مەملەكەتتىك دامۋ جانە رەفورما كوميتەتى: شەتەل قارجىسىمەن دەربەس قارجىلاندىرىپ شارۋاشىلىق جۇرگىزۋگە اناعۇرلىم كوپ سالادا رۇقسات بەرىلەدى
2019.03.08 15:08 كەلۋ قاينارى : حالىق تورابى
شينحۋا اگەنتتىگى، بەيجيڭ، 3 – ايدىڭ 6 – كۇنى (ءتىلشى سۇن ي، تان موشياۋ) مەملەكەتتىك دامۋ جانە رەفورما كوميتەتى مەڭگەرۋشىسىنىڭ ورىنباسارى نيڭ جيجى 3 – ايدىڭ 6 – كۇنى 13 – كەزەكتى مەملەكەتتىك حالىق قۇرىلتايى 2 – ءماجىلسىنىڭ تىلشىلەردى قابىلداۋ ماجىلسىندە بىلاي دەدى: ەلىمىز اۋىل شارۋاشىلىعى، كەن اشۋ كاسىبى، جاساۋ كاسىبى، قىزمەت وتەۋ كاسىبى سالالارىندا اناعۇرلىم اشىق ۇستالعان شارالاردى قولدانىپ، اناعۇرلىم كوپ سالالاردا شەتەل قارجىسىمەن دەربەس قارجىلاندىرىپ شارۋاشىلىق جۇرگىزۋگە جول بەرەدى.
نيڭ جيجى بىلاي دەدى: كەزەكتە شەتەل ساۋداگەرلەرىنىڭ قارجى قوسۋىنا رۇقسات ەتىلمەيتىن سالالار تىزىمدىگىنە وزگەرىس ەنگىزۋ قىزمەتى باستالدى، وتكەن جىلى بازارعا كىرۋگە رۇقسات ەتۋ كولەمىن بارىنشا كەڭەيتۋ نەگىزىندە، بيىل شەتەل ساۋداگەرلەرىنىڭ قارجى قوسۋىنا رۇقسات ەتىلمەيتىن سالالار تىزىمدىگى ونان ارى ازايتىلىپ، ەركىن ساۋدا سىناق رايونىندا ەسىكتى ايقارا اشۋدا الدىمەن سىناق ەتۋ جالعاستى جۇرگىزىلەدى.
ول بىلاي دەپ تانىستىردى: بيىل تاعى دا جاڭادان «شەتەل ساۋداگەرلەرىن قارجى قوسۋعا شابىتتاندىراتىن كاسىپتەر تىزىمدىگى» جاريالانادى، شەتەل ساۋداگەرلەرىن قارجى قوسۋعا شابىتتاندىرۋ كولەمىن كەڭەيتۋ، شەتەل قارجىسىنىڭ ءداستۇرلى شارۋاشىلىقتا تيپىن وزگەرتىپ، دارەجەسىن جوعارىلاتۋ، جاڭادان گۇلدەنگەن شارۋاشىلىقتاردىڭ دامۋى مەن وڭىرلەردىڭ سايكەستى دامۋىنداعى رولىن تولىق ساۋلەلەندىرمەكشىمىز.
شەتەل قارجىسىنىڭ بازارعا كىرۋىنە رۇقسات ەتۋدىڭ الدى – ارتىندا تۇگەلدەي ازاماتتىق مامىلە جاساۋ جونىندە توقتالعان كەزدە، نيڭ جيجى بىلاي دەدى: ەلىمىز شەتەل ساۋداگەرلەرىنىڭ قارجى قوسۋىنا رۇقسات ەتىلمەيتىن سالالار تىزىمدىگىنەن سىرت سالالارداعى شەتەل قارجىسى جونىندە دارا بەلگىلەنگەن رۇقسات ەتۋ شەكتەمەسىن جاپپاي رەتكە سالۋدا، بازارعا كىرۋدە ىشكى – سىرتقى قارجىعا قويىلاتىن ولشەمدەر بىردەي بولۋىنا كەپىلدىك ەتىلەدى؛ سونىمەن بىرگە، ۇكىمەتتىڭ ساتىپ الۋ، ولشەم بەلگىلەۋ، شارۋاشىلىق ساياساتى، عىلىم – تەحنيكا جونىندەگى ساياساتى، تولىمدىلىق رۇقساتى، تىزىمگە الدىرۋ، بازارعا سالىپ قارجى قۇراۋ سياقتى جاقتاردا شەتەل قارجىسىمەن قۇرىلعان كاسىپورىندارعا ءادىل مامىلە جاساۋ ىلگەرىلەتىلەدى.
ول بىلاي دەپ تانىستىردى: مەملەكەتتىك دامۋ جانە رەفورما كوميتەتى قاتىستى تاراۋلار مەن جەرگىلىكتى ورىنداردىڭ ەستەلىككە الۋ سياقتى باسقارۋ ءتارتىبىن قاراپايىمداستىرىپ، شەتەل قارجىلاندىرتىن ءىرى نىساندارىنا قىزمەت وتەۋدى ورىستەتۋدە جانە قىزمەتتى ىلگەرىلەتۋدە. قازىر، شەتەل قارجىسى قوسىلاتىن ءىرى ەكى توپتاعى نىساندى ورتاعا قويدى، كەلەسى كەزەكتە تاعى دا جاڭا ەنەرگيا، وزىق جاساۋ كاسىبى جانە مۇناي – حيميا، ەلەكتروندىق ينفورماتسيا قاتارلى سالالاردى قامتىعان 3 – توپتاعى نىساندارعا جەردى پايدالانۋ، تەڭىزدەن پايدالانۋ، ەنەرگيادان پايدالانۋ، جوسپارلاۋ قاتارلى جاقتاردا قولداۋ كورسەتىلەدى، قورشاعان ورتانى باعالاۋ، تەكسەرىپ – بەكىتۋ اياق – الىسىن جەدەلدەتىپ، قارجى قوسۋدى قولايلىلاندىرۋ دەڭگەيىن اناعۇرلىم جوعارىلاتادى. اۋدارعان: قاۋلا بەيسەن قىزى (پراكتيكانت)
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
