشىلىق ىستەيدى.
2. عالامتوردا زات ساتىپ العاندا الداۋ: زات ساتىپ الاتىن توردى نەمەسە تاۋباۋ دۇكەنىن جالعاننان جاسايدى، ەگەر زات ساتىپ الۋعا زاكاز بەرسەڭىز، جۇيەدەن كىنارات تۋىلدى دەگەن سىلتاۋمەن زاكازدان ماسەلە شىعىپ، سىزگە قايتادان تاپسىرىس بەرۋدى تالاپ ەتەدى. ونان كەيىن QQ ارقىلى جالعان ءادىرىس جىبەرىپ، تاۋباۋ ءنومىرىن، بانكە ءنومىرىن، قۇپيا سيفرىن جانە دالەلدەۋ كودىن تولتىرۋدى سۇرايدى، وسى ارقىلى بانكە كارتۋچكاڭىزداعى اقشانى جوتكەپ اكەتەدى.
3. تومەن باعادا زات ساتىپ الۋداعى الدامشىلىق: ينتەرنەت، قولفون كەلتە حاتى ارقىلى وتكەرمە اۆتوكولىك، وتكەرمە كومپيۋتەر، كەدەندە ءمۇسادىرالانعان زاتتاردى وتكەرمەلەپ ساتۋ ينفورماتسيالارىن جولدايدى، ەگەر بىرەۋ حابارلاسسا، «زاكاز اقشاسىن تاپسىرۋ»، «ساۋدا رەسميەت اقىسى» قاتارلى تاسىلدەرمەن الدايدى.
4. ۇشاق بەلەتىنىڭ ۋاقىتىن وزگەرتۋ الدامشىلىعى: اۆياتسيا سەرىكتەستىگىنىڭ قىزمەتكەرىنىڭ اتىن جامىلىپ، «ۇشاق ۇشپايتىن بولدى، بەلەت قايتارىلادى، نەمەسە ۋاقىتىن وزگەرتۋگە بولادى» دەگەن سىلتاۋمەن بەلەت العاندارعا كوپ رەت اقشا جولداتۋ ارقىلى تىزبەكتى الدامشىلىق ىستەيدى.
5. ەكىلىك سيفردان پايدالانىپ الدامشىلىق ىستەۋ: باعاسىن ءتۇسىرۋ، سيلىق بەرۋ سىندى شىرعالارمەن ەكىلىك سيفردى ءتۇسىرىپ، مۇشەلىككە ءوتۋدى تالاپ ەتەدى، وسى ارقىلى تروي ۆيروسىن قوسىپ، الدانۋشىنىڭ بانكە ەسەپ ءنومىرى، قۇپيا ءنومىرى سىندى قۇپيا ينفورماتسيالارىن ۇرلاپ الادى.
جوعارىدا ايتىلعان تەلەگراف الدامشىلىقتارىن قورىتىندىلاي كەلسەك، بارلىق الدامشىلىقتاردىڭ جولى نەگىزىنەن ۇقساس، ەڭ سوڭىندا ءبارى دە «اقشا جىبەرۋدى» تالاپ ەتەدى، مۇنداي الدامشىلىقتار بەلگى بەرگەندە، اشكوزدىك ىستەمەۋ، سەنبەۋ، قورىقپاۋ كەرەك، استە وڭاي – وسپاق اقشا اۋدارماڭىز، سوندا ولارعا الدانىپ قالمايسىز.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
